اغلب وجودي في الجامعه كان بقضيهو مع مجتبي واتعلقت بيهو شديد يومي ما بكتمل الا بي وجودو وسلمي دايما كانت بتحزرني منو بس ما اشتغلت بيها وانتهي التيرم الاول وكان اخر يوم في الامتحانات مجتبي اصر علي انو نطلع مع بعض كلمت سلمي تمشي معانا بس رفضت ولحدي اخر لحظه كانت بتحزرني من مجتبي وبتقول لي خلي بالك من نفسك وانا كنت بشاكلها وبدافع ليهو ضربت لـ عمو انو ما يجيني وطلعنا بعربيه مجتبي وكنا بنتونس مع بعض لحدي ما وصلنا شارع النيل بركن العربيه في مكان مقطوووع من الناس قلت ليهو ما لقيت غير المكان ده قال لي المهم انتي معاااي قلت ليهو بس ده مكان كئيب قال لي وجودك جنبي بخليهو جنه وبدأ يقرب مني قلت ليهو مجتبي بطل جنون قال لي في زول جنبو القمر ده وما يجن قرب مني زياده عايز يبوسني لزيتو قلت ليهو مجتبي والله ما تقعد رايق انا بنزل عايز تعمل شنو انت وعايزه انزل أمن الباب قال لي عايز اعمل البعملو كل اتنين سوا قلت ليهو بس انا ما حبيبتك ولا مرتك نحن اصدقاء ما اكتر قعد يضحك بصوت عالي قال لي اصدقاااااء ومنو القال ليك انا اصلا بحبك ولأ صديقك طبعا بقيت عامله كده قلت ليهو كيف يعني واصل كلامو انا اصلا علاقتي معاك كان رهان مع اصحابي اني اكسر ليك غرورك واخليك تتعلقي بي واحركك زي الخاتم في اصبعي ونجحت فيهو وحاليا ح اخد منك الدايرو وارميك زيك زي اي كلبه مشرده في الشارع قلت ليهو مجتبي هظارك بااايخ قال لي غرورك عماك وفاكره ما في زول بقدر يهينك وانتي الوحيده البتقدري تتحكمي بس حاليا انا بثبت ليك عمليا وبدأ يقربي مني بقيت اصارع فيهو عشان ابعد منو في النهايه دخلت في حاله هستيريه من البكا هو زاتو خاف بقي يقول لي خلاص اسكتي قلت ليك قفلي وانا لسه ببكي ما مستوعبه هو بقول في شنو في النهايه نزل وجا جراني نزلني من العربيه وجدع شنطتي جنبي وخلاني ومشي وانا قعدته في الارض ببكي ما واعيه بي حاجه بعد ربع ساعه وقفت جنبي عربيه نزل منها راجل كبير قال لي مالك يا بنتي قولي بسم الله والجابك الحته المقطوعه دي شنو وانا ما شغاله بيهو جا يرفعني من الارض بقيت اكورك ما تهبشني ما تقرب علي قال لي قولي بسم الله وانا ببكي وبقول عايزه بيتنا ودوني بيتنا قال لي طيب تعالي انا بوصلك قلت ليهو لا بس عايزه بيتنا شال شنطتي طلع التلفون الحمد لله ما كنت قافلاهو برمز ضرب اخر رقم لقاهو رقم عمو بتاع الترحيل الو بتعرف صاحب الرقم ده رد ليهو اي دي شجن مالها وتلفونه مالو معاك الراجل حكي ليهو الحاصل و وصف ليهو المكان وبقي منتظر معاي لحدي ما عمو جا .. الراجل قال ليهو انت بتبقي ليها شنو قال ليهو والله ما ببقي ليها حاجه بس برحلها للجامعه وقبيل اتصلت علي قالت لي ما تجيني راجعه مع ود خالتي دي كل معرفتي بيها قال ليهو خلاص تعال ارفعها معاي وصلها البيت وانا بكون ماشي وراك بعربيتي لحدي ما توصلها البيت عشان اطمن عليها ركبوني في العربيه ودوني البيت اول ما وصلنا احمد ود خالتي فتح الباب وبقي يكورك شجن ماله بصوت احمد ناس حبوبه وخالتو رشا وسامر جو جارين مخلوعين