اصبحنا اليوم التاني مشيت الجامعه بس المره دي مجتبي كان متغير ما قرب علي ولا حاول يضايقني بس بصراااحه كنت حاسه انو في حاجه ناقصه يومي بس ما اهتميت عدينا يومين ونحن بالطريقه دي اليوم التالت كان غايب من الجامعه وانا بالجد كنت فاقداهو بالرغم من مضايقتو لي كنت طول اليوم بفتش ليهو بعيوني بس ما جا الجامعه
رجعت البيت وانا متضايقه وبقيت افكر اني اتصل عليهو ولأ لا تاني قطعت الشك باليقين وقررت اني اتصل اطمن عليهو من باب الزماله وكده عايزه اتصل لقيت ما عندي رصيد مشيت لـ سمر في غرفتها قلت ليها سمور ارح معاااي نجيب رصيد قال لي طيب دقيقه البس العبايه ونمشي طلعنا انا وسمر جبنا الرصيد وجينا راجعين لقينا في شباب قاعدين في المسطبه جنب الباب واحد قال دي الغنو ليها نار منقد والتاني قال ليهو لااا دي اكيييد شارده من مجلة سيدتي ما اشتغلنا بيهم كتيير دخلت غرفتي وسمر رجعت تزاكر شلت التلفون ومتردده في الاتصال اتصلت دخل جرس اتخلعته قفلت الخط بعد شويه تلفوني اتصل عاينت للرقم لقيتو مجتبي ما فتحت الخط رسل لي رساله نصيه قال لي بعتزر علي العملتو معاااك واي مضايقه حصلت مني ح اتصل عليك لو سامحتيني افتحي الخط ولو لسه ماخده موقف ارفضي المكالمه وفعلا اتصل علي بس غلبني ارفضها فتحت الخط قال لي الو قلت ليهو اهليين قال لي اعتبر باتصالك ده انك سامحتيني قلت ليهو منو الاتصل ما تنسي انت المتصل قال لي انا رديت اتصالك مالك فصلتي بعد دخل جرس قلت ليهو من الشبكه وبعدين ضربت لانو لانو لانو وفضلت اكرر فيها قال لي ما في داعي تبرري المهم تلفوني نور برقمك قلت ليهو بطل ظرااافه عشان ما اقفل الخط قال لي خلاااص خلاااص بنتونس كده اسمع سامر بكورك تحت الحيوانه دي وينها الليله بكسر راسها ده قلت لـ مجتبي دقيقه اقفل وبرجع ليك قفلت التلفون ونزلت تحت ولسه كان بصرخ وكان برعف وشكلو عامل شكله لانو زرار قميصو مقطوعه قلت ليها في شنو يا حبوبه قال لي كمااان ليك عين تسألي قلت ليهو لييه عملت شنو يكسر عيني حبوبه قالت ليهو كدي اهدأ يا ولدي وارفع راسك عشان الدم يقيف واحكي لينا قال ليها عايزه تعرفي شنو يا حبوبه عايزه تعرفي انو الاولاد بتغزلو في محارمنا في وشي لا وكمااان يقولو لي المزه القاطعه دي منو ولييه ما عرفتنا عليها عايزاني اعمل شنو اقيف افترج فيهم ولأ انادي حضرتها اعرفها عليهم عشان كده قلت ليها تحترم روحها قلت ليهو انا محترمه غصبا عنك وعنهم ولو هم متخلفين وعقليتهم مدنيه وده اسلوبهم يبقي ما ذنبي ولو انت عقلك شبهم وده تفكيرك برضو يبقي ده ما ذنبي عايز يجي يضربني حبوبه وقفت في نصنا وقالت لي شجن كفايه امشي غرفتك قلت ليها بس يا حبوبه قالت لي ما عايزه كلام امشي مشيت غرفتي وقعدته ابكي تاني سامعاهو بقي يشاكل في سمر قال ليها انا مش قلت ليك الزفته دي ما اشوفك معاها قالت ليهو بس يا سامر دي بت عمتي يعني ما