صحيت الصباح بصوت المنبهه اتحممت واتظبطه وطلعت ماما بقت تعاين لي مخلوعه قالت لي ماشه وين من الصباح قلت ليها ماشه زفت الشغل قالت لي غيرتي رايك يعني قلت ليها يب طلعت وصلت الشركه بس المره دي قررت انزل قويه بشخصية شجن القديمه الـ مافي حاجه بتكسره وقررت اخليهو هو الـ يطردني من الشركه بتصرفاتي جا داخل قال لي صباح الخير هزيت ليهو راسي لـ تحت ابتسم ودخل ناداني دخلت ليهو قال لي حمدلله علي السلامه قلت ليهو الله يسلمك بس ما تفتكر اني خفت من التهديد نزلت بمزاجي قال لي امممم تماااام اهم حاجه انك اتخزتي القرار الصحيح و واصلنا الشغل عاااادي بعيداً عن الموقف الزفت ...
بعد يومين وانا في المكتب جات بنت مزه نضييييفه قالت لي وائل موجود قلت ليها عندك موعد سابق قالت لي لااا والله بس قولي ليهو رانيا قلت ليها بعتزر والله وائل مشغول مواعيدو مليااانه تعالي مره تانيه كضاااابه يا انا قعدت في الكرسي وطلعت تلفونها اتصلت عليهو اي هسه قاعده مع السكرتيره بره بس قالت لي انت مشغول لو ما عندك طريقه بجيك مره تانيه ما عارفه قال ليها شنو قفلت التلفون جاها طالع من المكتب قال ليها اوووووو رنو منوره والله اتفضلي دخلت وهو اتلفت حمر لي وقفل الباب احرجتني ما اتوقعتها تتصل عليهو بعد شويه جا عبدو مراسل الكافي شايل الصينيه فيها البارد قلت ليهو اقيف دي الطلبها منو قال لي طلبها المدير قلت ليهو جيبها انا اصلا داخله بدخلها معاااي وانا كضاااابه بس كنت حابه ادخل اعرف دي منو ودايره شنو شلت البارد دقيت الباب سمعت وائل قال ادخل يا عبدو قلت ليهو عبدو في عينك دخلت لقيتهم قاعدين في كراسي الجلسه ويتونسو ويضحكو ختيت البارد جنب البنت واديتها ابتسامه وائل اتخلع قال لي وين عبدو جايباهو انتي ابتسمت قلت ليهو مشغول 😊 قالت لي ما كان تتعبي قلت ليها تعبك راحه وانا الشمار عايز يقتلني ختيتها وطلعت وفضلت منتظراها تطلع وهي لسه قاعده بعد ساعه طلعو مقدمها لحدي الباب ويضاحكو عامل ضحكتو السمحه دي 😒
تاني بعد اسبوع جاتو شكلها اتعودت قبل ما تجي جا وائل طالع قال لي جاياني ضيفه هنا يا ريت تدخليها طوالي ما تخليها في الانتظار ولا رديت عليهو بقلبي قلت عايز يقلب المكتب كافتريا كل مره بنت شكل 😒 بتكلم كده جات رانيا قالت لي ازيييك يا شجن ده اسمك صح قلت ليها اهلييين ومعاها ابتسامة مجامله 😊 قالت لي وائل موجود ولأ كـ العاده مشغول وقعدت تضحك قلت ليها لا اتفضلي يعني الضيفه طلعت رانيا زاتها دخلت عليهو بس انا قررت المره دي الا اعرف دي منو وعايزه شنو وائل جا فتح الباب قال لي شجن جيبي 2 نسكافي وياريت تدخليها لينا انتي لأنو عبدو مشغول قلت ليهو بس ده ما اختصاصي قال لي ما فيها حاجه المره الفاتت سديتي مكانتو حمرت ليهو قلت ما مشكله مشيت جبتها دخلت عليهم من غير ما ادق الباب قال نسيتي تدقي الباب قلت ليهو انا شايله الصينيه ما بقدر ادق الباب شال الكبايه مداها ليها قال ليها ان شاء الله تعجبك قالت ليهو اكيييد مش من مكتبك قلت بقلبي تشربو السم واصلو الونسه وانا طلعته بعد شويه اتصل علي في التلفون قال لي تعالي دخلت قال لي النسكافي بقي بارد وما ظريفه ضيفتنا تشرب عصير نسكافي طبعا ما فضل لي الا اسمطو كف وهي شغاله تقول ليهو لا ما مشكله قال ليها لا ح تشيلو تغيرو طبعا بعد تصرفو ده بقيت اشوف طشاش طشاش بالجد حسيت بالاهانه شلت الصينيه ودموعي رقرقت وصلت الكافتريا عملت النسكافي عيني وقعت في ملح جاتني فكره جنونيه الا انفذها انتقم حقي طعمت كبايتها بالملح وانا بحرك في الكبابي بالمعلقه وحفظت موقع الكبايه عشان ما تتبدل شلت الصينيه اتلفت لقيت وائل واقف وراي اتخلعت قلت