وقضيت حياتي بين النوم والاكل والتلفون لحدي ما يوم جا راجع بابا من الشغل وصدمني قال لي شجن تعالي اقعدي عايز اتكلم معاك قلت ليك خير بابا قال لي طبعا الشركه هنا ارباحها بقت ماشه متدنيه ما زي الاول واوشكت علي انها تقفل طبعا الخبر نزل علي زي الصاقعه قلت ليهو كيف يعني قال لي دخلنا في صفقه كبيره وخسرناها عشان كده بقت في الهاويه و شكلها ح تقفل قريب واحتمال كبير نصفي حساباتنا هنا ونرجع السودان قلت ليهو لااا استحاااااله مافي اي امل يعني قال لي للاسف قلت ليهو طيب انا في يدي في شنو عشان اساعدك قال لي املي كلو فيك عشان كده ح اطلب منك طلب قلت ليهو اطلب وانا عيوني ليك قال لي تسلم عيونك بتي الغاليه بس عندي صاحبي في السودان عندو شركه صغيره فحب يساعدني قال لي ممكن اشغل بتك من غير شهادة خبره بالشغل ده ممكن تساعديني في الحمل حبه ومنها لو رجعنا السودان يكون عندنا دخل ما نرجع نبدأ من الصفر طبعا الخبر بالجد صدمني اصبحت من وحده كل مطلباتها كانت احلام محققه لـ وحده تشتغل عشان تحصل علي مرتب شهري يمشي حالها قال لي انا لسه ما اديتو رد قلت اول اشوف رايك والقرار يرجع ليك لو رافضه انا ما عندي مشكله نبدأ من الصفر قاطعتو من غير تفكير قلت ليهو لاااا مواافقه قال لي متأكده وما بتغيري رأيك عشان لو اديت الراجل الموافقه بعدها ما عندك طريقه للرفض قلت ليهو اديهو وانت مطمن راحتكم فوق كل شي قال لي عارفك قدر المسؤوليه وعارفك ما بتخيبي ظني فيك قلت ليهو طيب ح اسافر متين قال لي بعد شهر المفروض تنزلي الشغل طوااالي قلت ليهو تمااام ما عندك مشكله دموعي رقرقت استأذنت منو ودخلت غرفتي فكيت عبرتي بالبكا
وقررت اني ابقي قويه واجتاز الصعاب عدا الشهر قلت لـ بابا ما ح تنزل معاااي السودان قال لي لا كلمت سامر و وصفت ليهو الشركه ح يوصلك وانا بضرب للمدير قلت ليهو بصوت مكسور تمااام
يوم السفر ودعت ماما وحمودي وبابا وصلني المطار في السودان استقبلني سامر قال لي بعد اتفكينا منك تاني جيتي قلت ليهو حيوان انت لاقيني وين قال لي الزيك متوفرين بكثره قلت ليهو الا سلمي صاح قال لي بالظبط كده 😅 وصلنا البيت سلمت علي ناس حبوبه واخر ونسه المسا دخلت غرفتي ارتاح اصبحنا الصباح واليوم كان مواعيدي في الشركه اتظبطه وطلعت من الغرفه سامر قال لي ابو الشياكه زاااتو قلت ليهو بطل بكش قوم ارح ولأ عايزني اطرد من اول يوم قال لي وانتي عندك امل انك ح تستمري قلت ليهو عندك شك قال لي ما شك يقين قلت ليهو نشوف
ونحن في الطريق قال لي شجن نفسي اعرف سر الحجل ده شنو وما بفرقك قلت ليهو كان عايزه اقد زمام محل الوجنه ماما منعتني لبست بدلو الحجل وبقي اغلي حاجه عندي مع انو ماما برضو معترضه فيهو بس بحس بجلب لي الحظ قال لي كلام الكفار ده شنو وحصل جلب ليك حظ قلت ليهو تصدق ولا مره بس بكون مرتاحه لم ألبسو ♡
