بابا وماما وصلو المستشفي اول ما دخلو علي الغرفه وعيني وقعت فيهم دموعي جرت جو الاتنين وقفو جنب راسي وبقو يسلمو علي ماما بقت تقول لي شجن سامحيني والله ما قايله بحصل معاك كده وحبوبه بقت تبكي حاسه بتأنيب الضمير فاكره انها قصرت في حقي بابا بعد اطمن علي مشي مكتب الدكتور وماما لحقتو عشان يعرفو حالتي شنو الدكتور قال ليهم شجن حاليا داخله في صدمه بابا قال ليهو خلاص ح نطلعها من المستشفي ونرجعها معانا ابو ظبي ماما قالت ليهو كيف يعني تطلعها وهي في الحاله دي قال ليها بصوت حاد كفايه سمعت كلامك من الاول وخليتها تدرس هنا لو ما اتبعت قرارك ده ما كان حصل وكان طول الوقت بلوم فيها انها هي السبب في حالتي دي الدكتور قال ليهم يا جماعه اهدو شجن ما عندها حاجه خطيره دي مجرد صدمه وبتعدي بس المشكله ما عارفين الموقف الوصلها للوضع ده شنو قال لـ بابا لو عايز نصيحتي كـ دكتور ما تسفرها معاك بالعكس هي في اللحظه دي محتاجه انها تختلط وتتداخل مع كميه من الناس لانو لو خليتوها بحالتها دي احتمال تصل لمرحلة الاكتئاب واكيييد اهلها كلهم في السودان يعني سفرها ما حل كل ما تحس بالامان وانو كل الناس معاها بتتعافي أسرع بابا اقتنع بكلام الدكتور قال لـ بابا ح تقعد معانا اسبوع في المستشفي لو حالتها مستقره ح نطلعها ويبقي العلاج في يدكم ...
اثناء ما انا في المستشفي سامر كان بفتش لـ السبب الوصلني المرحله دي لم سأل سلمي صحبتي قالت ليهو والله اخر حاجه عارفاها كانت طالعه مع مجتبي قال ليها مجتبي منو 😠 قالت ليهو مجتبي من دفعتنا بس معروف انو ما تمااام في اللحظه دي سامر خته مجتبي في راسو وبقي يبحث وراهو لحدي ما اتعرف عليهو شخصيا انا في المستشفي تميت اسبوع وخرجوني بس حالتي الصحيه لسه الدكتور قال لناس البيت الباقي عليكم وطبعا ناس البيت ما قصرو ما فارقوني ولا لحظه بالرغم من معاملتي القاسيه معاهم وخاصه سامر كل العصر يدور العربيه ويصرو علي الا نطلع كنا بنمشي انا وسمر وسامر واحمد يا مشينا الساحه الخضراء يا شارع النيل يا كافي يا مطعم اتعشينا وجينا وحبه حبه حالتي بقت تتحسن بابا رجع الامارات عشان الشغل بس ماما استقرت معاااي في السودان قلت لـ ماما عايزه اتحول من الجامعه قالت لي تمام اول ما تفتح ح احولك ...
يوم المسا سامر قال لي عازمك اسكريم قلت ليهو وسمر قال لي برضو معانا بعد لبسته وجيت طالعه دقيت غرفة سمر قالت لي مصدعه ما بقدر امشي بقيت احنس فيها سامر ضرب لي البوري طلعت قلت ليهو سمر قالت ما ماشه لقيتو ما اتفاجأ شكلهم متفقين وصلنا محل الاسكريم نزل جاب 2 اسكريم قلت ليهو هسه عازمني عشان تقعدني في العربيه 😒 قعد يضحك قال لي والله بس عايز ادردش معاك وبعدين انتي لاقيه لم واحد يعزمك اسكريم قلت ليهو بقروشي بعز نفسي قال لي حيوانه اصلك ما شبهه العزومه 👊 قال لي شجن بما انك بقيتي كويسه احكي لي الحصل شنو طبعا دموعي جرت بقلبي قلت ليهو لييه يا سامر تزكرني بعد حاولت انسي قال لي من غير ما تبكي لو ما حكيتي نفسيا ما ح ترتاحي وانا بالجد كنت محتاجه افضفض بس سكته قال لي طيب اسألك من غير ما تفهميني غلط مجتبي عمل ليك حاجه طبعا خلعني بسؤالو 😳 قلت ليهو بتعرف مجتبي من وين قال لي عرفتو وخلاااص بس لحق لمسك قعدت ابكي قال لي لو ح تبكي خلاص نقفل علي الموضوع ده وبعتبر الاجابه وصلتني قلت الاهبل ده ما يفهم غلط قلت ليهو كان عايز يلمسني بس انا منعتو وحكيت ليهو الحصل وانا دموعي نازله عشره عشره هز راسو لـ تحت قال لي تمااام شكلو نوا نيه سوء علي مجتبي سحب منديل قال لي امسحي دموعك ودور العربيه رجعنا البيت بس بالجد بعد حكيت حسيت براااحه
تاني يوم اصر برضو انو نطلع طلعنا جا ماشي بـ مكان الحادث حق مجتبي وبقي يعاين لي وانا دموعي تاني جرت اتزكرت المنظر تاني أخد يوتيرن ورجع لنفس المكان زدت في البكا قلت ليهو سامر انت قصدك شنو قال لي لو ما واجهتي الموقف ما ح تقدري تتخلصي من الكتمه الجواك وقف العربيه في نفس المكان قال لي ابكي زي ما عايزه بس لم نمشي عايزك تخلي زاكرتك هنا بكيت لم عيوني ورمت وهو متكل في الكرسي وشغال يعاين لي قلت ليهو عليك الله رجعني وبقي كل يوم يطلعني ونجي مارين بالمكان الايام الاولي كنت بتعب نفييا لدرجة البكا بس تاني بقي لي عادي زيو وزي اي مكان في الشارع يوم مشغلين اغنيه وجايين بنفس المكان وانا متطربه مع الاغنيه قلت لـ سامر من عوارتي بدل اصمتو كف قعدته في الحته دي ابكي وقعدته اضحك سامر حك فرمله لم ضربته راسي بالعربيه قلت ليهو اقتلني عليك الله قال لي قصدك مجتبي قلت ليهو ياهو الزفت زاااتو قال لي ما ملاحظه انك بتتكلمي من غير دموع وبقلب قوي يعني خلاااص الهاجس بتاع الحادث انتهي قلت ليهو كنت هبله بس .. قال لي يعني لو الزمن رجع بيك ح تصمتيهو كف قلت ليهو لم اضانو تصن اااااخ بس لو الزمن يرجع قال لي مالو نحن ح نرجعو قلت ليهو كيف يعني قال لي كيف دي خليها علي قلت ليهو سامر ما عاي
زين تهور قال لي مالك ما بتحبي المغامررات قلت ليهو يلا مالو نغامر ..... وكل الفتره الفاتت سامر كان ببحث وراء مجتبي وبراقبو .. يوم الصباح سامر جا قال لي شجن الليله يوم المغامره مستعده قلت ليهو مستعده بس اول اعرف هي شنو قال لي مفاجأه بس العصر خليك جاهزه ح نطلع قلت ليهو اوك بس دقيقه سمر ح تمشي معانا قال لي لا سمر ما بتحب المغامرات قلت ليهو تمااام العصر سامر دق لي باب الغرفه قال لي منتظرك في العربيه نزلت وانا متشوقه ركبت العربيه واتحركنا .....
#يتبــــع ⏪⏪⏪⏪
