الرحلة الاخيرة | مكتملة

8

الجزء الثامن
#الرحلة_الاخيرة
#زوي

من بعد الفطور ماعرفتش كيفاش طرا و لا كيفاش قنعني و خلاني نكون دابا معاك و زقاق هاد المدينة الهائلة، كنا خرجنا من الفندق و فضل اننا نتمشاو غير على رجلينا بين هاد الشوارع، حتى لقيت راسي بديت رحلتي مع شخص ماعرفت واش نقول عليه متطفل و لا مساعد و نبيل و لا وسيم، و لا نقول عليهم كاملين لانه فعلا تطفل على رحلتي و لكن عاونني و بين بلي هو جانتلمان و طبعا راه وسيم مع الابتسامة الفتاكة، رغم ذلك عندي تخوف كنت عوالة على الرحلة بوحدي و هذا دارت ليا العصى في رويضة و لكن هانية ليوم نسلت عليه و نكمل رحلتي بوحدي.

رجعنا الاوطيل بعدنا شبعنا ضوران و ناخلينا حتى بلاصة و جربت الاكل المعروف عندهم هنا، حريق راس و دوخة شدني بعد المرات و لكن قويت راسي مابغيتش نخلي المرض يقضي عليا من نهار اللول و الحمد لله قدرت ندوز نهار بدون كينة لي واخا كيحد من الالم الا انني مابغيتش نشربها غير في الحالات الصعبة باش مانوصلش نيڤو لي نقلب على مسكن قوى منو، كنت قررت باش نرجع نجمع حويجي و نمشي ساعة هيهات، معامن انا طاح في طريقي كولة سبيسيال، و شدني شدة العمى في الظلمة من مور ما عرف بلي غادي نمشي ليوم.
ابراهام:" فين غادي تمشي و الغرفة محجوزة يومين"
ماعقلتش على راسي بلي انا قلت ليك يزيد ليا ليلة اخرى و لكن كيفاش حتى زادها
علياء:" و لكن انا بغيت نمشي ليوم انبدل غير الاوطيل و غذا عاد انمشي"

و كالعادة صدمتي بتصرفاتو خلاني في البهو كنهضر بوحدي و تحرك كلس في واحد الفوطوي كان في البهو نيت و بقى مقابل معايا و مانطق  بحتى كلمة، شديت العكس حتى انا و ماقلت والو و تحديتو بعيني، ساعة هو كيضرب غير من التحت خدم سلاحو الفتاك لدرجة بديت نشك انه عرف بلي ابتسامتو كتأثر فيا، ضرب على البلاصة لي حداه بمعنى اجي حدايا، و انا كيف البهلة تابعاه، زعما مافهمتش اش كيطرا ليا معاه، واش هو مقنع لهاد الدرجة و لا انا لي كيف الدمدومة غير حالة فمي و تابعاه.
من بعد ناكلست حداه، تقابل معايا و نطق
ابراهام:" دايا خاصني نكمل معاك الهضرة لي وقفنا فيها صباح"
من كثرة ماكيفاجأني بتغيير السؤال كنحس براسي كيف الحمارة عارفاه كيلعب بيا و مع ذلك شادة معاه الطريق
علياء:" اينا هضرة تاني؟"

ابراهام:" اشنو جابني انا هنا، حتى انا في رحلة غير انا الوجهة ديال هي واحد البلاصة في إيطاليا و كان معايا صاحبي كيف قلت ليك قبل و هو لي كان باغي يدوز لاسبانيا هي لولة و فاش اضطر انه يرجع بسباب مرتو لي جاتها الولادة مبكرة، فبقيت انا بوحدي و خاصني معامن نوتنس ، و مالقاش حسن منك و من قصك لي نبغي نسمعها بكل تشويق و حماس، اشجع امرأة شفت في حياتي."
بقيت مبهورة من نهضرو، ماكنجي فين نفهم جملة حتى كيزيدني جملة اخرى  و لكن باقي نفس السؤال مطروح
علياء:" و اشنو دوري انا من هادشي كامل"
تبسم للمرة الالف ليوم، كيبان ليا وقيلةكديرها بلعاني غير باش يستفزني،
ابراهام:" دورك هو تكوني المرافقة تاعي و لا نكون انا الرافق تاعك لي بغيتي"