وائل كان خاتينا انا وبتو في نن عيونو ما قصر معانا بس انا كنت مرات بغير منها لدرجه اني بزعل بس وائل بعرف يمتص زعلي في ثانيه صاح هي بنتي بس اعمل شنو الغيره غريزه عندنا 😅
في يوم عندي البيريود وزهجااانه لم تكون عندي بكون متنشنه ومتوتره ما بحب الكلام الكتير وما بحب الازعاااج كنت راقده في السرير ولمى شغاله تنطط جنبي قلت ليها حبيبتي اقعدي ساااي وهي لسه تنطط قلت ليها لمُو اجري لـ بابا في الصاله بره ولا حياة لمن تنادي نهرتها لمى وقمت دقيتها قلت ليها ما بتسمعي الكلام قعدت تبكي وائل جا جاري قال لي مالها قلت ليهو بتك قليلة ادب قال لي حبيبي بس هي لسه صغيره ما عارفه حاجه جا يشيلها وهي عايزاني وماسكه فيني قال ليها تعالي حبيبة بابا ماما عيانه وهي شغالة تصرخ وتبكي ماما ماما وماسكه فيني عايزاني وانا الازعاج بوترني زياده في اللحظه دي استخدمت مقولة الامهات المشهوره قلت ليهم يعني الواحد ما يرتاح الا يطلع يخلي ليكم البيت وائل طبعا ما ناقشني في اللحظه دي لانو عارف طبعي شنو شالها من جنبي وقال لي ارتاحي وطلع من الغرفه وانا لسه كنت بسمع صوت بكاها بعد هديت استوعبت الحصل وضميري أنبني عشان ما متعوده اضربها قعدت ابكي وائل جا داخل شايل لي كباية عصير برتقال قال لي قومي اشربي ده عشان تروقي قلت ليهو ما دايره لقاني ببكي قعد جنبي وخت راسي في رجلو وفضل يمسح في راسي قال لي متألمه هزيت ليهو راسي لااا قال لي طيب بتبكي مالك قلت ليهو والله ما قصدي اضربهاا قال لي عارف والله ما بيدك هسه هسسسسس خلاااص كفايه بكا قلت ليهو بس لمى ما عارفه كده وتاني ح تكرهني قال لي لمى لسه صغيره ما بتعرف الكرهه وبعدين في زول بيكره امو وخاصه لو كانت حنونه زيك بكره ح تصحي ناسيه اي حاجه قلت ليهو هسه وين قال لي نايمه في الغرفه التانيه قمت من السرير قال لي ماشه وين قلت ليهو ماشه ليها قال لي خليها للصباح هسه نايمه قلت ليهو لااا مشيت ليها لقيتها نايمه زي الملاك علي بطنها بستها في خدها قامت اتنهدت من كترة البكا لم شوفتها دموعي جرت وجيت اشيلها وائل قال لي خليها انا بنوم معاها هنا وانتي امشي ارتاحي قلت ليهو لااا انا عايزاها في حضني قال لي طيب خليها بشيلها شالها وداها غرفتنا رقدناها في نصنا ونمنا علي كده ♡
الصباح بدري لمى صحت وشغاله تبوس فيني ماما أثحي ماما دايله أبَن (قصدها اللبن) ماما أثحي وائل جا داخل قال ليها لمُو خلي ماما عيانه تعالي اديك ليهو انا فتحت عيوني قلت ليهو لااا خليها ح اديها انا واتزكرت ضربي ليها امس مسكت حضنتها علي شديييد وائل قال لي حمدلله علي السلامه الزهج والتوتر خلاص رااااح وقعد يضحك قلت ليهو لا بس كلو يهون عشان لمُونتي وبستها ريحتها ياااااخ ترد الروح وائل قال لي بالمناسبه كلمتك حق امس ما عديتها ليك قلت ليهو ياتو كلمه قال لي عايزه تطلعي تخلي لينا البيت قعدت اضحك قلت ليهو معقول اطلع واخلي قمري دي وبستها تاني قال لي وبالنسبه لأبو القمر بطلعو يخلو عااادي كده يعني طيييب علي الاقل لم تجي تطلعي كلمينا من بدري عشان ألحق ألقي لي زوجه مناسبه وفي نفس الوقت ام بديله لـ لمُووويه قلت ليهو بحده وائل جا علي قال لي روحو وعقلو وقلبو وحياتو لـ وائل جا باسني قلت ليهو وائل بتك قاعده قال لي مالو هي زاته نديها حقتها باسها قال لي شكلو كده الليله ما ناويه تدينا شاي قلت ليهو امشي اشرب مع القلت داير تجيبها بدلي قال لي اجي اعيد المشهد الـ هسه ده جنب لمى تاني ولأ ح تقومي نزلت لمى من السرير ونزلت قلت ليهو لااا بعد ده وجب اني اخلي ليكم البيت واطلع 😅
