وصلت المكتب ودقيت الباب قال لي اتفضلي قريت اية الكرسي ودخلت فضلت واقفه وهو قاعد في المكتب قال لي اتفضلي اقعدي وشغال يتبسم قعدته في طرف الكرسي بقلبي قلت يا حليل خلفة الرجل حقت قبيل قال لي بما انك ساكته وقاعده محترمه اذا عرفتي الحقيقه هزيت راسي بمعني اااي بقلبي قلت ليهو والله لو ما كنت المدير ومجبوره احترمك كان وريتك الاحترام علي اصولو حيوااان شفتو شايل ورقه في يدو قلت خلاص بس دي ورقت استقالتك وطردك من الشغل قال لي طيب عشان نقدر نواصل مع بعض لااازم تعرفي اصول الشغل وح اعتبر كل الحصل ده مجرد ترحيب اساس موظفه جديده
بس ده تعهد لو حبيتي تشتغلي معانا تمضي الورقه دي وشغال يحرك في الورقه بـ يدو وانا ساكته بعاين ليهو ناولني الورقه قال لي الورقه دي فيها كل الشروط المفروض تطبقيها اقريها كلها ولو بتقدري عليها وقعي ولو ما بتقدري عليها من هسه انسحبي لانو بعد توقعي عليها ماعندك طريقه تنسحبي قربت اقوم اديهو كف 👋🏻
اول مره واحد يتكلم معاي بالطريقه دي واسكت ليهو شلت والورقه وبديت اقرأ فيها اول شرط التأخير عن مواعد العمل تحاسب عليهو ~ الشرط التاني الغياب بدون عزر يخصم من المرتب ~ الشرط التالت لو قدمتي استقالتك من غير ما الشركه تستغني عن خدماتك عليك دفع مبلغ مالي وطبعا المبلغ كان ضخم وانا كل ما أقرأ شرط وبرفع راسي اعاين ليهو وهوشغال يتبسم قال لي شكلك من النوع البحب يلقي كل شي جاهز وما بحب يجتهد عشان يصل للعايزو عشان كده ما تمضي الورقه شكلك بتحبي تعيشي علي نفقة ابوك طبعا كلامو ضربني في الوتر الحساس واتزكرت كلام بابا وانو قال خت ثقتو فيني قلت ليهو القلم لو سمحت واشرت ليهو علي المقلمه قال لي قصدك عايزه تنسحبي وتسلميني انتي الورقه عاينت ليهو عين تحدي وقمت اتناولت القلم من جنبو وقعت علي الورقه من غير ما اقرأ باقي الشروط وختيت ليهو الورقه في التربيزه ومن فوق ليها القلم قال لي وفي وشو ابتسامه انتي متأكده قلت ليهو بكامل ارادتي عندك تاني اي طلب قال لي بس ما قريتي باقي الشروط قلت ليهو اعتبرني قريتها قال لي طيب اهم شروط عندي الانضباط في الشغل والمصداقيه وعدم الكذب واهم حاجه تنسي انك جايه بواسطه الموظفين عندي هنا في الحد السوا قلت ليهو اوك تاني في حاجه قال لي بعد ده ممكن تتفضلي علي مكتبك بقلبي قلت ليهو حيوان غبي وده اسمو مكتب كلو تربيزه وكرسي بس مسكت نفسي منو بالعافيه
وصلت المكتب سماح قالت لي مالك قالبه خلقتك قلت ليها من مديركم ده هو في غيرو قالت لي قصدك وائل حرام عليك ظريف يااااخ قلت ليها ظريف عشان التعهد المكتبكم ليهو ده قالت لي ياتو تعهد قلت ليها الشروط قالت لي ياتو شروط ما حصل كتبنا ورقه قلت ليها كيف يعني 😳 .. يعني كتبني بس انا قالت لي لا احتمال ده قرار جديد قاعدين نتونس اتعرفت علي الموظفين المعاي في المكتب ظريفين واحد اسمو عمر والتاني محمود بقينا نتونس كلنا مع بعض وعرفوني علي طريقه الشغل
