دخلت المطبخ اعمل ليهم العصير وائل جا داخل وراي وبقي يتغزل فيني قلت ليهو وائل بطل بجي داخل زول قال لي ما يجي يعني شنو بنتكلم كده ريان جات داخله مع انو ما في سبب يجيبها المطبخ عاينت لينا وطلعت بعديها شاكلت وائل قلت ليهو كده كويس قال لي يا بنت ما تنسي انا راجلك بنتكلم كده نسمع صوت عمتو لـ وائل شغاله تكورك وتهرج بأعلي صوتها جرينا عليهم انا و وائل ...
وائل قال ليها في شنو يا عمتي قالت ليهو أسأل مرتك دي طبعا انا اتصدمه اجيي يا أسأل مرتك قلت ليها انا عملت شنو هسه قالت لي ما تعملي لي مسكينه عايزه تطفشي بتي من بيت خالها طبعا بتتكلم معاااي بحده وجاده قلت ليها والله ما عملت ليها حاجه وائل قال لي شجن اطلعي غرفة هبه قلت ليهو لييه اطلع وانا والله ما عملت حاجه قال لي عارفك ما عملتي حاجه بس اسمعي الكلام واطلعي النقاش ده ما بخصك قلت ليهو لااا بخصني لانو بتتكلم معاااي انا واثناء ما انا و وائل بنتناقش ماما نوره كانت بتحاول تسكت فيها قالت ليها ما تكوركي فيها ما عندها ذنب قالت ليها كيف ما عندها ذنب اذا بسببها وائل طرد بتي من الشركه وبعد ده كلو ما اكتفت لفت ليهو راسو وخلتو يعرسها عشان تشيل املاكو في اللحظه دي دموعي جرت والكلام نزل سكاكين بتطعن فيني جوووه وائل قال ليها بصوت حاااد عمتي ما في داعي للغلط وانتظري جايي ارد عليك ومسكني من معصمي وبقي طالع بي فوق حاولت اتفكي منو قال لي شجن اسمعي الكلاام وتعالي قلت لي ما جايه بس فكني خليني اتكلم معاها بس زي ما عارفين قوه الراجل وقبضتو ما قدرت اتفكا منو دخلني في الغرفه وقفل الباب بالمفتاح من بره وفضلت انادي فيهو وانا بضرب في الباب عشان يفتحو تاني قعدته في الارض اتزكر في كلامها وابكي وائل نزل ليها قال ليها انا محترمك يا عمتي عشان فرق العمر البينا وعشان خاطر ابوي وعشان خاطر حرم بيتنا بس ما معناتو خايفين وبعدين ده كلو ما بديك الحق انك تغلطي في مرتي يعني البسيئ لمرتي بسيئ لي قبليها والبزعلها بزعلني قبليها قالت ليهو اي الجربوعه دي ما غشتك وخلتك تتخلي عن بت عمتك وتطردها من الشغل صااااح ولأ انا غلطااانه قال ليها عايزه تعرفي انا طردتها لييه عشااان بتهورها وغيرتها كانت ح تضيع علينا صفقه العمر ومررتها ليها بس ما اكتفت علي كده عملت خطه حبت تخجل شجن وتسود ليها وشها وسط الموظفين السبب ده انا ما بتجرأ احكي ليك بالتفصيل امشي لـ بتك التحكيهو ليك تماااام وبعدين ما إسمها الجربوعه افتكر عندها اسم ولو ما حبيتي تزكري اسمها ممكن تقولي لي مرتك بس بحزرك تغلطي في حقها عشان ما اتخطأ معاااك حدود الاحترام والبتتكلمي عنها دي تمتلك نص الشركه امشي لابوي خلي يشرح ليك طبعا في اللحظه دي هي سكتت ما قدرت ترد وانا هنا عايز اتشقي بالبكا وماما نوره واقفه جنب الباب بره تسكت فيني قلت ليها ماما نوره افتحي الباب قالت لي والله ما فيهو مفتاح شكلو عند وائل بس عليك الله اهدئ قلت ليها طيب كلمي يجي يفتحو وانا شغاله ببكي قالت لي هسه بمشي بجيب منو المفتاح بس انتي اهدئي يا بتي