الليله خلاااص يا شجن موضوعك استحمي مد يدو قال لي جيبيها بشيلها معاااي كده اتأكدته انو ما شافني قلت ليهو لا بوصلها قال لي قلت ليك بشيلها بقلبي قلت معقول اكشف نفسي واديك ليها بعد نفذته خطتي استحاااله قلت ليهو شينه في حقي انا البنت قاعده اديك تشيلها انت الولد قال لي متأكده قلت ليهو يب بقينا ماشين مع بعض لحدي ما فتح لي باب المكتب دخلت ناولتها الكبايه بقلبي قلت ليها اتفضلي نسكافي حار بالطعم المالح واديتها ابتسامه نظام اتفضلي 😊 قالت لي اعفي لي عليك الله بس ده من وائل والله قلت ليها ولااا يهمك بقلبي قلت ليها اعفي لي انتي علي الطعم وجيت طالعه وائل قال لي اقفلي وراك الباب وما تخلي زول يزعجنا قلت ليهو حاضر لويت خشمي وطلعت واتزكرت المصيبه العملتها وشلت رجلي وجري علي مكتب سماح قلت ليها الا تجي تقعدي معاي في مكتبي قالت لي بري عندي شغل كتير والله قلت ليها شيلي مكتبي نشتغلو مع بعض قالت لي لااا والله ما بقدر قلت ليها بالمناسبه في وحده جات لـ وائل تعالي شوفيها قالت لي اي دي رنو بقلبي قلت ليها حتي انتي شكلها نجمه مشهوره وانا ما بعرفها قلت ليها بتبقي لـ وائل شنو قالت لي كانت زميلتو في الجامعه قلت ليها يعني خطيبتو حاليا قالت لي لااا لا
ااا بس زميله .. زمالة شنو البقفلو فيهم الباب وما عايزين ازعاج قلت لـ عمر رايك شنو اعزمك قهوه في مكتبي قال لي دي هسه اسمها عزومه ومجان كماااان قلت ليهو رافض يعني قال لي خلاااص موافق قلت الحمد لله لقيت زول استنجد بيهو رجعنا مكتبي وطلبت القهوه ومنتظره وائل يناديني قلت رانيا ح تشتكيني ليهو بس ما ناداني قلت يكون عايزها تطلع حتي يشاكلني بعد شويه جا مقدمها لحدي الباب وكالعاده الونسه والضحك لم شاف عمر قلب وشو رانيا جات سلمت علي في يدي قالت لي فرصه سعيده وهي بتضحك حيرتني طبعا قلت وااااي ما يكون وائل الشال الكبايه خلاااص يا شجن انتهيتي وائل قال لـ عمر قاعد هنا عايز حاجه قال ليهو لااا قال ليهو طيب هاك كمل لي الشغل ده في مكتبك وحمر لي ودخل اخر الدوام جا طالع قال لي ح افضل ازكرك كل مره انو ده مكتب ما كافي حيوان خلاااص
رجعت البيت المسا اتصل علي بابا قال لي شجن حبيبتي متين كبرتي وجاك عرسان قلت ليهو شنو قال لي جاك عريس قلت ليهو عريس شنو يا بابا قبل ما نتخطى الازمه دي ما بفكر في الموضوع ده قال لي اعتبريها اتحلت اها قلتي شنو والعريس ده راجل ود رجال والله وما بتفوت قلت ليهو يا بابا انا ما بفكر في الموضوع ده قال لي اول شوفي قلت ليهو لا ما عايزه اشوفو اصلا قال لي طيب نأجل الكلام ده لم الاسبوع الجايي انزل السودان قلت ليهو تمااام تصل بالسلااامه بس برضو ما موافقه قال لي لم اجي قفلت منو قلت دي مصيبه شنو ما خلصت من موضوع زفتة رانيا يظهر لي موضوع العريس ما عارفه لييه بتغاااظ من وجود رانيا مع وائل مع انو مافي حاجه بتربطنا سوا بس بتضايق لم القاهم مع بعض ....اصبحنا الصباح كالعاده مشيت الشركه قاعد في المكتب وائل جا داخل قال لي صباح الخير قلت ليهو يسعد صباحك واليوم كلو كان يتبسم دخلت اديهو جدول مواعيد اليوم قال لي رايك شنو في رنو قلت ليهو رنو منو قال لي قصدي رانيا قلت ليهو ما عرفتها رانيا منو 😊 قال لي الجاتني امس بقلبي قلت ليه اصدمني وقول عايز تخطبها قلت ليهو من ياتو ناحيه يعني قال لي قيميها لي من كل النواحي قلت ليهو عااااديه جدا غيرااانه يا انا 😅 قال لي يعني ما شايفه فيها حاجه مميزه قلت ليهو زيها زي اي بنت وبعدين شغلي ما تقييم الناس عن اذنك وطلعت وهو شغال يتبسم ما يتبسم كيف والزفته كل يومين نااااطه جااايه تقابلو وهو الحيوان شكلو قرر يخطبها ...
#يتبــــع ⏪⏪⏪⏪