قال لي ان شاء الله يتسرق قلت ليهو حيوان تتسرق انت والحجل يقعد
وصلنا الشركه نزلني وقال لي موفقه قلت ليهو تسلم دور العربيه واتحرك انا طلعت التلفون عايزه اتصل علي بابا واثناء ما بعاين للتلفون وماشه في نفس اللحظه في عربيه واقفه السائق فتح الباب عايز ينزل ما لحق الباب يضربني بس اتخلعت لم نزل اتفتحت ليك فيهو انت عميان ما بتشوف قال لي Sorry قلت ليهو وانا اعمل بيها شنو Sorry حقتك دي قال لي بس انتي ما تأذيتي قلت ليهو لا عليك الله انتظرك لم تضربي واموت قعد يضحك قال لي يا شيخهه ما في باب بقتل زول قلت ليهو انا بقتلني عندك اعتراض قال لي العفو عن اذنك عشان عندي زمن قلت ليهو اساس مدير وكده وقعدت اضحك يلا انا زاتي ما فاضيه ليك خلاني في مكاني ودخل نفس الشركه طبعا بصراااحه الولد مز قاااطع بس بعد ده كلو وجاهتو ومزتو دي ما قدرت تكسر غروري بقلبي قلت ليهو طيييب كويس انك شغال في نفس الشركه استعد للانتقام وطبعا انا داخله نظام المدير صاحب بابا وكده اتصلت علي بابا اني وصلت قال لي بضرب للمدير هسه وقفل الخط دخلت الشركه قلت للسكرتيره المدير موجود قالت لي عندك موعد سابق قلت ليها قولي ليهو شجن صلاح وهو بيعرف اتصلت عليهو قالت لي اتفضلي دخلت لقيت الحيوان داك قاعد في كرسي المدير صريت ليهو وشي وقعدت في الكرسي وخلفت رجلي وطلعت االتلفون وانا منتظره المدير قال لي انتي شجن قلت ليهو لااا ولويت ليهو خشمي وبقيت شغاله بالتلفون قلت ليهو العربيه السايقها قبل شويه دي مش حقت المدير قال لي اي قلت ليهو يعني عشان المدير مؤمنك مفتاح عربتو وعاملك سواقو الخاص و وثق فيك تقوم تعيش الدور وتقعد في مكانو خلي عندك زمه وكمان عايز تضرب بيها بنات الناس بس خلي المدير يجي عشان يعرفك علي حقيقتك وهو يتصرف معاك قال لي انتي بتعرفي المدير قلت ليهو حق المعرفه طبعا عايزه اتجدع بمعرفه المدير زي ما تقولو اتحكحك بالنجوم قال لي يعني قابلتي قبل كده قلت ليهو كتيييير طبعا متوقعه اول ما يدخل المدير يسلم علي بأسمي عشان بابا اتصل عليهو قال لي اهاااا قلت ليهو بس خسارة الثقه قال لي تتوقعي المدير لو عرف ح يعمل فيني شنو قلت ليهو انتظر وانت تعرف قال لي طيب لو انتي كنتي في مقام المدير كنتي ح تعملي شنو قلت ليهو لو دي انا من الباب ما كان خليت ناس الامن يدخلو اشكال زيك كضااابه يا أنا النصيحه الولد شكلو يرد الروح وبعدين المدير مشي وين اتأخر قال لي بجي هسه مستعجله عايزه تشتكيني ولأ شنو قلت ليهو شبهه كده طوااالي عشته دور معرفة المدير الباب دقه قال اتفضل عاينت ليهو واديتو بسمه استهتار نظام انت لسه عايش دور المدير دخلت السكرتيره قالت ليهو غرفة الاجتماع جاهزه قال ليها تمام قال لي عن اذنك وطلع طبعا اتخلعت قلت معقول بحلاتو و وجاهتو وشياكتو