بعد شويه سمعت اصواتهم شبه انعدمت تاني باب الغرفه اتفتح وانا قاعده في الأرض وببكي جات داخله ماما نوره رفعتني في السرير قالت لي يا بتي اهدي ما تشتغلي بكلاامها اصلا فاطمه دي كلامه كتير ومعروفه انها صعبه وفضلت حاضناني وتطبطب علي وائل جا داخل قعد تحتي علي رجلينو ونزل لي يدي من وشي وفضل ماسكها قالت لي بتبكي ليه عملتي شنو عشان تبكي خسارة دموع يعني ماما نوره قالت لـ وائل تعال اقعد في مكاني ده النمشي اجيب ليها مويه تبل ريقها طلعت وخلتنا انا و وائل جا قعد مكانها وحضني قال لي خلاااص هسسس قلت ليهو انت لييه ما خليتني ارد ليها يعني عاجبك كلامها قال لي معقول يكون عاجبني طيب لم اخليك انتي تردي وانا واقف ح اكون سندك كيف وبعدين كلامها ده خساره فيهو الدموع مسح دموعي قمت من جنبو قلت ليهو يعني انت كنت عارف المسحت الملف دي ريان والعملت لي الاحمر في الهدوم برضو هي وفضلت ساكت ما كلمتني عشان بت عمتك صح جا مسكني من نصي جيت ازح منو مسكني بقوه قال لي صح انا كنت عارف انها دي العملت كده بس حبيتك تكوني بعيده عشان ما توجعي راسك بالمشاكل لانو لو كلمتك اكيييد ما كنتي ح سكتي عشان كده حبيت اخليك تعيشي حياتك في هدوء من غير مشاكل وبعدين لو خليتها اساااس انها بنت عمتي زي ما قلتي ما كان خليتها تكتب استقاله اجباريه قلت ليهو كيف يعني قال لي يوم انتي كنتي غايبه وانا كشفتها واجهتها بعمايلها وكنت محضر ليها ورقة الاستقاله واجبرتها تمضيها يلااا بعد ده ممكن نقفل السيره دي هسه ح نطلع نتعشي كيف وعيونك محمره من البكا يقولو مرتي سكرانه 😅 مسكت في قميصو قلت ليهو عايزه ارجع البيت قال لي حاااضر بس اول نمسح الدموع عشان نقدر نطلع مسح لي دموعي ومسك يدي ونزلنا ماما نوره شغاله تعتزر لي بسبب الحصل سلمت عليها في راسها وقت ليها انتي ما عندك ذنب وانا خلاص نسيت كل حاجه وائل قال ليها بعد ده نحن نمشي يا حجه قالت لينا الأ تتعشو معانا قال ليها خليها مره تانيه طلعنا منهم وصلنا البيت دخلنا الغرفه وائل قرب مني زحيت منو قال لي اها نظام زعلااانه لسه يعني قلت ليهو وائل انت بالجد فاكر انا عرستك عشان قروشك قال لي انتي هبلة انا لو مصدق الكلام ده ما كان متمسك بيك وما في سبب يخليني اعرسك واقعد معاك غير قلبي ده خليك عارفه المعلومه دي قلت ليهو صاااح انا كنت محتاجه للشغل بس والله عمري ما فكرت في قروشك لم وافقت عليك قرب مني قال لي شجوني انا والله عارفك وبعدين انا الـ جريت عشان ارتبط بيك وتعبتيني لحدي ما وصلت ليك واديك سر كنا داسنو منك الفتره دي كلها عشااان تشيلي الهاجس ده من راسك انتي المالك التاني للشركه قلت ليهو دقيقه دقيقه كيف يعني عيد كلامك ده تاني قال لي يعني انتي في