وصلنا المستشفي وسامعه صوت وائل بتكلم معااااي بس ما فاهمه كان بقول شنو لانو الصوت جاييني بعيييييد وماسك يدي تاني ما وعيت الا الصباح فتحت لقيت الغرفه فاضيه هبشت بطني لقيتها عاديه عرفت البيبي طلع وائل جا داخل قال لي شجوني صحيتي هزيت راسي اي جا مسح لي وشي بمنديل كان معرق من الهبوط قال لي مبروووووك جبتي احلي بنوته تشبهك وباسني في راسي من الخلعه قلت ليهو وينها قال لي في الحضانه قلت ليهو يعني ماتت مسك يدي قال لي حبيبي قولي بسم الله والله حيه وهسه جيت منها بنتكلم كده وماما وماما نوره جو داخلين وائل فك يدي ماما نوره قالت لي ام البنوووته الحلوه قلت ليها ماما نوره عليك الله بنتي حيه وطيب لييه خاتنها في الحضانه وائل وماما المره الفاتت كضبو علي هسه عليك الله انتي كلميني الحقيقه قالت لي والله حيه وما عندها اي حاجه وائل قال لي ايوووه يعني انا كضاب طيييييب وطلع ماما جات باستني في خدي وقالت لي حمد لله علي السلامه قلت ليها الله يسلمك وائل جا داخل شايل البيبي وااااي ما بصدق جا قال لي اول سمي قلت بسم الله وختاها لي في حضني قال لي عشان تاني ما تقولي انا كضاب ماما وماما نوره طلعو بره قلت ليهم خليكم قالو لي ماشين نشرب لينا شاي اخدو راحتكم بعد قفلو الباب قلت لـ وائل شوف يدها صغنووونه كيف ومره امسك رجلها ورجلها زاتها صغنووونه و وائل شغال يضحك فيني قلت ليهو حلوووه ياااخ قال لي كيف بتنا وتكون ما حلوه وانتي امها تشبهك قلت ليهو لا هي حلوه قال لي يعني انتي شينه قلت ليهو هييي 👆🏻 قال لي خلااااص خلاااص ما تنفعلي وباسني في خدي قال لي لسه مصره تشكينا انا وامك لـ الله يعني يرضيك امك وابو بنتك الله يعزبهم قلت ليهو لااا طبعا بس انتو عزبتوني قعد يضحك قال لي اوعك تفكري كده خليني انا معقول امك تفكر تضرك استحاااله ومعقول انا اعزبك وابنك في بطني لا ياااخ بس دي كلها كانت تعليمات الدكتور قلت ليهو كيف يعني قال لي تتزكري يوم جبتك الفحص والدكتور ناداني قلت ليهو اي قال بس في اللحظه دي الدكتور قال لي عندك صعوبه في الحمل حتي انا طلبت منو ينزلو قلت ليهو حيوان انت كيف تفكر تقتل طفلي قال لي لو فيها خطوره عليك ما كنت اترددت ثانيه في انو ينزل بس الدكتور قال لي ما فيهو خطوره عليك بس تتحرك كتير عشان كده وقفت الشغاله وقلت ليك ما عندنا ليها قروش و كلمت امك عشان كنت عارف انك ح تزهجي مني وح تمشي ليها ومافي زول كان عارف غيرنا عشان كده كنا بنشغلك وعشان كده منعتك تقعدي عند امي فهمتي حبيبي هزيت ليهو راسي اي ...
بعد يومين طلعنا من المستشفي امي قالت لي اها يا شجن ح تمشي معاااي ولأ مع ماما نوره وقعدت تضحك اعتزرت ليها انتو من الاول ما فهمتوني كده واكيييد ح امشي معاااك ... انا وبتي ركبنا مع وائل والباقين ركبو العربيه التانيه وائل قال لي رايك شنو نمشي بيتنا ونخليهم منتظرين قلت ليهو هييي ماما بتزعل وصلنا البيت وما شاء الله البيت كان مليان بالضيوف ..
