طلعنا وطول الطريق ساكتين و وائل الغضب ظاهر في وشو وصلنا البيت وائل ضرب الجرس فتح لينا بابا سلم علي وائل وانا حضنتو وبقيت ابكي طبعا وائل مستغرب من تصرفاتي بابا قال لي يا بنت قولي بسم الله مالك وعاين لـ وائل .. و وائل واقف مربع يدينو ومستغرب زيهم وانا من وصلت دخلت غرفتي وفضلت ابكي وماما وبابا قاعدين مع وائل منتظرين وائل يحكي الحصل افتكرونا متشاكلين وائل قال ليهم والله يا عمو صلاح انا زاتي ما عارف مالها ليها كم يوم متغيره ولو قلت ليها اي شي تتنرفز وكنت ساكت قلت احتمال دي لسه من نفسيات الولاده وانها خسرت طفلها بس هسه فجأه من غير مقدمات قالت لي الأ اجيبها وبعديها بدو معاهو تحقيق ماما قالت ليهو اتزكر ما حصل بينكم نقاش قال ليها خاااالص ما حصل بينا شي بابا قال ليهو عارف يا ولدي ما بتغلط عليها هسه بقعد معاها واشوف مشكلتها شنو وائل قال ليهو هسه ماتضغط عليها خليها ترتاح وبعدين اسألها بس هسه قبل ما امشي ممكن اتكلم معاها كلمتين ماما قالت ليهو ادخل ليها يا ولدي دي مرتك جا دق لي الباب من غير ما اعرف الـ في الباب منو قلت ما عايزه اتكلم مع زول فتح الباب دخل اول ما شوفتو قلت ليهو انت عايز مني شنو قال لي عايز اعرف المشكله البينا شنو قلت ليهو كلك مشاكل وانا زاتي ما عارفه وافقت بيك كيف هسه ح تطلع ولأ اطلع انا جيت اطلع قال لي خليك طالع انا وطلع قفل الباب بابا قال ليهو طول بالك عليها قال ليهو حاااضر يا عمي بس كنت عايز اعرف المشكله شنو قال ليهو لم اعرف منها بتصل عليك وائل قال ليهو خلااص بنتظر اتصالك بس ما تتاخر علي وبعدها ودعهم وطلع ماما وبابا جو داخلين لي في الغرفه وانا ببكي ماما حضنتني بابا قال لي وائل عمل ليك شنو يا شجن قلت ليهو بابا انا بس ما عايزاهو انا كرهتو يا بابا قال لي السبب شنو قلت ليهو سااااي كده من غير سبب قال لي خلااص ارتاحي نتكلم الصباح طلع وماما رقدتني في حضنها قالت لي شجن حبيبتي اعتبريني صحبتك ما امك واحكي لي مالك عشان اقيف معاك وائل عمل ليك شنو ضربك اساء ليك قلت ليها والله يا ماما ما عمل لي حاجه بس بقيت ما طايقه اعيش معاهو ما عايزه اشوفو تاني قالت لي ما تقولي كده قلت ليها بس بالجد ما بستحمل وجودو قالت لي طيب خلاااص نومي نوصل الصباح
اصبحنا الصباح وائل جا غاشيني قبل ما يمشي الشغل بس رفضته اقابلو بابا اصر علي اني اقعد اتفاهم معاهو قلت ليهو طيب طلعت الصاله اول ما شوفتو قبل ما اسلم عليهو قلت ليهو وائل قال لي شجوني قلت ليهو اسمي شجن وبعدين انت بترضي تعيش مع وحده ما طايقه وجودك فضل ساااكت قلت ليهو طلقني في اللحظه دي اتخلع قال لي شنووو قلت ليهو طلقني كلامي واااضح خلاني واقفه وطلع قال لـ بابا شجن طلبت الطلاق طبعا بابا اتصدم وماما قالت ليهو يا ولدي عليك الله اصبر عليها لم نشوف مشكلتها شنو قال ليها والله يا خالتو شجن دي متمسك بيها لحدي اخر العمر واطمني ما ح اطلقها الأ اعرف سببها شنو بس لو اتأكدت انو راحتها في الطلاق اتأكدي تماما اني ما ح اتردد في التنفيذ وطلع