المسا ماما نوره عازمانا عشا وائل قال لي حبيبي لو ما بتقدري تمشي نعتزر قلت ليهو لا بمشي كان ما مشينا نقول ليهم شنو مشينا ليهم ولمى شغاله تقول لاي زول ماما أيانه ماما أيانه ماما نوره قالت ليها تبرا ماما من المرض قالت لي الليله دي لمت فيها وين كلمه عيانه دي وحفظتها وائل شغال يضحك سااااي حيوان ما برتاااح الأ يفضحني قلت ليها لااا بس قبيل كنت مصدعه وعشان تقعد رايقه قلت ليها انا عيانه وائل همس لي قال لي بلاااي كنتي مصدعه ما عارفك والله وقعد يضحك قلت ليهو اسكت ده كلو منك انت شبكتها ماما عيانه ماما عيانه لم حفظتها
وعدت سنتين وانا في المطبخ و وائل و لمى في الصاله ولمى تنادي فيني ماما ماما دولي لـ بابا أتح لي تيور الدنه ماما بابا ابي يتحها لي قلت ليهو وائل عليك الله افتحها ما تخليها تكورك وانا شغاله .. فتحها ليها قال بصوت عالي الواحد يا لمى زي ما قالت ماما الأ يطلع يخلي ليكم البيت ده قلت ليها لمى زي ما قال بابا قبل ما تطلع تخلي لينا البيت كلمني من بدري نفتش لينا زوج مناسب وفي نفس الوقت ابو مناسب لـ لمى طبعا قلت كده من غير ما افكر وائل قال لي لاااا ماكده يا حيوااانه وجا المطبخ قال لي في وحده بتعرس راجلين طيب بدل ما نجيب زول غريب بعد ده ما نفكر نجيب اخ ولأ اخت لـ لمى وجا ماشي علي قلت ليهو وائل خليك
عاقل قعد يضحك في اللحظه دي لمى جات المطبخ قالت ليهو بابا لم اتخلع انا مس دته ليت افتح لي تيور الدنه انت فتحت لي تراميس (كراميش) قال ليها دايماً يا لمى بتجي في الوقت الغلط قالت ليهو دته ثنو قال ليها قلت ليك تعالي افتح ليك طيور الجنه انا قعدته اضحك قال لي اضحكي اضحكي بس ما تنسي ما زال الليل طفلاً يحبو ولمى بعدين بتنوم
وعدت السنين ...
طبعا هسه بكتب ليكم وشايله لؤي عمرو شهرين والعصابه كانت ماف وهسه وصلت قصدي وائل وبناتو ( لمى عمرها 4 سنين و لميس عمرها سنتين)
وائل جا علي وشال لؤي قال لي شجوني انا مش قلنا مافي تلفوني وانا قاعد قلت ليهو انت مش طلعت مع بناتك وخليتني قال لي غيورتي انا تعالي وباسني في راسي قال لي البسمعك يقول طلعنا خليناك ما يقول مشينا ناس امي وبعدين كلها مسافة ساعه وجينا راجعين حبيبي انا بس ربنا ابتلاني بـ 3 مدللات بدل وحده حمرت ليهو بطرف عيني قال لي اقصد رزقني وقعد يضحك جراني رقدني في كتفو قال لي ربنا يحفظكم لي ان شاء الله قلت ليهو وائل قال لي عيونو قلت ليهو اشتقت لـ ماما وبابا طبعا ماما بعد ولادتي رجعت الامارات قال لي حبيبي انا اوعدك اقرب اجازه نسافر ليهم من الفرحه طبعتها ليهو في خدو و لمى ولميس جو جارين حضنونا الاتنين عايزين يقتلو اخوهم ربنا يحفظكم ويغطيهم لي من كل شر ♡
طبعا سماح جابت بنت سمتها شجن وسامر وسلمي اتزوجو وسلمي حامل في الشهر السابع ....
ودي كانت حياتنا ولسه مستمره بس بعد كده ح افارقكم لانو وائل حمر لي للمره التانيه بسبب التلفون طبعا مانعني نهااائي امسك التلفون وهو موجود بقول الوقت ده مخصص ليهو هو انا صاح ام لـ 3 اطفال ربنا يخليهم لي بس لحدي الان بخاف من وائل لم يصر لي وشو بس بمووووووووت فيهو وهو ما مقصر معانا من حيث الحوووب والحنااان ربنا يحفظو ويدي لينا طول العمر ♡ ......
مافي زول فينا حياتو مكتمله وكل ايامو سعاده اكيد بتمر بينا جميع انواع المشاكل .. الحياة فيها الحقد وفيها الحسد وفيها العين بس بقوة ارادتك وايمانك بالله بتقدري تتغلبي عليها وتحولي حياتك لـ حياة شبه مثااااليه وزي ما بقولو بعد الضيق فرج ♡
~~~ #الـنهـــااااايه. ~~~
بدل ( #تم ) ما تنسـو #تدعـو لي دعوه حلوووه منكم بس ركزو تكون لـ. أشـﺟـان ما لـ. شـﺟن
#نتـلااااقــي : فـي روايه جديده ~