وعدت الايام بس لمى طبعها كعب جنها بكا اي سميناها لمى بس الحمد لله امي كانت بتمسكها معاااي ومرات بتمسكها لي وانا انوم واصحى 😅 و وائل كل يوم كان بجينا بعد تميت شهر جانا وائل لم خلاااص طالع جا باس بنتو ومسح لي شعري قال لي عليك الله قولي لأمك خلاااص ماشين بيتنا اقنعيها ياااخ وانا بجي اسوقك ماما جات داخله الغرفه براااحه سحب يدو خجلت ليك والله 😅 هي فاكراهو طلع بس بعدها طوااالي استأذن وطلع قلت لـ ماما خلاااص بعد ده نحن راجعين بيتنا بس حلفت علي لو ما تميت الاربعين ما بتحرك عايزه الناس يشيلو حالي قلت ليها يشيلو حالك في شنو انا ماشه بيتي قالت لي كلها فضل 10 يوم بطلي الشفقه واقعدي سكتتني بصراااحه 😅
يوم بتكلم مع وائل المسا قال لي بكره بتتمي كم يوم قلت ليهو 40 يوم قال لي بسسس من الشغل ح اجي اسوقكم انتظريني جاهزه وفعلا جاني من الشغل بس لقي معانا ناس ماما نوره وهبه وحبوبه وخالتو جو للاربعين لم شافهم خجل يقول لي ارح وهم قاعدين وانا زي الشافعه شغاله امد ليهو في لساني وهو مغيووظ بعد طلعو قال لـ ماما نحن زاتنا نمشي بعد ده يلا يا شجن ماما عشان اتعودت علينا لم ودعتنا بكت وبقت تسلم علي لمى قالت لينا يا حليلكم وائل قال ليها كل فتره بجيبهم ليك طلعنا ونحن في الطريق وائل قال لي بالجد زي ما قالو ناس افراحها زايده وناس يتألمو قلت ليهو كيف يعني قال لي انا فرحاااان وامك زعلااانه قلت ليهو خلاااص رجعني ليها قال لي ولاااا تفكري تاني
وصلنا البيت وائل فتح الباب قال لي نورتو بيتكم قلت ليهو منور بـ سيدو دخلت الغرفه ختيت لمى في السرير وطالعه وائل مسكني قلت ليهو وائل قال لي مالك مش قبيل عامله قويه وبتكاوي فيني يلا خليك قدر كلامك في اللحظه دي لمى بكت طواااالي فكاني ومشي ليها لمى حبيبة بابا في زول بجي بيتو ببكي وشالها لحدي ما نامت اصبحنا الصباح فتحت عيوني لقيت الغرفه فاااضيه طلعت لقيت وائل شايل لمى وقاعد في الصاله اهتمامو كلو بق
ي بي بنتو مشي الشغل وفضلنا قاعدين انا وهي وشغاله تبكي 24 ساعه هي تبكي وانا ابكي انا عشان ما اتعودت علي المسؤوليه كده كانت دايما ماما بتمسكها وهنا وائل طوااالي كان بشيلها وائل جا داخل لقانا الاتنين بنبكي لم اتخلع شال لمى قال لي لمى طفله بتبكي انتي مالك قلت ليهو لمى طواااالي بتبكي الا يشيلوها وانا ما بقدر اسكتها مسح دموعي وقال لي خلاااص تاني بجي راجع من الشغل بدري وكان لمى تعبتك ما تتعبي في عمل الغدا ان شاء الله اجيبو معاااي جاهز تمااام هزيت ليهو راسي حاااضر باسني في راسي قال تسلم حبيبي ام الغاليه وفضلنا علي الحال ده يومين فعلا وائل بجي راجع من الشغل بدري بس كان قصاد بنتو هي زاتها ما مديانا فرصه من البكا التقول انا ضرتها
بعد يومين قلت لـ وائل عايزه اجيب مربيه لـ لمى قال لي بدل نجيب مربيه واخسر قروش ما اجيب مره تانيه وتريحك مننا انا ولمى وغمز لي قلت ليهو وائل بتكلم معاااك جاااده
#يتبــــع ⏪⏪⏪⏪