بت غريبه قال ليها بت عمتك داخل البيت هنا لكن ما تعتبي معاها الشارع ولا بالغلط فاهمه عشان ما اقطع راسك واسفرك لـ ناس امي من غير رجعه تاني ما سمعت صوتها شكلها برضو بقت تبكي انا هنا اتفقعت بالبكا زياده قلت معقول شايفني كعبه للدرجه دي واني بنت ما كويسه للدرجه دي بس لو كنت وسط اهلي ماما وبابا ما كان اتهنتا بالطريقه دي جاتني حبوبه بقت تهدي فيني بعد هديت قالت لي شجن دي مشاكل بتحصل في كل بيت وبتتحلي عشان كده ما تكلمي ناس امك تشفقيهم ساي قلت ليها اطمني يا حبوبه ما بكلمهم لانو لو هم مهتمين بي اصلا ما كان جابوني هنا قالت لي يا بتي ما تقولي كده ما في زول ما بريد جناهو واكيد شافو انو احسن ليك هنا بعد هديت وطلعت مني لقيت مجتبي ضارب لي 5 مكالمات ما رجعت ليهو دخلت الواتس قلت افضفض مع صحباتي في الامارات اول ما دخلت جاتني منو رساله وبقينا ندردش في الواتس بعدها حسيت براااحه نفسيه اصبحنا اليوم التاني مشيت الجامعه ولقيت مجتبي منتظرني من شافني اتبسم جا سلم علي سلمت عليهو عادي وبقينا نتونس مع بعض سلمي جات داخله شافتنا قاعدين سوا اتخلعت جات سلمت علينا الدكتور دخل القاعه مجتبي قام من جنبي بعد المحاضره انتهت سلمي قالت لي سبحان مغير الاحوال متين بقيتو صحبه قلت ليها امس 😅 وحكيت ليها الحصل بينا انا و مجتبي قالت لي شجن الولد ده معروف ما تمااام هو وشلتو ابعدي منو قلت ليها بالعكس ظريف يااااخ بس كنت فاهماهو غلط قالت لي غايتو انا نبهتك منو وتاني انتي حره والجامعه كلها عارفه سلوكو قلت ليها حرام عليك الناس شكلها ظالماهو زيي في الاول قالت لي بس عشان ما تقولي ما حزرتك بعد نهاية الدوام لقيت عمو واقف برا وفي نفس اللحظه مجتبي منتظرني في عربيتو عمل لي كونتاك نظام تعالي مشيت عليهو نزل القزاز قال لي خلي الامجاد تمشي انا بوصلك قلت ليهو بس قال لي من غير عزر قلت ليهو تمااام رجعت لـ عمو قلت ليهو الليله اديتك اجازه برجع مع ود خالتي قال لي تمام ومشي انا ركبت مع مجتبي وبقينا ندردش مع بعض وشغاله اوصف
ليهو البيت لما بقينا قريب البيت قلت ليهو بس اقيف هنا قال لي لييه خليني اوصلك للباب قلت ليهو لو عايزني اجي معاك طوااالي بس اقيف هنا طبعا وقفتو قبل البيت عشااان زفت سامر ما يشوفو لو شافو ح تحصل مشكله كبيره قال لي اوك خلاااص الصباح بجي غاشيك قلت ليهو لا بس برجع معاك اخر الدوام قال لي اوك راحتك يلااا باي بتصل عليك بعدين قلت ليهو اوك وفضلت علي الحال ده في البيت كنت بتجنب اشوف سامر ولو عينا وقعت في بعض بالغلط هو يحمر لي وانا اعاين ليهو باستهزاء وكنت ببين ليهو اني قويه وما في حاجه بتكسرني اما بالنسبه لـ مجتبي اغلب وجودي في الجامعه كان معاهو وبقيت كل يوم اتعلق بيهو اكتر وثقتي فيهو بقت عمياء وسلمي كل ما تشوفني معاهو كان تحزرني بس لا حياة لمن تنادي لحدي ما جا اليوم المشؤوم
#يتبــــع ⏪⏪⏪⏪
