عرس سماح قرب وانا وهبه اشترينا فساتين الرقيص زي بعض قلت بس ما بخلي وائل يشوفو الأ بعد اتحنن وألبسو ليهو إتصلت علي هبه قالت لي تعالي نمشي الحنه قلت ليها تمااام بعد قفلت الخط وائل قال لي انا اصلا ماشي الصالون احلق بوصلك معاااي اتصلي عليها تلاقيك هناك رجعت اتصلت قلت ليها نتلاقي في مكان الحنه قالت لي اوك مافي مشكله قفلت الخط قلت لـ وائل انت بالجد ماشي تحلق قال لي اي عايزه حاجه قلة ادب مني بس قلت ليهو ما تحلق لحيتك قال لي اصلا ماشي احلقها هي بالزات قلت ليهو انت جااااادي قال لي يب لم قال لي كده بالجد زعلته اي عارفه قليلة ادب 😅 وائل قال لي تاني ح تهبشي لي بس شعري يتكلم معاااي كده ويمسح فيها وبقي طالع وداخل يكاويني بيها حيوااان خلاااث طلعنا وصلنا الحنانه جيت انزل قال لي ما ناويه تشوفي وشي باللحيه لأخر مره قلت ليهو لااا وشك زاتو شين قعد يضحك قال لي خلاص برسل ليك صوره قبل وبعد صريت ليهو اها اجيك الساعه كم قلت ليهو انا راجعه مع هبه لـ ماما نوره قال لي يعني زعلانه ما جايه البيت قلت ليهو مافي حاجه بتزعلني المسا بجي قال لي معقول ما تشوفي الحلاقه الا المسا لا ياااخ خلاص برسل ليك الصوره ولأ اقول ليك اصلا بجي اسوقك من ناس امي 😅 حمرت ليهو ولويت ليهو خشمي ونزلت
بس بالجد قفلت معاااي دخلت لقيت هبه قاعده قالت لي مالك شكلك زهجانه قلت ليها مافي حاجه بس نغسي اتسدت من الحنه فكرت اخليها قالت لي انتي عويره كيف يعني تخليها والعرس بعد بكره بنتكلم كده تلفوني ضرب لقيتو وائل صمتو تاني ضرب قفلتو خاااالص ضرب عند هبه سلمت عليهو بعد شويه قالت ليهو وانا الحاله قلت اخوي اشتاق لي وعايز يسلم علي بس طلعت عايز مرتك طيييب لااا لاااا بس خلااااص تاني قالت ليهو عااارفه والله بس حبيت اشغلها ليك تسلم لي انت هاك ليها ناولتني التلفون قال لي ما بتردي علي تلفونك مالك قلت ليهو ما سمعتو خير عايز حاجه قال لي حبيت اسمع صوتك قبل ما احلق قلت ليهو امممممم ظريف قلت ليهو يلاااا مع السلامه قال لي طيب دقيقه اسمعيني قلت ليهو الحنانه منتظراني وقفلت الخط بعد اتحننت واثناء ما بنتونس انا وهبه عرفت منها انو وائل بحب الشعر الطويل وكان دايما بشاكل هبه لم تقص شعرها بقلبي قلت اخيراً لقيت طريقه انتقم بيها منو بعد ما غسلت الحنه قلت لـ هبه دقيقه عايزه اقص شعري قالت لي شنو قلت ليها زي ما سمعتي قالت لي شجن لاااا وائل بزعل والله بقلبي قلت ليها ده المطلوب قلت ليها ما بزعل قالت لي والله بزعل انا هسه كنت بحكي ليك في شنو عليك الله ما تقصي والله شعرك كده حلو قلت ليها لاااا مشيت للبنت البتقص الشعر قلت ليها عايزه اقص شعري نطت هبه قالت ليها لاااا ما تقصي ليها شاكلت هبه البنت احتارت فينا قلت لـ هبه ما عندك علاقه مش ح يشاكلني انا وانا بعرف كيف اراضي البت قالت لي طيب فك شعرك فكيتو ليها قالت لي شعرك ما يحتاج قص البت عربيها مكسر ما عارفه زاته بتتفاهم مع الناس كيف وجنسها شنو قلت ليها انا ما عاجبني عايز اقص قالت لي انت حر قعدت انا من جوه موجوعه اني ح اقصو لانو اول مره بس في نفس اللحظه فرحانه عشان ح اغيظ وائل زي ما بغيظني و هبه كل مره تقول لي والله يا شجن غلطي غلطة عمرك وانا أعاين ليها مبسوووطه بعد انتهيت قصتو لي مدرج جايي في شكل ٧ من تحت وهبه شغاله تقول لي بس ما تقولي ما كلمتك قلت ليها ما بقول طلعنا قالت لي ح تضربي لـ وائل يجيك قلت ليها لا ح امشي بالمواصلات ...
وصلت البيت وانا فرحانه ومنتظراهو يجي يغيظني عشان افك شعري قدامو واقلب الحال عليهو مع انو ما قادره اتخيل منظرو من غير لحيه وقفت في المرايه وفكيت شعري طلع حلو والله بس بالاطراف قصتو شديييد عشان الشكل يظبط في الاخر لفيتها كعكه وفضلت منتظره مشيت المطبخ عايزه اعمل العصير سمعت الباب فتح و وائل جا داخل بصراااحه خوفت حبه من ردت فعلو تاني قلت مش هو البدأ شغلت الخلاطه جا بوراي قفلها قال لي ما شوفتيني جيت قلت ليهو ما مهم تاني فتحتها تاني قفلها ومسك لي يديني قال لي مش قلتي ماشه ناس امي قلت ليهو غيرت رايي واصلو ما إتلفت عليهو وفكيت يدي وشغلت الخلاطه قام حك راسو في رقبتي قال لي ما عايزه تشوفيني من غير لحيه ولأ تشوفي شعري بعد قصيتو ما رديت عليهو تاني هبش رقبتي بشعرو قلت ليهو بحده وائل زح شعرك مني قبل ما اتم كلااامي اتلفت اشاكلو لقيتو ما حلقها بس ظبطها قلت ليهو وااااي ونطيت فيهو حضنتو مسكني قال لي والله مجنونه كده اتأكدته اني معرس مجنونه 😅 قلت ليهو طيب بتغشني لييه قال لي عشان بعجبني شكلك وانتي زعلااانه قلت ليهو حيوااان ضربتو في كتفو قال لي هييي شايفك اتعودتي علي ضرب الكتف وبعدين الكتف ده ما حقي براااي ده املاك ناس قلت ليهو حق منو قال لي حق مرتي عندك مانع قلت ليهو عشان كده من حقي اضربو تاني ضربتو قال لي طيب هسه لو سألوك زعلااانه مني في شنو تقولي ليهم عشان حلق لحيتو وقعد يضحك احرجني الحيوااان قال لي
طيب اديك معلومه اكتر حاجتين من املاكي بهموني هم لحيتي وشعرك جا يفك لي الكعكه جريت من جنبو قلت ليهو وائل ما تفكو ياااخ وغيرت الموضوع بعديها اتزكرت اني قصيت شعري وهو ما حلق اعمل شنو في المصيبه دي يا ربي قلت بكره اتصل علي هبه تلقي لي حل بأي طريقه .....
#يتبــــع ⏪⏪⏪⏪
