بعد اسبوع بابا وصل السودان قال لي يا شجن عملتي شنو في موضوع العريس قلت ليهو بابا الموضوع ده منتهي قال لي بكره الجمعه جايينا مع ابوهو زياره اول شوفي وبعدين احكمي عليهو وانا متأكد ح توافقي قلت ليهو الموضوع محسوم ما موافقه بقلبي قلت كيف اوافق اتزوج واحد وقلبي خلاااص اتعلق بواحد تاني حتي لو ما كان من نصيبي بس القلب وما يهوي قال لي اوعدك تشوفي وترفضي انا انسي الفكره قلت ليهو اتفقنا بس بعدها ما تحاول تقنعني بيهو قال لي تماااام قلت ليهو انت بتعرفو من وين عشان تثق فيهو كده قال لي ولد صديقي العزيز علي قلبي قلت ليهو اوك ضربت لـ سلمي تجيني بكره عشان سمر بت خالي مسافره و وافقت تجيني قلت لـ سامر تديني شنو واخليك بكره تشوف سلمي قال لي اطلبي وينفذ قلت ليهو تعال طير مني العريس ده نمثل جنبو بنحب بعض قال لي شغل الافلام ده خلي وبعدين انتي تطيري العريس كان سلمي صدقت وطارت مني اقبل وين قلت ليهو امشي يا رمه تبدل بنت عمتك بـ سلمي قال لي وابدل اختي زاتها 😅 وبعدين والله العريس لقطه مالك رافضاهو قلت ليهو انت بتعرفو قال لي حق المعرفه قلت ليهو يلا سلمي تسمك وطلعت منو
اصبحنا اليوم التاني جاتني سلمي وقاعدين نتونس وسامر يدخل ويطلع في الدقيقه 100 مره عشان يعاين ليها المغرب ماما قالت لي بعد ده بيصلو في اي لحظه حضري حالك قلت ليها حاااضر فتحت الدولاب طلعت عبايه سودا وطرحه سودا سلمي قالت لي ده شنو قلت ليها دي الـ ح البسها قالت لي ما جاده قلت ليها وربي سمعتهم وصلو لفيت شعري كعكه ولبست الطرحه والعبايه ماما جات داخله قالت لي شجن ده شنو ماشه عزا انتي قلت ليها ح اطلع كده لو عايزني اشوفو قالت لي في عروس جاين يشوفوها بتطلع كده كحل ما عامله قلت ليها مش ح يعيش معاااي في شكلي الطبيعي خلي يشوفو من هسه عشااان ما يتفاجأ قلت ليها والعصير خلي بعملو ليهم انا قالت لي هو جاهز بس شيلي قدمي قلت ليها تمااام وانا اصلا راسمه الخطه في راسي دخلت المطبخ شلت كبايه طعمتها بمعلقه كبيره ملح طعمها بقي عامل زي الجلكوز وختيتها مطرفه قلت الملح ما جاب نتيجه مع رانيا بس بجيب نتيجه مع عريس الغفله وكان نفسي ألخبط معاهو شطه بس العصير منقه والشطه حمرا بتكون ظاهره اكتفيت بالملح شلت الصينيه سماح جاتني جاريه قالت لي والله شفت مديرك قاعد جوه قلت ليها ياتو مدير قالت لي عندك كم مدير قلت ليها يا حليلك حتي انتي بقيتي تهضربي بيهو زيي وطلعنا دخلت الصالون وانا شغاله اعاين للكبايه عشان ما انسي موقعها سمعت صوت راجل قال اهلييين بعروسنا القمر قبل ارفع راسي قلت ليهو بتحلم اكون عروسكم بس خلي ولدك يشرب العصير اول ورفعت راسي عيني وقعت في وائل وهو مبتسم وربي شويه كده والصينيه تقع مني من الخلعه وااااي يا شجن وبالنسبه للكبايه بسرعه قررت اضحي بـ سامر واديها ليهو اول ما قدمتها ليهو سامر قال لي شكرا ادي الضيوف اول وبعديهو طوااالي كان قاعد وائل شال الكبايه