حبوبه قالت ليهم سجمي بتي مالها عملتو ليها شنو سامر من غير ما يشعر مسك عمو قال ليهو ما بخليك الا توريني عملت ليها شنو خليتها تهستر بالطريقه دي الراجل فكا سامر من عمو قال ليهو اهدأ يا ولدي ده ما عندو ذنب هو النجدها وجابها ليكم وحكا ليهم القصه من لحظة لقاني قال ليهم ده كل العارفنو نحن بس السبب الأ توعي بتكم وتحكيهو ليكم براها ما في زول عارفو وانا شغاله ابكي بطريقه جنونيه دخلوني غرفتي عمو والراجل استأذنو طلعو سامر قال لـ حبوبه شوفتو اخر دلعكم ليها دي النتيجه من الاول قلت ليكم ما بتنفع هنا بس انتو اعترضو قراري حبوبه قالت ليهو يا ولدي ده ما وقتو كدي خليها تهدأ حبوبه ختت راسي في رجليها وبقت تهدي فيني وتقرأ لي في الصور وكلهم كانو معاي من كترة البكا نمت من غير ما احس
صحيت نص الليله لقيت الغرفه فاضيه بس حبوبه راقده جنبي اتذكرت الحصل لي من مجتبي وتاني بكيت حبوبه صحت معاي بقت تهدي فيني قالت لي يا بتي احكي لي الحصل وانا بس بتزكر وببكي وصوتي راح من البكا بس دموعي جاريه اصبحت الصباح علي نفس الحاله وناس البيت كلهم وقفو معاااي بس اول واحد وقف معاااي وجاني سامر قال لـ حبوبه اصبحت كيف قالت ليهو في حالتها دموعها ابت تقيف قال لي شجن احكي الحصل ليك شنو عشان نقدر نساعد وانا بس بجاوب بالدموع عدا اليوم وانا علي نفس الحاله لا اكل لا شراب لا كلام حتي دموعي جفت بقيت بس اعاين بعيوني ولم يتكلمو معاي كأني ما سامعاهم سامر قال ليهم لااازم نضرب لاهلها ومافي حل غير نوديها الدكتور لانها دخلت في صدمه ( دكتور سامر يا شاطر 😅) حبوبه قالت ليهو هسه اقول لـ ساميه بتي شنو و أودي وشي منها وين أمنتي بتها وانا ما حافظت عليها خالتو رشا قالت ليها يا امي ما تشيلي ذنبها انتي ما قصرتي معاها بتكلمو كده ماما إتصلت في تلفوني غلبهم يردو عليها تاني اتصلت علي حبوبه ماردت (قلب الام وكده) اتصلت علي سامر عاين للرقم قال لـ حبوبه المره دي لااازم ارد لانو لو انا ما رديت عليها ح تشفق اكتر فتح الخط الو عمتي ساميه بعد سلم عليها قالت ليهو ضربت لـ شجن وامي بس الاتنين ما بردو علي عايزه اقول لـ شجن تقطع التذكره تجي فترة الاجازه سامر قال ليها بس يا عمتي وسكت قالت ليهو في شنو يا سامر احكي الـ بس شنو شجن ماله الحصل ليها شنو اتكلم طبعا الكلام ده كلو قالتو بطريقه متواصله في الكلام
قال ليها اهدي عمتي والله مشكله بسيطه شجن دي عشان ضغوط القرايه والامتحانات جاها هبوط قالت ليهو طيب اديني ليها سكت ما عرف يقول ليها شنو قالت ليهو اذا ده ما هبوط يا سامر اتكلم الحقيقه سامر تاني غلبو يكضب وحكي ليها بالحاصل كلو قالت ليهو اول طيران ح نجي فيهو قفل منها بعدها ودوني المستشفي
ادوني حقنه مهدئه صحيت الصباح برضو مافي كلام بس بعاين بعيوني حبوبه قالت لي شجن اصبحتي كيف ما رديت عليها سامر قال لي يا بختك امك وابوك الاتنين جايين قومي نططي وتمي جنك برضو ما فتحت خشمي المسا ماما و بابا وصلو سامر مشي استقبلهم في المطار ومن المطار علي المستشفي .....
#يتبــــع ⏪⏪⏪⏪