والغربيه كلهم شغالين يشكرو في وائل نهايه الدوام قبل ما نطلع جا داخل قال لي لقيتي الشغل كيف بقلبي قلت ليهو زي وشك تاني قلت لا والله وشك سمح النصييييحه بس الشغل زي الزفت قلت ليهو كويس الحمد لله قال لي بالمناسبه الشغل لسه ما بدأ ممكن تعتبري يوم الليله ده قزقزه مضيفنك عشان جديده اكتفيت اني ابتسم ليهو الحيوان وطلع انتهينا وطلعنا لقيت سامر منتظرني بره قال لي اليوم كان كيف قلت ليهو زي الزفت قال لي بكره بتتعودي وصلت البيت سلمت علي حبوبه واتونسنا حبه وطلعت غرفتي فضلت يومين بالطريقه دي والشغل بقي ماشي زايد وضااااغط يوم مشيت الشغل باخر نفس كنت حاسه بارهاق دخلت المكتب سماح قالت لي شجن مالو شكلك كده عيانه قلت ليها لاا تعبانه بس وبديت اشتغل في الملفات تلفون المكتب ضرب فتحت الخط الو لقيتو ده وائل قال لي جيبي الملفات وتعالي شلت المفات وماشه راسي لافي ما وعيت الا وانا في غرفه ومركبين لي درب في يدي وسماح جنبي قلت ليها انا وين والحصل شنو قالت لي انتي في المستشفي وانتي ماشه راسك لفه وجيتي واقعه و وائل جابك المستشفي قلت ليها منووو قالت لي وائل بنتكلم كده جا داخل قال لي حمدلله علي السلامه قلت ليهو الله يسلمك قال لي كنت مع الدكتور وقال ما عندك حاجه بس يخلص الدرب ده ويخرجك قلت ليهو طيب قال لسماح خليك معانا وانا منتظر بره قالت ليهو تمااام بعد طلع سماح قالت لي والله ظريف اول مره يلاقيني مدير يتعامل مع الموظفين بالرقي ده ما حصل حسسنا بانو أعلي مننا بقلبي قلت ليها بس انا حسسني ضربت لـ سامر وحكيت ليهو الحصل بعد قفلت الخط قلت لـ سماح اطلعي قولي لـ وائل ود خالي جاييني مافي داعي يقعد قالت لي طيب مشت وجات راجعه قالت لي كلمتو بعد ساعه جا سامر و وائل الاتنين داخلين قلت معقووول وائل لسه قاعد 😳 سامر قال لي شجن ام لسان طويل الحكايه شنو طبعا وائل شكلو عجبتو كلمة ام لسان طويل وشغال يتبسم بعد شويه قال عن اذنكم وطلع مشي جاب الممرضه وجا جات فك
ت لي الدرب قالت لي اجر وعافيه بعد ده ممكن تطلعو في الاول طلعنا انا وسماح ... سماح سانداني وسامر و وائل ماشيت يتونسو ورانا واتعرفو علي بعض وصلنا العربيه وائل مد لي يدو قال لي حمد لله علي السلامه للمره التانيه وبكره اجازه ما تجي قلت ليهو الله يسلمك ولو قدرت بكره بجي قال لي لاااا اديتك ليهو اذن راااحه قلت ليهو تمام انا وسامر ركبنا العربيه و وائل ساق معاهو سماح واتفرقنا في الطريق قلت لـ سامر كيف تقول لي جنبو شجن ام لسان طويل قال لي مالو عشان يعرفك من الاول قلت ليهو اطمن عرفني عمليا قال لي كيف يعني حكيت ليهو لم شاكلتو اول يوم قال لي والله لو ده انا كان طردتك من الشغل قلت ليهو هسه مقعدني عشان خاطر بابا قال لي لا والله شكلو ظريف بقلبي قلت الناس ديل كلهم شايفنو ظريف الا انا يا ربي الغلط فيني 😅
وصلنا البيت قلت لـ سامر ما تكلم حبوبه عشان ما تتخلع قال لي تمام دخلت سلمت عليها ودخلت الغرفه ارتاح بعد شويه جاتني سمر شايله جك عصير قالت لي واااي يا شجن سلامتك قلت ليها ده سامر صاح اصلو ما بعرف يحفظ ليهو سر جا داخل وسمعني قال لي بس انتي قلتي ما اكلم حبوبه بس دي سمر وحك راسو وقعد يضحك سمر قالت لي يخسي عليك يا شجن حتي انا ما عايزاني اعرف قلت ليها معقول لا والله بس عشان ما تشفقو قالت لي يا بت نحن هنا امهات بعض انتي في مقام امي وانا في مقام امك سامر قال لينا وانا في مقام ابوكم الأ في حاله القروش بنختلف 😅 باب الغرفه دق جا احمد داخل قال لي شجن سلامتك وناس البيت كرامتك الا انا خارج نطاق التغطيه قلت ليهو حيوان اتلفت علي سامر قلت ليهو احمد برضو ما اسمو حبوبه عشان كده كلمتو صاح قال لي ما شاء الله طلعتي ذكيه 😅 اتونسو معاي مسافه فرقو علي وطلعو
المسا تلفوني ضرب عاينت للرقم لقيتو غريب بعد اترددت افتحو رديت الوو قال لي امسيتي كيف قلت ليهو الحمدلله لقيت الصوت ما غريب علي قال لي معاك وائل قلت اطمن عليك .....
#يتبــــع ⏪⏪⏪⏪
