دخلت البيت سلمت علي ماما داخله غرفتي لفتتني قالت لي شجن انتي جيتي بالمواصلات كده قلت ليها كيف كده قالت لي ما عامله احتياطك لم عاينت للاسكرتي لقيت فيهو نقطه واااااي لاااا ده شنو عشان كده وائل كان بتصرف معااي كده جريت دخلت غرفتي غيرت الملابس جيت راجعه لـ ماما شايله الاسكرتي قلت ليها دي ماهي بس ده شنو ما عارفه قالت لي متأكده ما هي قلت ليها اااي ماما شالت الاسكرتي شافتو قالت لي تقريبا ده كركدي بس الجابو ليك شنو وخاصه في المنطقه دي قلت ليها ما عااارفه وفضلت ابكي لييه بس كده يا ربي والمشكله وائل فاكرو دي هي اقابلو كيف تاني لااا لاااا استحاله امشي الشغل حتي لو سجني بسبب التعهد ماما قالت لي تعهد شنو قلت ليها انسي بس المهم تاني ما ماشه الشغل قالت لي طيب اهدي احتمال قعدتي في كرسي في الكافتريا قلت ليها لااا الليله بالزات ما مشيت الكافتريا من مكتبي لي مكتب المدير لـ قاعة الاجتماعات طيب يا ربي تاني الشافو منو من الموظفين لااا بس تاني الشغل حرمان علي قالت لي راااحتك بس اهدي اليوم كلو كنت بفكر في الحصل ده حصل لي كيف ومن وين ...
اصبحنا الصباح وانا قررت ما امشي الشغل ماما صحتني قالت لي الوقت اتأخر قومي اتجهزي قلت ليها ما ماشه قالت لي يعني ده اخر قرار قلت ليها ااااي ما ماشه خاااالص وجريت البطانيه كملت نومي بعد ساعتين جاتني مكالمه من وائل عاينت للرقم وما رديت فصل وتاني اتصل قلت ليهو لو ضربت لبكره ما ح ارد شوف زول غيري تكورك فيهو وجاتني مكالمات من سماح برضو ما رديت صمت التلفون مشيت ناس حبوبه وجيت راجعه المسا لقيت تاني وائل عامل كم مكالمه لو تموت ما ح ارد عليك دخلت الواتس لقيت سماح مرسله لي وين انتي يا بنت ان شاء الله خير المدير من قبيل يسأل منك ما رديت الرساله دخلت علي وائل اشوف اخر مره متصل فيها متين جاني جاري الكتابه اتخلعت طلعت من الواتس وقفلت التلفون خااالص 😅 وعد اليوم واصبحنا الصباح ماما قالت لي الليله برضو ما ماشه قلت ليها اي وما اسمها الليله اسمها نهائي ما ماشه وما تخافي ح انزل افتش شغل تاني قالت لي راحتك بس بالجد كنت فاقده وائل بالرغم من نرفزتو واستفزازو لي بس كنت حاسه انو يومي ناقص فتحت تلفوني لقيت منو كم مكالمه لم يرد عليها ما اشتغلت بيهو وعديت اليوم بين التلفزيون واكاوي حمودي وحمودي يبكي ويشتكيني لـ ماما .. ماما مره تشاكلني ومره تقول ليهو خليها دي منفسنه اليومين ديل وانا شغاله امد ليهو لساني بنتكلم كده جرس الباب دق قلت ليها هسه يكونو اولاد اختك الـ ما نافعين ديل بس احلي حاجه الواحد علي الاقل يتشاكل معاهم ويتفشي فيهم حبه وجريت فتحت الباب ألقي ليك سماح في وشي حضنتها سموووحه مشتاقين والله بعديها عيني وقعت في وائل من الخلعه فكيت سماح وخليتهم واقفين في الباب وجري دخلت غرفتي ماما قالت لي يا بت بسم الله مالك وفي الباب منو ما رديت عليها جري علي الغرفه وقلبي اشتغل دلوكه سماح دخلت سلمت علي ماما قالت ليها اتفضلي يا بتي صحبتك اليومين ديل مجنونه اعزريها سماح قالت ليها ولا يهمك يا خالتو بس معاي وائل مديرنا واقف بره ماما مشت دخلتو قعدو في الصاله وانا جسمي كلو يرجف قلت لا اكيد بحلم بعد شويه جاتني ماما قالت لي ده شنو العملتي ده ديل مش ضيفوك اطلعي اكرميهم قلت ليها انا ما طالعه اديهم العصير وبعديها بمشو بس انا ما طالعه ليهم قالت لي كيف يعني