فضل يوم والجامعه تفتح سامر قال لي جاهزه للجامعه قلت ليهو والله جاهزه بس كنت حابه اتحول لجامعه تانيه قال لي ده اسمو هروب واتعلمي انك تواجعي مشاكلك ما تهربي منها قلت ليهو يا سلام يا سلام سامر الواعظ قال لي شجن واللسان الطويل قلت ليهو الواحد اصلو ما يشكرك طبعا من المشكله الحصلت لي علاقتي اتصلحت مع ناس البيت بصوره عامه وبعد وقفو معاي اكتشفت انو القروش ما كل حاجه اهم حاجه العلاقه والترابط الاسري ...
الجامعه فتحت صحيت الصباح اتحممت وقشرته نزلت لقيتهم كالعاده بشربو في الشاي سامر قال لي بالمناسبه عمو البرحلك جاك وانا رجعتو قلت ليهو كيف يعني رجعتو وانا امشي ليك بشنو ولأ علي اساس مفتاح عربيتي في يدي قال لي اول اهدي طال ما في عربيه في البيت تكفي بالغرض ما في داعي للترحيل ح اسوقكم معاااي انتي وسمر قلت ليهو طيب محاضراتنا ما وحده قال لي مالو البنتهي اول ينتظر التاني قلت ليهو طيب يلاا عشان اتأخرت
قال لي تعالي اشربي الشاي قلت ليهو كان عايزه اشربو بمزاح كان نزلت بدري قلتها وانا بحاكي فيهو قعد يضحك قال لي اولا انا ما بتكلم كده تانيا كويس انك حفظتي الدرس يلااا ارح طلعنا مشينا وكل الطريق كنا بنهظر ونضحك كلنا مع بعض وصلني الجامعه جيت انزل سمر قالت لي موفقه قلت ليها تسلمي سامر قال لي زي ما قلت ليك خليك قويه قلت ليهو اوك قال لي سلمي ما بتكون جات قلت ليهو وقعت في شباكها ولأ شنو واديتو غمزه قال لي حيوانه يلااا قدي اتحرك بالعربيه وانا دخلت الجامعه وبالجد كنت خايفه اني اللاقي مجتبي ويقوم يتهور معاي وينتقم العملو فيهو سامر فيني انا وفضلت ماشه وبقرأ في ( وجعلنا من بين ايديهم سدا ومن خلفهم سدا فاغشيناهم فهم لا يبصرون ) لحدي ما قابلت سلمي حتي اطمأنيت سلمت عليها قالت لي حمد لله علي السلامه قلت ليها الله يسلمك قلت ليها وصلني سامر بسلم عليك قالت لي الله يسلمو لييه ما اتصلتي علي اجي اسلم عليهو قلت ليها المره الجايه بس لاحظته الخجل عايزه يقتلها والفرحه باينه في وشها عشان كده قررت اني اكون حلقة وصل بينهم وعلي الاقل ارد جزو بسيط من معروف سامر معاي دخلنا المحاضرات وفعلا مجتبي ما ظهر في الجامعه قلت لـ سلمي معقول يكون سمع كلام سامر واتحول قالت لي دقيقه بجيب ليك خبرو مشت سلمت علي شلتو قالت ليهم ما شايفه مجتبي ان شاء الله ما يكون حاصله ليهو حاجه قالو ليها لاااا كويس بس اتحول من الجامعه عملت ما عارفه السبب قالت ليهم لشنو قالو ليها والله ما ورانا السبب بس قال لينا ما نفعت معاي قالت ليهم ربنا يوفقو وجاتني فرحانه قالت لي جيبي البشاره قلت ليها في شنو قالت لي زولك اتحول من الجامعه عافيه منك يا سامر قالت لي يلا جيبي الهديه قلت ليها اولا ما تقولي لي زولك تانيا الهديه يستحقها سامر ما انتي قالت لي كلبه بقلبي قلت ليها هديتي ليكم الاتنين ح اقربكم من بعض ♡
اخر الدوام ضربت لسامر قال لي واقف منتظركم بره قلت ليهو اسمها منتظرك ما منتظركم ولأ قصدك معاااي زول تاني قفل في وشي الخط الحيوان قلت لـ سلمي ارح طلعنا لقينا واقف نزل سلم علينا في الحقيقه المقصده بالسلام سلمي قُلت لـ سلمي اركبي نوصلك معانا قالت لي لا ما في داعي سامر قال ليها اركبي اصلا في طريقنا ركبيت ورا وانا مع سامر قدام وغشينا سمر في الجامعه وانا شغاله اشاغلو بعيوني وأأشر ليهو ورا علي سلمي وهو شغال يصر لي وشو نظام ما هاميهو بعد سلمي نزلت بقينا نشاغل فيهو انا وسمر قال لينا والله ما تسكتو انزلكم هنا و وقف العربيه قلت ليهو والله تنزلني اضرب لـ سلمي اكلمها فتح الباب عايز ينزلني جادي قلت ليهو خلاااص سكتا والله يا خشمي خليتك للروج والكلام الذووق قعد يضحك وصلنا البيت سلمنا علي حبوبه وكل واحد دخل غرفتو يرتاح نزلنا للغدا واجتمعنا كلنا في شاي المغرب حتي خالتو رشا و ولدها احمد معانا كنا بنتلم نتونس ونضحك كل مغرب وده كان الروتين اليومي وعدت السنين وكنت بسافر لأهلي في الاجازات ودي اخر سنه لي في الجامعه وسامر وسمر ماقصرو معاي في بحث التخرج واحلي حاجه في التخريج انو ماما و بابا حاضرنو معاااي وبعد اسبوع رجعت الامارات بس دي اول مره ارجع وانا زعلانه اني مفارقه السودان نهائي لدرجه اني ودعتهم والدموع في عيوني وصلت الامارات بس كنت متواصله مع ناس السودان بالتلفون بابا قال لي شجن ح تفضلي قاعده كده ما ناويه تحققي طموحاتك وتبني كيانك بنفسي قلت ليهو واتعب لـ شنو وقت اي شي متوفر عندي وقضيت حياتي بين النوم والاكل والتلفون لحدي ما يوم جا راجع بابا من الشغل وصدمني بالخبر ......
#يتبــــع ⏪⏪⏪⏪