الشركه مديره زيي و واحد اصلا الشركه دي فتحناها شراكه بالنص بين ابوي وابوك وقررو انو نديرها انا وانتي بس ابوك قال ما يكلموك يخليك اول تشتغلي فيها كـ موظفه عاديه عايزك كان تبدي من الصفر عشااان كده فهمك انكم افلستو ومحتاجين لقروش عشان ترضي تشتغلي قلت ليهو اكيييد بتهظر قال لي والله دي الحقيقه قلت ليهو طيب كنت بتعامني زي الزفت وانت عارف اني مديره زيك قال لي والله قلبي ما كان مطاوعني حتي لم اغمي عليك و وديتك المستشفي قررت اني اكلمك بالحقيقه بس ابوك وابوي ضغطو علي ولم رفضته ودوني للدكتور العالجك اول مره واقنعني انو ده لمصلحتك لانو حسب الفهمتو انك كنتي مغروره حبه ومعزوله من الناس قال لي كده وجضمني في خدي براااحه فـ ابوك حبه يخليك تتعودي علي صعوبات الحياه يعني لمصلحتك قلت ليهو هييي انا ما مغروره قال واااضح من اول يوم قابلت فيهو في الشركه وقعد يضحك قلت طيييب يا بابا بتصرف معاااك قال لي بالمناسبه ما في زول في الشركه عارف غير اسرتنا وكلمتك بس عشااان تشيلي الفكرة دي من راسك يلااا الله يرضي عليك تعالي ننوم بعد ده بكره وراي شغل اليوم ده كان صعب نمنا ....
اصبحنا الصباح بعد شربنا الشاي شلت التلفون اتصلت علي بابا رد لي حبيبتي شجن مشتاقين قلت ليهو كده يا بابا تخليني موظفه في شركتنا قعد يضحك قال لي وائل كلمك فتحت الاسبيكر قلت ليهو وائل زاتو ما قصر عاملني اسوأ معامله يا بابا وكان طول الوقت بستفزني طبعا وائل قاعد جنبي وسامع الكلام قال لي اتقي الله يا شيخهه 😅 بابا قال لي ده كلو وائل عملو فيك يا حرااام خلاااص هسه اطلقي منو وتعاالي وقعد يضحك قلت ليهو شنوووو لااا يا بابا ما للدرجه دي وائل باسني قال لي حوووبي انا قفلت الاسبيكر قلت ليهو حيوااان بسمعك 😅 شال التلفون قال ليهو كده يا عمو صلاح عايزنا ننفصل بس غلطااان انا السمعت كلامكم انت وابوي واتونسنا وقفلنا الخط بعدها قلت لـ وائل بما اني عرفت روحي مديره وكده ح انزل الشغل قال لي وبما اني راجلك وكده من حقي امنعك قلت ليهو وائل قال لي شجن طبعا من يقول لي شجن من غير دلع بعرف انو الموضوع جادي وما فيهو تراجع قال لي موضوع الشغل ده انتهي وما محتاج نقاش ولو قصدك ارباح الشركه ح تصلك لحدي عندك هنا ولو ما واثقه فيني من حقك تعيني ليك مدير ينوب عنك بس انتي لااا وده اخر قرار طبعا كلامو حق الثقه ده أثر فيني حضنتو وقلت ليهو بصوت مكسور وائل انا واثقه فيك وما قصدي القروش بس عايزه املأ الفراغ ما اكتر قال لي شجوني انا الفراغ بكره نجيب شفع يملو لينا حياتنا زحيت منو وضربتو قلت ليهو خلاااص الشغل زاتو خليتو قعد يضحك قال لي حسستيني اني واحد غريب وعايش معاك مسكت يدو وجريتو علي الباب قلت ليهو يلااا الزمن اتاخر جراني عليهو قال لي من غير دي ما في طلعه ومد لي خدو طبعتها ليهو ولزيتو بره وقفلت الباب وهو شغال يضحك ....
#يتبــــع ⏪⏪⏪⏪