دي كلها يشتغل سواق وعامل نضافه بعد شويه جات السكرتيره قالت لي منتظرنك في قاعه الاجتماع قلت ليها المدير جا قالت لي اي طلعنا من المكتب أشرت لي علي القاعه دقيت الباب نفس الحيوان داك سمعتو قال اتفضل دخلت لقيتو قاعد في الكرسي في راس التربيزه حق الاجتماع وحولو الموظفين قال لي اتفضلي طبعا اتخلعت وقعدت في الكرسي قال للموظفين دي الموظفه الجديده اسمها شجن رحبو بي عرفني عليهم كل زول اسمو و وظيفتو في الشركه قال لـ بنت اسمها سماح علميها طريقة الشغل عشان جديده وانا ده كلو ما مستوعبه بقلبي قلت سجمك يا شجن يكون مجنون وبعالجو فيهو عشان كده الناس دي بتمشي فيهو وبسمعو كلامو يا حليلك يا شجن من قبيل ساكت ليك عشان يقتلك في الاخر بعد سماحتو دي كلها طلع مجنون قطع افكاري قال لي شجن انتي مركزه معانا قلت ليهو نععععم قال لي خليك مركزه معانا قلت ليهو حااااضر قلت امشيهو زي باقي الموظفين لحدي ما يجي المدير بعد انتهي الاجتماع وانا كالعاده ما فاهمه حاجه قال بعد ده ممكن تتفضلو علي مكاتبكم وتسلمو علي مجهودكم اتلفت قال لي امشي مع سماح توريك مكتبك وطبيعه عملك هزيت ليهو براسي حاضر
طلعت مع سماااح ونحن ماشين بقينا نتعرف علي بعض وصلنا المكتب وطلبت لينا نسكافي طبعا كنت مفتكره انو ح يكون عندي مكتب منفصل بس للاسف ده عباره عن اربعه مكاتب داخل مكتب واحد يعني 4 ترابيز في غرفه واحده قلت ليها انتي متأكده ده مكتبي قالت لي اااي مالو قلت ليها لااا اكيد ملخبطه قالت لي لا والله ده مكتبك ومن امس المدير جا قال لينا في موظفه جديده ح تنزل معاكم واشرف علي المكتب بنفسو قلت ليها بالمناسبة المدير انتي المدير مالو ما جا الاجتماع وخالي المجنون ده بدلو يا حليلو ربنا يشفيهو ان شاء الله قالت لي المجنون منو قصدك وائل وااااي وقعدت تضحك لم دمعت قلت ليها هسه بتضحكي مالك اسمو وائل حنني والله قالت لي بعتزر بس عشان قلتي المدير ما جا انتي جايه وما عارفه المدير منو يا بنت البتقولي عليهو مجنوون ده المدير زااااتو طبعا بعد سمعت كلامها ده لم شرقت بالنسكافي قالت لي اهدي قلت ليها اكييد بتهظري قالت لي والله ده المدير عشان صغير صااااح قلت ليها ااااي وعشان بابا قال لي الشركه حقت صاحبو عشان كده كنت متوقعاهو راجل قدر بابا قالت لي فعلا الشركه دي حقت ابوهو ومعاهو شريك بس لحدي هسه ما معروف صاحب الشركه التاني منو ما حصل جا الشركه بس كل العارفنو انو الشركه دي شراكه بين محمد ابو وائل والاسم المجهول بس من وائل اتخرج ابوهو فتحها ليهو بنتكلم كده جات السكرتيره قالت لي المدير عايزك بقلبي قلت يا حليلك يا شجن ح تترفدي قبل ما تتعيني كلام سامر طلع صاااح خلاااص يا شجن انتهيتي اواجهه بابا بشنو بتكلم كده لحدي ما وصلت المكتب ودقيت الباب قال لي اتفضلـي .....
#يتبــــع ⏪⏪⏪⏪