ماما أشرت لي علي الكرسي قعدت وبقيت اراقب في وائل بقعر عيني همي بقي في العصير المالح وااااي لا وائل شال الكبايه يشرب شرب جغمه وختاها مسكين بقي كل فتره يشيل جغمه يغمض عيونو ويبلعها حنيت عليهو والله بعديها ابوهو فتح الكلام وقال طبعا يا شجن يا بنتي انتي و وائل اشتغلتو في الشركه سوا واي واحد فيكم عرف طباااع الاخر و وائل والله عجبتيهو وجايي الليله طالب يدك ولم كلمني قلت ليهو خير ما اخترت اها انتي رايك شنو وطبعا انا شغاله اتكلم بقلبي قلت اكييييد عايز ينتقم مني بالعرس هو كده معزبني وهو اصلا عاجباهو رانيا لييه اتقدم لي لو ما عايز ينتقم مني قال لي اها يا بنتي رايك شنو نديك وقت تفكري فيهو علي راحتك نط وائل قال لـ بابا عمي صلاح ممكن تسمح لـ شجن تمشي معاي مشوار صغير حابب اتكلم معاها كلمتين برانا قبل ما تقول رايها واوعدك ما نتأخر قال ليهو ماعندي مانع زولكم طوااالي ما صدق قام وانا طبعا الصدمات بقت تتوالي علي ورا بعض وسامر شغااال يغمز لي قلت ليهو برااحه حيوان براااي ما ناقصه توتر ما تنسي توصل سلمي وطلعنا انا و وائل وفتح لي باب العربيه وشغال يتبسم وانا قلبي اشتغل دلوكه سامعه صوت دقاتو في اضاني ركب ودور العربيه وطول الطريق نحن ساكتين وصلنا شارع النيل وبركن العربيه قال لي من دون مقدمان عشااان الزمن اديني سبب رفضك وانا ساكته قال لي شجن جبتك عشان تردي مش تسكتي وبعدين مافي زمن عشان ما نتأخر علي ناس البيت وانا ساكته وبقول بقلبي اكيد داير يعرسني عشان ينتقم مني عشان عملت الملح لـ رانيا عايز يعرسني ويعزبني حتي يطلقني يعني يعمل فيني زي ما عمل لي مجتبي قال لي ساكته كده ممكن اعتبر السكوت علامه الرضا قلت ليهو لااا طبعا قال لي طيب اديني الاسباب قلت ليهو انت هسه عرفتني رافضه كيف قال لي من العامله في روحك ده قلت ليهو طيب انت عايز تتزوجني ليه قال لي الناس بتتزوج لييه مش نتيجه الحب بس والله نفس القصه صاح ما عرفت روحي اتعلقت بيك متين بس حاليا كل المتأكد منو انك ملكتي قلبي وبعدين الحب بجي كده بدون مقدمات واسباب بس الكرهه بنتج من اسباب عشان كده سألتك من سبب رفضك ولو قلتي ما بتحبيني بقول ليك كضااابه لانو لو ما اتأكدته من مشاعرك ناحيتي ما اتقدمت ليك وعشان اثبت ليك عايني في عيوني وقولي لي ما بحبك استجمعت قوتي وعاينت في عيونو غلبني دنقرت راسي كان متكل في الكرسي ويعاين لي ومبتسم بقلبي قلت واااي يااااخ والله بحبك وربي بحبك قال لي شوفتي غلبك طيب وريني السبب قلت ليهو الضمني شنو انك بتحبني قال لي طيب ح اتزوجك لييه قلت ليهو احتمال عايز تنتقم مني قال لي كيف يعني انتقم منك وانتي عملتي شنو عشان انتقم منك قلت ليهو عشان ملف الصفقه قعد يضحك قال ليك نصيحه مني ليك خففي تحضري هندي كتييير يعني متوقعه اني اضيع حياتي كااامله عشااان انتقام من حاجه ما تسوي وبعدين الصفقه وتمت وبعدين بالمناسبه لموضوع الملف والحادث الـ كنتي