قلت ليها لو ما عايزه تضيفيهم خليهم يقعدو وبيزهجو وبعديها براهم بيمشو قالت لي حسابك بعدين وطلعت ليهم بعد شويه جاتني سماح قالت لي ده شنو يا شوشو العملتي ده تخلينا واقفين في الباب وتدخلي نظام مطرودين ولأ شنو قلت ليها وربي لا بس انتي ده شنو الجايباهو معاك ده حركتك بيييش بصراااحه قالت لي والله هو الجابني نزلني من الترحيل عشان اجي معاهو يومين يسألك منك وبعدين ما بتردي علي المكالمات مالك قلت ليها التلفون حقي بايظ كضاااابه يا انا 😅 قالت لي طيب طولنا هنا البسي ليك عبايه بفوق لبنطلونك العجييييب ده ♡ وارح نطلع ليهم قلت ليها اطلعي بجي وراك طلعت وانا قاعده قلت الليله خلاص موضوعك انتهي يا شجن ماما جات جدعت لي التوب قالت لي كده كويس جاييك هنا قلت ليها لااا يا ماما قالت لي يلوي راسك من الاول ما نزلتي مالك بعد شويه باب الغرفه دق من غير ما اقول اتفضل فتح وانا متلفحه بالتوب وقاعده في طرف السرير زي الضيفه دخل وخلي الباب مفتوح نص الولد طلع محترم قال لي ما شاء الله ده استقبالكم للضيوف بتخلوهم في الباب وتجرو 😊 بقلبي قلت مش لم الضيوف يكون عندهم احترام الغير بس ما رديت عليهو في كرسي شالو وختاهو قعد قصادي قال لي وبعدين غايبه من الشغل مالك وما تقولي لي عيانه عشان ما ح اصدقك واكضب عيوني قلت يا بنت يا شجن انتي في بيتك اوعك تخافي ردي ليهو بثقه قلت ليهو ما جيت عشان عايزه استقيل ولو من ناحية التعهد اشتكيني قال لي بعيدا علي التعهد وااااو عايزه تستقيلي يعني حبيتي ترجعي تعيشي علي حس
اب ابوك براﭬو والله وقعد يصفق 👏👏 و واصل كلامو صاح اقعدي انتي جنب ماما زي ما بتقولي وشيلي كل يوم مصروفك من بابا وابوك ينتظر محمد اخوك الصغير يكبر يعني تقريبا 25 سنه لـ قدام عشان يقدر يساعدو في المصروف طبعا في اللحظه دي رجعت للواقع المرير واتزكرت انو شركة بابا علي وشك انها تعلن افلاسها ودموعي رقرقت قلت ليهو انت ما عندك دخل بينا وبعدين القال ليك منو ح اقعد من غير شغل ح افتش شغل قال لي اهااا وان شاء الله الـ ماعاجبك في شغلنا شنو بقلبي قلت كفااايه ياااخ فضيحتي معاااك امس قلت ليهو ما عاجبني المدير قلت كده عشااان يرفدني وارتاااح قال لي بالله وعايزه شغل مديرو يقعدك في مكانو وإنتي التمشي الشغل ولأ كيف 😊 قلت ليهو لا علي الاقل يكون تعاملو راقي مع الموظفين قال لي اهاااا علي العموم الزمن حاليا اتأخر وسبب استقالتك ما اقنعني لاني عارف السبب الحقيقي فـ لو حبيتي السبب يبقي سر بينا الصباح اجي داخل المكتب ألقاك قاعده ولو حبيتي ينتشر بين الموظفين ما تجي عشان اي واحد ح يسألني ح اكلمو وبالنسبه لـ تعامل المدير ده تعالي بكره نتفاهم فيهو في المكتب طبعا لو حبيتي تجي والقرار في النهايه يرجع ليك وتاني لو سمحتي اتعلمي الاوتكيت واستقبال الضيوف بكون كيف مش تستقبليهم قي غرفتك ولأ تجري وتخليهم في الباب وبالمناسبه غرفتك جميله وغمز لي وطلع طبعا خلاني مخلوعه عامله كده جات سماح تودعني قالت لي شوشو امك ظريفه والله بس يا ريت لو قعدنا كلنا سوا اها بكره جايه الشغل هزيت ليها براسي لاااا ودعوني وطلعو ماما قالت لي ظريفين والله قلت ليها قصدك البنت بس الولد اعوذ بالله منو قالت لي لا والله برضو ظريف اها قال ليك شنو قلت ليها ده حيوان ساااي عايز يقنعني انزل الشغل بس برضو ما نازله خلي يعمل الدايرو .....
#يتبــــع ⏪⏪⏪⏪
