انتهزته فرصة وائل نايم وضربت لـ هبه قلت ليها بـ اي طريقه شوفي لي حل لشعري قالت لي يا بنت اهدي في شنو شعرك مالو قلت ليها عايزه ارجعو زي ما كان قعدت تضحك قالت لي وائل هرشك قلت ليها غلبني اكلمو عشااان كده شوفي لي حل بأي طريقه قالت لي انا مش حزرتك تستاهلي قلت ليها انتي ح تساعديني ولأ تشمتي فيني قالت لي طيب اساعدك كيف اجيب ليك باروكه ولأ اجيب ليك شعرك تلصقي راااجع قلت ليها غلطانه انا البضرب ليك قالت لي خلاااص دقيقه دقيقه هو لسه ما شافو يعني قلت ليها لااا طوااالي لافاهو وبسرحو في الحمام المشكله العرس قالت لي تعالي امشي معاااي واتسرحي من هنا وفكي واصلا الرقيص بنات ولم يبدأ الجرتق لفي راجع قلت ليها تمااام فكره برضو خلاااص بكلم وائل يوصلني عندك واتفقنا علي كده .....
تاني يوم قلت لـ وائل ما توصلني الصاله بس وصلني لـ هبه وانا وهبه بنمشي مع بعض قال لي هبه موديها راجلها صح عشان كده ح اوصلك انا المهم اصريت عليهو انو يوديني بس لـ هبه قال لي نفسي اعرف سبب الاصرار ده شنو اكيد وراهو حاجه انا سكته وخوفي زاد قربني عليهو قال لي انتي داسه عني حاجه قلت ليهو لا وادس منك شنو يعني قال لي حلو طيب الله كم يا شجن قلت ليهو بصوت معاهو خوف الله واحد قال لي تمااام انا ح اوصلك لـ هبه لكن في معلومه عايزك تعرفيها انا عيوني البشوف بيها دي وخت اصبعو في عيوني يعني أمنتك عيوني فما تحاولي تستغفليني لو عندك فكرة انك تمشي لـ هبه عشان تلبسي الفستان ومنها تمشي بيهو طوااالي انسي الفكره قبل ما تنفذيها عشان ما تقع في راسك قلت ليهو والله ما عايزه ألبسو لو ما واثق فيني شيلو قال لي شجوني انا اكيييد واثق فيك بس حبيت ازكرك قبل ما الشيطان يوسوس ليك بس جاني احساس انك داسه حاجه وبتمني يكون احساسي ما صاح واداني ابتسامه وباسني في. راسي وانا الخوف عايز يقتلني بعد كلااامو ده ...
الضهر وصلني لـ هبه قبل ما انزل قال لي شجوني انا انتي متأكده ما في حاجه قلت ليهو مافي لفتني عليهو قال لي طيب لييه ملامح وشك فيها خوف واااي معقول ظاهر فيني للدرجه دي انا من النوع الـ مابعرف اخبي تعابير وشي لو فرحانه لو زعلانه لو خايفه قلت ليهو بس عشااان دي اول مناسبه لي في عايلتكم قال لي حبيبي انتي قمر محل ما كنتي عايزه افتح الباب قال لي اهم حاجه ما تنسي تتحصني هزيت ليهو براسي حاضر قال لي خلاااص لبعدين
دخلت لـ هبه واتظبطنا وفكيت شعري بارتياح ولبسنا عبايات راجلها وصلنا الصاله في الصاله طلعنا العبايات وكنت قاعده مع ماما نوره وعرفتي علي اهلهم كلهم نظام مرت ولدها وكده غايتو راسي كبر البتقول عسسسل والبتقول ماشاء الله وسماح طلعت رووووعه ورقصت فظيييع ما شاء الله بعد الرقيص انتهي وح يبدأ الجرتق الفنانه قالت بعد ده ممكن تبدلو ملابسكم عشان العريس والاولاد ح يدخلو الصاله طبعا البنات كلهم