الجزء الرابع
#الرحلة_الاخيرة
#زوي
ليوم كان اخر نهار ليا في هاد المدينة .... وجدت بليزة ديال الحويج لي غادي نحتاج بوحدها و صاك فيه الوراق ديالي و تيليفون ... خرجت درن صواب مع الجيران و سلمت عليهم ... لقيت طاكسي لي كنت عيطت ليه قبل كيتسناني ركبت و قلت ليه الوجهة ديالي.
" بابا، ماما ... توحشتكم بزااااف و لكن قريب ان شاء الله انتلاقاو .. فاش كنفكر في هادشي ا ماما ماكيبقاش فيا الحال بالعكس كنكون فرحانة حيتاش انتجمعو تاني... اصلا من بعدكم بقيت غير نتنفس و صافي اما انا مت معاكم و مت عاوتاني فاش مشى خويا و خلاني و مت مرة ثالثة فاش ماتت خالتي و خلاتي بوحدي .... ولفت دابا و الا كانت هادي هي العيشة فانا ماكنتش عايشة بلا بيكم و الا كانت الموت جايا فمرحبا بيها و انا قابلة نموت المرة الرابعة الا كنت انتلاقى معاكم هاد المرة.
بابا باقي تعقل فاش قلت ليك امنيتي ندير جولة حول العالم و كنت دينا كضحك و كاتقول ليا انا ندير بنتي جولة حول القمر ماشي غير حول العالم.. مشيتي ا بابا و خليتي ليا غير حلمي بوحدو لي معايا ... و لكن انا ليوم انحقق هاد الحلم ا بابا و خاتكون اخر حاجة انديرها"
ماحسيتش بدموع لي كانو دايرين طريق في وجهي، ودعت قبر ماما و بابا على امل نتلاقاو قريب و مشيت زرت حتى قبر خالتي و من بعد خرجت لعند طاكسي لي كان كيتسناني لوجهتي الثانية.
"القطار القادم من الدار البيضاء و المتوجه الى طنجة يدخل المحطة بعد قليل "
على هاد النداء نضت من بلاصتي و توجه لسكة باش نركب اخر مرة في تران د هاد البلاد .... خمسة ساعات كنت وصلت لطنجة من ديما كنت كنبغي نجي ليها و لكن عمرني زعمت، انا بلادي و عمرني درت ليها جولة حيتاش كنت كنخاف و فاش تشجعت طرت نيشان برا البلاد.... خرجت من المحطة و شديت اول طاكسي بان ليا و نيشان لمرسى السفن و البواخر، وصلت مع الصوت اذان العشا و كان باقي ليا تقريبا ثلاثة سوايع و نص باش ينطالق الباطو كلست في واحد القهوة تما كليت و بداني صداع و لكن مابغيتش نشرب الكينة دابا حتى الا تزاد عليا الخال من بعد، صبرت و حاولت نسى ... ركبنا و مشيت نعس نرتاح على مانوصلو.
بزز باش قدرت نفيق و ساعتين تقريبا ماكانتش كافية ليا باش نرتاح، صداع ديال الناس و هوما نازلين و غوات دراري صغار، صداع ديال الباطو و صفارة ديالو، حاولت نزرب باش ندوز دغيا و نتهنى من هاد الصداع لي ضرني في راسي و بديت نخش بالخنقة.
من بعد معاناة و كملت كاع الإجراءات بانو ليا ناس لي كيتلقاو ليهم عائلتهم و صحابهم و كيركبو و يميشو و كاين لي بطوموبيلاتهم، فجأة بقيت بوحدي لي تما تحركت جيهة ديال باركينغ باش نشوف شي طاكسي في هاد ليل حتى مابقيت حاسة بوالو و ظلامت دنيا بيا.
~~~~~~~~~
"يالاه ا صاحبي بسلامة"
"ماكرهتش نكمل معاك الرحلة و لكن نتا عارف بلي هي محتاجاني"
"عارف لي كاين ا صاحبي، غير سير و نكمل الرحلة بوحدي ماشي مشكل"
تعانقت معاه و مشى ركب الباطو، كان ناوي باش يكمل معايا الرحلة لي متافقين عليها قبل و لكن مرتو قربات تولد فاضطر يرجع لعندها، كملت طريقي حتى كتبان ليا بنت باينة فيها تالفة حاضية ناس غاديين و هي ماتحركات ما والو، فاش بانت هي جرات باليزتها و تحركات مشيت حتى انا غادي لجيهة طوموبيل في باركينغ حتى كنسمع صوت الخبيط مع الارض ضرت نشوف لقيتها نفس البنت لي كانت بوحدها و باينة فيها تالفة.
أنت تقرأ
الرحلة الاخيرة | مكتملة
Adventureقصة قصيرة تحكي على علياء لي ساكنة لوحدها و لقات راسها مريضة، قررات تخلي كلشي وراها و تحقق حلمها في سفر حول العالم ... اتلاقى مع ابراهام لي غادي يعاونها و يشجعك و يبدل فيها بزاف الحويج و حتى هي نفس الشيء