ماما وبابا جو داخلين لقوني ببكي بابا شاكلني وطلع المسا جوني ماما نوره وهبه اتونسو معاي طبعا بتونس وبضحك عادي بس من يجيبو لي سيره وائل بتقلب 360 درجه وطواالي بجيني قرار الطلاق في راسي ماما نوره قالت لي شجن يا بتي مشكلتك شنو مع وائل والله اجيبو جنبك هنا قدام اهلك واخلي يعتزر ليك قلت ليها ماما نوره ما عندي معاهو مشكله غير الطلاق قالت لي السبب شنو لكن والله الدايراهو نعملو ليك بس ارجعي لـ بيتك قلت ليها ما عايزه حاجه بس وائل انا كرهتو عايزاه بس يطلقني وانا كده برتاااح في اللحظه دي عم الهدو والصمت وغيرو الموضوع بعديها طلعو طوااالي وفقدو الامل وانا كنت مصره علي قراري ما في زول ما جا فتح لي الموضوع وكلهم عايزين يعرفو السبب بس بالجد ما كان عندي سبب غير اني بقيت اشوف العمي وما اشوف وائل ...
يوم المسا بابا جا قال لي شجن ألبسي سايقك معاااي قلت ليهو بابا انا قلت ليك ما راجعه بيت وائل قال لي لا ما مشين لـ وائل ماما قالت ليهو ماشين وين طيب قال ليها حجزت ليها عند دكتور نفسي ماما قالت ليهو سجمي يا صلااااح اخرها عملت شجن جنت وعندها نفسيات بابا قال ليها الدكتور النفسي ما للمجانين خليها تمشي تفضفض وترتاح البتعمل فيهو ده ما طبيعي واستحاله نخليها كده انا قعدته ابكي قلت ليهو ده كلو عشان وائل عايز توديني الدكتور ما ماشه طبعا اداني نهره واحده جريت لبست العبايه وجيت مشيت الدكتور و واصلت معاهو جلستين بس من غير فايده الدكتور زاتو زهج مني قال لـ بابا ما عندها حاجه 😅
يوم مشيت اتونس مع حبوبه لقيتها فاتحه سورة البقره واثناء ما بقرأ حسيت بنفسي ضاااق ودموعي نزلت عشره عشره قلت لـ حبوبه انا عايزه اموت ما قادره اتنفس قالت لي يا بنت قولي بسم الله قفلت الرادي عشان تشوفني مالي حتي حبه حبه هديت قالت لي مالك قلت ليها ما عارفه بس حسيت بنفسي مقبوض قالت لي قومي معاااي ارح بيتك
م قلت ليها طارداني يا حبوبه قالت لي ارح انا زاتي ماشه معاااك
وصلنا بيتنا حبوبه قالت لـ ماما بتك دي عندها عين قالت ليها سجمي كيف يعني حبوبه قالت ليها عين الواحده دي وحكت ليها الحصل عشااان كده يا بتي شوفو ليها شيخ يرقي ليها وقت الدكاتره ما نفعوها انا قعدت اضحك قلت ليهم اخر الزمن بقيت ملطشتكم من دكتور نفسي للشيوخ ده ما كان وائل ده وشيخ واحد بمشي ليهو ماااف عشان تكونو عارفين قال شيخ قال ودخلت غرفتي ...
حبوبه قالت لـ ماما ما تسمعي كلامها لو الشيخ ما عالجها القرآن ما بضرها وما خسرانين شي ماما قالت ليها بس ابوها ما بوافق قالت ليها ابوها خليهو علي انا .....
#يتبــــع ⏪⏪⏪⏪
