وعدا الشهر ويومي ما بكتمل الأ اسمع صوت وائل خلاص ادمنتو لدرجة الجنووون وجا يوم السعد
الضهر ضرب لي وائل فتحت الخط مرتي وحقتي وحلالي وملكي مبرووووك لينا وربنا يقدري اسعدك انتي واولادي من الخجل الخط فاتح وغلبني ارد قال الووو قلت ليهو معاك قال لي وان شاء الله طول العمر معاااي ما نفترق ♡ قلت ليهو خلاص اقفل قعد يضحك قال لي رومانتك ماف وقفل 😅
المسا ضرب لي تاني قال لي منتظرك بره طلعت بعد ما انتهيت وعيني وقعت علي وائل ما شاء الله يا حافظ يا حفييظ جا سلم علي في راسي قال لي مبروووك لينا للمره التانيه وسط صحباتي واصحابو قليل ادب ياااخ 🙈 ركبنا انا وهو برانا في عربيتو قال لي و اخييييرا ح نجتمع تحت سقف واحد قلت ليهو وائل قال لي عيون وقلبو وروحو لـ وائل قلت ليهو خلاااص اسكت خلي الليله دي تعدي علي خير قعد يضحك قال لي حبيبي الخجول خلاص سكتا وصلنا الصاله بعد الزفه فتحو لينا إسلو وانا خجلااانه وهزيت راسي نظام ما عايزه ارقصها بس وائل جراني عليهو وشال طرحت الفستان غطا بيها راسنا الاتنين قال لي يلا انسي العالم وخلينا في عالمنا خجل ماااف قليل ادب ياااخ 🙈 وبعد عملتو دي الصاله ارتفعت فيها اصوات الزغاريت وهججنا في الحفله وبعد الجرتق جينا طالعين حضنت ماما وبكيت وائل ساقني من يدي ماما زاتا بكت قالت ليهو ما اوصيك عليها قال ليها اطمني شجن في نن عيوني لو في خطر اتأكدي يصيبني انا اول حتي يصلها قالت ليهو تسلم يا ولدي وركبنا العربيه قبل ما نتحرك مسح دموعي قال لي ما عايز تاني دمعه تنزل بعدين زول عندو وائل بحالو بيبكي يا شيخهه وباسني في راسي واتحركنا وصلنا الشقه وبعد اسبوع سافرنا شهر العسل بس بدل شهر قعدنا شهرين وكانو احلي شهرين لحدي الان جينا راجعين وكنا متفاهمين شديييد ومكملين لبعض قلت لـ وائل خلاااص بكره ح تنزل الشغل وح اقعد براااي قال لي لو عايزاني اقعد وابطل شغل ما عندي مشكله ويصرفو علينا اهلنا 😅 قلت ليهو ما تتريق جاااده معاك قال لي تعالي حضني وقال لي والله انا زاتي ما عايز بس مضطر اعمل شنو كده شهرين ما مشيت الشغل بس اوعدك اطلع متأخر من البيت واجي راجع بدري يعني ما ح اديك فرصه تشتاقي لي قلت ليهو وعد قال لي وعد تمااام هزيت ليهو براسي اااي قال لي قلبوشتي انا اصبحنا الصباح وائل ماشي الشغل قمت الصباح بدري عملت الشاي وائل اتحمم واتظبط خفت من نفسي اسحرو 😅 جبت الشاي قعدت جنبو واثناء ما بنشرب في الشاي فكرت افاتحو في موضوع الشغل قلت ليهو وائل قال لي قلبو قلت ليهو انت نازل الشغل الليله طيب انا انزل متين قال لي تنزلي وين قلت ليهو الشغل خت كبايه الشاي في التربيزه قال لي حبيبي انا ولا تفكري قلت ليهو وائل عليك الله وافق قال لي الموضوع ده ما محتاج نقاش شغل ماف عايزه تشتغلي لـ شنو عشان الخبره يكفي الخبره الاكتسبتيها ايام شغاله ولو عشااان القروش لم اقصر معاك في حاجه تعالي اطلبي انك تشتغلي قلت ليهو ح نشتغل في نفس الشركه قال لي يا روحي انا الله يرضي عليك افهميني ما بستحمل اشوفك وسط الموظفين ايام كنتي شغاله انا كنت بتقطع من جوه سكت منو بس صريت وشي نظام زعلانه لف يدينو الاتنين حول رقبتي وقرب راسي عليهو قال لي قلبوشتي انا الله يرضي عليك قدري موقفي وبعدين ما لقو ليك اسم غير شجن لو واحد يناديك ساااي بحس كأنو بدلع فيك وانا كنت بضايق هسه ما ناويه تفردي وشك وتديني ابتسامه عشااان امشي قلت ليهو امشي اصلا وقت شغلك مهم قال لي ده كان قبل ما اتعرف عليك بس حاليا ابتسامتك وسعادتك اغلي ما املك قلبوشتي الله يرضي عليك خلاااص فكيها عشان المسا سايقك مشوار ظريف قلت ليهو بالجد قال لي والله انتي خططي للمشوار وعيوني ليك بعديها اديتو ابتسامه قال لي قبل ما امشي ما ناسيه حاجه قلت ليهو لااا قال لي حرام عليك يا شيخه ناسيه دي وطبع لي بوسه في خدي وطلع وفضلت قاعده براااي زهجاااانه نضفت البيت ودخلت المطبخ بعد انتهيت عاينت للساعه لقيت الزمن لسه واقف ما متحرك الوحده حاااره يااااخ اول مره افقد وائل بالطريقه دي بعد العرس .. قاعده كده تلفوني ضرب لم عاينت للرقم ما صدقت