ح تستقيلي بسببو الاتنين ديل كانو بفعل فاعل وعرفت العملت كده منو بس ما تسأليني دي منو ولأ عملتو كيف طبعا انا بقيت مخلوووعه واصل كلامو المهم طلعتي بريئه يعني ما في سبب يخليني انتقم منك الا العصير القدمتي لي ده قعدته اضحك قال لي تسلم لي الضحكه ان شاء الله ما تفارقك خشيمك خجلني الحيوان 🙈 قلت ليهو طيب بالنسبه لـ رانيا انت بتحب رانيا صح طيب لي عايز تعرسني انا قال لي بما انو وصلنا لـ موضوع رانيا ممكن اتعتبر دي بداية موافقه طيب لو حكيت ليك انا ما ح تصديقيني انتظري اسمعي منها طلع تلفونو واتصل وفتح الاسبيكر جيت اقول ليهو ما تتصل عليها هسه قبل ما اتكلم جاب اصبعو ختاهو في شفاي نظام هسسسسس ما اتكلم وااااي في اللحظه دي قلبي دق دسكو مش دلوكه اول ما فتحت الخط قالت ليهو لحقت تشتاق لي امس مش كنت معاااك بس شكلك صدقت التمثيليه وائل عاين لي وابتسم نظام صدقتيني قال ليها أُتوكيت ماف اول الواحد بسلم قالت ليهو وائل اختصر ما فاضيه ليك قال ليها تعالي بكره الشركه عايزك قالت ليهو وائل حرااام عليك البنت جننتها قال ليها بكره اخر يوم تعالي قالت ليهو خلاااص قررت تعترف ليها بحبك وائل هنا غمز لي اي بس ما تنسي تجي يلا بعد ده اقطعي وشك وقفل الخط قال لي اها رايك شنو قلت ليهو احتمال متفقه معاااك قال لي حرااام عليك يا شيخه ده كلو اتفاق والله المسلسلات اثرت فيكم طيب عشان نختصر الكلام والله والله يا شجن انا بحبك ومشتريك والقرار تاني يرجع ليك بعد ده نرجع عشااان الزمن وانا العندي قلتو ولو قلتي موافقه الايام الجايه بينا كتيره بتثبت ليك ولو رفضتي اتأكدي تمااااما مافي شي ح يتغير ح نفضل زي ما كنا يعني نحن ما شفع عشان نضادي بعض تمااام هزيت ليهو براسي تمااام قال لي قبل ما نتحرك عندك اي سؤال عايزه تسأليهو غير النقاط الوضحتها ليك دي هزيت ليهو براسي لااا اتحركنا وانا طول الطريق بفكر في كلامو وهو كل مره يديني نظره وصلنا قال لي قبل ما تنزلي ما ناويه تبردي نار قلبي وتقولي لي قرارك ابتسمت ليهو وهزيت راسي بالموافقه قال لي موافقه هزيت ليهو راسي تاني و عايزه اموت من الخجل قال لي ربنا يقدرني واسعدك ان شاء الله ♡
وانا شغاله اتخجل
نزلنا دخلنا البيت عمو محمد ابو وائل قال اها بشرو ان شاء الله خير وائل قال ليهو والابتسامه للضرس الاخير الحمد لله خير وبقو يباركو لبعض ده شنو ده انا لسه ما اديت الموافقه النهائيه بس اصلا موافقه كنت ناويه اتعزز وكده 😅 عمو محمد قال خلاااص بعد ده كلام نسوان الجمعه الجايه بجيكم وقال لـ ماما انتو حددو اليوم بقلبي قلت هووووي يحددو شنو لسه ياااخ ما بالسرعه دي واستأذنو ماشين وائل جا ودعني وبراااحه قال لي ما معناتو بكره تتأخري في الشغل اجي ألقاك قاعده بعد طلعو بابا قال لي مش قلت ليك لو شفتيهو ح توافقي قلت ليهو انت من الاول ما قلت لي انو ده وائل لييه قال لي عشااان هو طلب مني يعملها ليك مفاجأه ماما قالت لي عريس السرور بس ان شاء الله تقدري تحافظي عليهو قلت ليهو بابا شوف مرتك دي 😅 قالت لي طيب يا شجن يعني انا بس مرتو صح يلا انا اصلا ام حمودي وحبيبي حمودي قلت ليها وربي بهظر معاك انتي الزيك منو وجريت بوستها