لابسين لبس استغفر الله منو 🙈 مشينا غيرنا انا وهبه لبسنا توب ساري احمر مع العروس كنت متزكره الف شعري بس مع دوشت اللبس مع سماح نسيت مشيت لـ ماما نوره قالت لي وائل وصل وسأل منك وحسيت زي الـ كان في حاجه ناقصاني ولقيتها قلت ليها اها تماام بمشي لـ سماح في غرفة الملابس وبجي اشوفو مسكتها تلفوني ورجعت لسماح بعد شويه جات هبه قالت لي وائل منتظرك جنب باب الصاله بره ابو الشوق زاااتو رفعت شعري بالمشبك ومشيت ليهو وانا مبسوووطه زي الشافع الـ كان رايح من امو ولقاها عشان كنت حاسه بنفسي غريبه وسطهم اول ما طلعت بره الصاله لقيتو موقف العربيه جنب باب الصاله قال لي اركبي قلت ليهو ماشين وين الحفله يا دوووب عايزه تبدأ قال لي ما اكرر كلااامي اركبي وعيونو ظاهرة زي الشرار ركبت دور العربيه قال لي زفت تلفونك وين ولييه ما بتردي علي قلت ليهو التلفون مع ماما نوره وانا كنت مع سماح كده انا عرفت في مصيبه حاصله وهو فضل سايق من غير كلام لحدي ما وصلنا البيت قلت ليهو جينا راجعين لشنو ما اتكلم معاااي نزل من العربيه وقفل الباب حتي ما قال لي انزلي نزلت وساكت لحدي ما دخلنا البيت قال لي عارفه جبتك لييه صح هزيت ليهو براسي لاااا قال لي ما عارفه ولأ عايزه تستعبطيني زياااده قلت ليهو بخوف والله ما عارفه وعيوني طبعا رقرقت وهو معصب بخوف جراني عليهو لحدي ما اتلصقت في صدرو وفك لي المشبك قال لي تقريبا كده بقيتي عارفه فسري لي ده شنو وانا مدنقره وساكته جراني من معصم يدي لحدي ما وصلني المكان الكان حزرني فيهو قال لي متزكره االمكان ده صح هزيت ليهو راسي اااي قال لي يلااا فسري لي عملتي كده لييه وانا ساكته لساني اتربط وحسيت بيهو تقيل قال لي ما عايزه تتكلمي طيب مش كان حزرتك من شعرك قلت ليهو وربي لم قلت لي كده كنت قاصاهو قال لي طيب لم جيتي تقصيهو كنت عارفه اني ما ح اوافق صح ورفع لي راسي قال لي وقبل ما تردي اياك ثم اياك والكضب انتي عارفه دي الحاجه الوحيده الـ ما بسامح فيها يلا جاوبي عارفه ولأ ما عارفه هزيت ليهو راسي اااي قال لي عشان كده ا
صريتي تمشي مع هبه صح وحزرتك من انك تستغفليني صح طيب عملتي كده لييه وانا ساكته اداني نهره واحده افتحي خشمك ده ردي قلت ليهو بصوت متقطع عشان انت كنت بتكاويني انك عايز تحلق لحيتك قال لي اهاااا يعني عايزه تعملي وحده بوحده والحكايه طلعت انتقام يعني وعارفه حاليا المزعلني شنو غير قص شعرك مزعلني انك حاولتي تغشيني زي الطفل افرض اني ما شفتك من ورا بالصدفه وانتي داخله لسماح كنتي ناويه تغشيني لمتين بس دي ما غلطتك دي غلطتي انا الدلعتك زياده عن اللزوم ودخل الغرفه وخلاني وااقفه في مكاني وانا بقيت واقفه زي الصنم بعد استوعبت الحصل دخلت الغرفه التانيه رقدته في السرير وحضنته المخده بس المره دي من غير دموع ااحتمال عشان عارفه روحي غلطااانه ...