رديت وائل بس ما بعرف تعال ياااااخ قال لي اشتقت لي قلت ليهو لاااا بس تعال قال لي طيب وقت اشتقتي ما ضربتي لي مالك قلت ليهو قلت تكون مشغول قال لي لو مشغول افضي عشانك اي لحظه تكون عايزه تتصلي اتصلي تمااام قلت ليهو هسه يعني ما عايز تجي قال لي داخل اجتماع بس يخلص واجي قلت ليهو طيب قال لي يلااا لـ بعدين قفلنا الخط دخلت الحمام اتحممت واتظبطت وفتحت التلفزيون بعد ساعتين الباب فتح من الفرحه ما شعرت الا وانا جاريه عليهو وحضنتو قال لي شجوني انا ده كلو حب قلت ليهو بدلع تاني يا تسوقني يا تقعد معاااي قعد يضحك قال لي حااااضر بس زكرتيني دان بت هبه اختي زحيت منو قلت ليهو قصدك انا شااافعه جراني عليهو قال لي ما عاش اليقول عليك شافعه وانا لاقي لم شجوني تشتاق لي وطبع لي بوسه في خدي
قلت ليهو خلاااص اتحمم مسافة حضرت الغدا قال لي في زول يكون معاهو القمر ده ويجوع ضربتو في كتفو قلت ليهو بطل بكش ودخلت المطبخ حضرت الغدا جا طالع من الغرفه لابس برموده وفنيله يخلوهم ليهو بعد اتغدينا قال لي حبيبي مصدع ح ادخل اخد لي نومه ونجي نطلع زي ما وعدتك قلت ليهو تمااام دخل الغرفه فكرت قلت مافي داعي يا شجن تضغطي عليهو في الطلعه طال ما هو مصدع دخلت عليهو قلت ليهو وائل قال لي قلبو عايزه حاجه قلت ليهو خليت الطلعه قال لي لييه قلت ليهو مش مصدع خليها مره تانيه قال لي لا بنوم وبصحي كويس قلت ليهو لااا خليها مره تانيه قال لي تسلم لي حبيبي الفاهم ناولتو الحبوب وطلعت الصاله فتحت التلفزيون عشان هو ينوم بعد شويه طلع من الغرفه قلت ليهو مالك قال لي ما قدرت انوم جا قعد جنبي وخت راسو في رجلي فضلت العب ليهو في شعرو لحدي ما نام وانا بحضر في التلفزيون ورجلي وجعتني بس تهون عشانو
بعد صحي قال لي اتعبتك حبيبي انا قلت ليهو ولااا يهمك اهم شي راحتك ودخلنا الغرفه اصبحنا اليوم التاني ونفس الروتين وائل طالع الشغل قال لي ح اعوضك يوم امس قلت ليهو اهم شي تجي راجع بدري قال لي من عيوني وطبع البوسه وطلع وتاني رجعت للوحده بس المره دي كنت بتونس معاهو بالواتس قال لي كانت معاااي وحده قرض طلعت مني هسه قفلت الواتس واتصلت عليهو قال لي الواحد الأ يسمع صوتك كده قلت ليهو عشان كده منعتني انزل الشغل قال لي معقول تخنقيني في البيت وفي الشركه قفلت في وشو الخط بقلبي قلت بس الليله اليجي بعد شويه الباب فتح جا داخل قال لي المره دي ما ح تستقبليني ما رديت عليهو وقاعده في مكاني وصريت وشي قال لي حلااات حبيبي وهو زعلان قلت ليهو زح مني قال لي دي هسه مقابله تقابل بيها وحده راجها بس غلطان انا عشان جيتك بدري قلت ليهو امشي محل البنت تستقبلك قعد يضحك قال لي انتي صدقتي حبيبي انا كنت بتكلم معاك وكنت قاعد في العربيه تحت بس حبيت اعمل فيك مقلب صغير قلت ليهو بس عندك الفكره قال لي لو فضلت زعلانه كده ح اطره انفذها وحضني عليهو حيوااان خلاااص يعرف كيف يمتص غضبي قال لي رايك شنو المسا نمشي ناس امي ومن هناك نطلع نتعشي بره قلت ليهو جد قال لي لو فضلنا قاعدين كده ما ح نقدر نمشي 😅المغرب اتظبطه ودخلت في فستان مع المكياج طلعت توووحفه والعجب وائل ♡ جا طالع قال لي رايك شنو ننسي الطلع ونقعد نتعشي سوا قلت ليهو وائل قال لي خلاااص خلااااص ارررح رومانتك ماف طلعنا وصلنا ناس ماما نوره طبعا بتحبني زي هبه بنتها البشوف معاملتها معاااي يقول امي انا ما ام وائل وانا نفس الشعور قاعدين نتونس جات عمت وائل وبنتها ريان ( الـ كانت شغاله مع وائل سكرتيره وقدمت استقالتها ) واثناء ما بنتونس كل ما اعاين لي عمت وائل ألقاها تحمر لي انا زاتي شكيت في روحي بس ما اشتغلت بالموضوع كتييير قلت اتخيل لي دخلت المطبخ اعمل ليهم العصير وائل جا داخل المطبخ وبقي يتغزل فيني قلت ليهو وائل بطل بجي داخل زول قال لي ويعني بنتكلم كده ريان جات داخله مع انو ما في سبب يجيبها المطبخ عاينت لينا وطلعت بعديها شاكلت وائل قلت ليهو كده كويس قال لي يا بت ما تنسي انا راجلك بنتكلم كده نسمع صوت عمتو لـ وائل شغاله تكورك بأعلي صوتها جرينا عليهم انا و وائل ....
#يتبــــع ⏪⏪⏪⏪