دخلت غرفتي وانا مبسوووطه ضربت لـ سلمي اول ما فتحت الخط قالت لي اقول مبروك قلت ليها لااا قالت لي جااااده رفضتي حيوانه والله ده عريس يترفض قلت ليها ما تزعلي خلاص قولي مبروووك قالت لي واااي يا شجن حظظظظك قلت ليها عقبالك انتي و .... ما تميت الاسم سكته قالت لي ان شااااااء الله قلت ليها هيييي عرفتي عايزه اقول انتي ومنو قالت لي بس هو زاااتو وقعدت تضحك قفلت منها دخلت الواتس قلت اتونس مع صحباتي في الامارات واديهم الشمار اول ما دخلت وانا بكتب جاتني رساله من وائل لم اتخلعت كاتب لي فيها مرتي طبعا الكلمه دي دخلت في قلبي جوووه وخلتني اوزع ابتسامات براااي زي المجنونه بس ما ظهرتها ليهو رديت ليهو هيييي لسه ما بقيت مرتك قال لي بالنسبه لي خلاص مرتي اما الماذون تمامة مراسم واااي لاااا 🙈 يا
اااخ انا بقرأ في رسايلو وما مصدقه حلم ولأ علم يا ربي رديت ليهو امممم ظريف قال لي وبعدين المدخلك الواتس نص الليل شنو لقيت روحي من غير ما اشعر ببرر ليهو والله دخلت اتونس مع صحباتي في الامارات قال لي صحباتك تتكلمي معاهم اي وقت بس الزمن ده حقي انا ما عايز زول يشاركني فيك ولا حتي بالرسايل لااا لاااا وربي شكلي ح اموت بسبب الفرحه الزايده 🙈 وبقيت ادعي يا رب يكون حقيقه وما اتصطدم ♡ قلت ليهو حاااضر تسلمي لي انتي وفضلنا ندردش لحدي الس 1 قال لي بعد ده نومي عشان تصحي بدري لاني ما داير بكره تأخير و بالمناسبه وائل حبيبك يختلف عن وائل المدير تماااما يعني الشغل شغل رسلت ليهو وش كئيب قال لي اهااا يعني كنتي ناويه تحنكيني لا ياروحي وااااي قال لي يا روحي واصل قال لي في الشغل بالنسبه لي الموظفه شجن بس خارج الشغل كل حياااتي ♡ واااي والله قلبي الصغير لا يتحمل قال لي يلا اقفلي الواتس عشان قبل اطلع عايز اشوفك اخر ظهور قلت ليهو حااضر طلعت من الواتس قلت الحيوان ده يكون عايزني اقفل وهو يحنك بـ وراي ضربت لـ سامر قال لي مالك حاصله ليكم حاجه قلت ليهو ما تتخلع فيني مافي حاجه دايراك انا قال لي يا زوله انا واحد مرتبط ما تخلطيني نص الليل قلت ليهو يخلطوك ناس المافيا قول امين وصحبتي تسمك مافي ليك قال لي خلااص خلاااص بهظر ووالله لخصي عايزه شنو قلت ليهو رقم وائل عندك قال لي اي قلت ليهو شوف لي اخر ظهور ليهو متين قال لي خلاااص بديتي شغل المحقق كونان خلاص دقيقه اشوفو وارجع ليك اتصل علي تاني قال لي متصل الان شكلو بحنك مع مزه قلت الليله ادخل ازفتها معاهو قال لي دقيقه دقيقه كضبت عليك والله اخر ظهور قبل 10 دقايق بس يا حليلك يا وائل اخترت شريكة حياتك غلط قلت ليهو حيوااان وقفلت في وشو الخط وكده نمت وانا مطمنه اصبحنا الصباح ....
#يتبــــع ⏪⏪⏪⏪