بعد شويه جا داخل جر الكرسي خت قصااادي قال لي شجوني انا معقول يزعل مني وفضل يمسح لي في شعري و واصل كلامو في زول بزعل من روحو بتكلم كده تلفونو ضرب رد هبويه اختصري عايزه شنو قالت ليهو شجن وين من قبيل اختفت وما لقيتها قال ليها اي مافي لاني سقتها قالت ليهو كيف يعني سقتها قالت ليها مرتي واشتقت ليها وسقتها عندك مانع طبعا ده كلو وبمسح لي في شعري اديك ليها لااا مافي طريقه دي شجوني براااي مافي زول يشاركني فيها وغمز لي حيوااان عشان عارفني ما بمسك التلفون بس ما كان يقول ليها كده قال ليها تلفونها عند امي امسكو معاكم بنجي نشيلو وقفل منها قال لي حبيبي انا قبيل زوتها معاك حبه صح ما رديت عليهو واصل كلامو طيب زوتها حبه ونص لسه زعلانه طيب زوتها حبتين واكتر من كده ما بزيد والله من غير ما اشعر ابتسمت قال لي تسلم لي ست البسمه اها ح نواصل كلامنا هنا يلااا غرفتنا بس انا رفضته امشي يشاكلني علي كيفو ويصالحني علي كيفو مسكني من يدي فكيتها منو بقوه قال لي الجميل لسه زعلان يعني طيييب ما مشكله شال المخده من جنبي ختاها ورقد فيها قال لي الله دي ريحه شعر ولأ مسك وبعدين كان تسوقيني معاك اقص شعري عندها تظبطو لي زيك وباسني في شعري بورا وده كلو وما سألتو قال لي ما ناويه تسامحيني هسه جنبك احتمال بكره اصبح ميت طبعا كلامو وجعني شديييد لم دمعتي جرت بقلبي قلت ليهو بعد الشر عليك ... يا رب ما في ملك يقول ليهو امييين بس برضو ما انكسرت ليهو قام مد راسو وباسني في خدي قال شجوني القاسيه ده كلو ما أثر فيك وانا الليل كلو ادعي ليهو ربنا يطول لي في عمرو بدعي لحدي ما نمت لم صحيت لقيت روحي راقده في يدو قمت برااااحه مشيت اتحممت وجيت راجعه لقيتو في نفس رقدتو طلعت عملت الشاااي وبقيت منتظره ساعه ما طلع دخلت اشوفو لقيتو في نفس رقدتو ما اتحرك من مكانو قربت منو قلت ما يكون بالجد لاااا استحااااله قربت شديييد عاينت لبطنو لقيتها ما بتتحرك يعني ما بتنفس قلت ليهو وائل ما رد صحيتو بـ يدي برضو ما رد بوستو في خدي حبيبي اصحي كأنو ما سامعني وبقيت اصحي فيهو من وشو وائل الله يرضي عليك اصحي ودموعي جرت وائل ما تموت عليك الله اصحي فجأه اشعر ليك بزول مسكني بـ يدي الاتنين و وائل فتح عيونو قال لي للدرجه دي خايفه علي ودموعي ابت تقيف قلت ليهو حيوان غبي حيوان حيوااان وعلقته في كلمة حيوووان ما عايزه معاك كلام لييه تعمل فيني كده ومسكت حضنتو قال لي مش قلتي وحده بـ وحده تتزكري العملتي فيني انتي لم مثلتي لي انك ناسيه قلت ليهو فكني جيت اقوم جراني قال لي وقت بتخافي علي قدر ده بتتعززي علي امس مالك قلت ليهو اممممم ظريف ما خايفه عليك بس شلت هم الحبس الـ 4 شهور قعد يضحك قال لي قاااسيه خلااااص قتلتيني قلت ليهو وائل قال لي حياتو لـ وائل قلت ليهو الله يخليك تاني ما تجيب سيره الموت قال لي اول اوعديني انك تاني ما تجي الغرفه دي وانتي زعلانه مني قلت ليهو حاااضر ......
#يتبــــع ⏪⏪⏪⏪
