...... استحيت من دخلت ام حيدر عليه للغرفه وشافتني نايمه على سريره هي تفاجئت بيه بسرعه كمت الحمدلله بعدني لابسه روب كالت .... صباح الخير رحت لغرفتج مالكيتج عبالي طالعه
وجد... جاوبتها واني مستحيه لا مطالعه جنت هنا وبسرعه طلعت من الغرفته
....... البيت جان جبير وناس هواي واكفه بشارع السايق ماقبل انزل الا دخل السياره نزلت واني اتلفت منا ومنا ماعرف وين اروح اجاني عقيل كلي ... تفضلي منا دخلني وجانت واكفه بنيه يم الباب كلها مرت حجينا دليها البيت شفت ابتسامتها وظليت تباع عليه وكانما ممصدكه اخذتني ودخلتني لصاله كلش جبير وبيها هواي نسوان ناس تبجي ناس ساكته ناس تسولف دخلتني وصلتني يم بنات اثنين نزلت عليهن شاورتهن هنا بسرعه رفعن راسهن عليه وكامن وكفن اخذني بالاحضان اني جنت ماعرفهن بس اخذت من خاطرهم همست باذني من دتبوسني اني نوال حماتج وهاي نور هم حماتج اخذت من خاطرهم وكعدوني يمهم ظلت نسوان داخله طالعه اني تعبت من الكعده ونوال ونور خطيه كلسع يبجون على امهم جانت ساعه ب12 ظهر نصبوا الغده وناس مصدكت الكل كعد ياكل نوال ظلت تلح حتى اكل بس اني كتلها ماشتهي استحيت اكل ظلت كاعده يمي سولف على امها شون جانت تعبانه اخر فتره بتسعه بالليل واني على كعده وحده تعبت كلش وماعرف احد غير نور ونوال المتركوني اجتي بنيه صغير شاورت نوال بعدها نوال كلتلي ... تعالي بالغرفه رتاحي تعبتي من الصبح كاعده اني ماصدكت بسرعه كمت وياها بس اريد امدد ظهري صار يوجعني من الكعده دخلتني بغرفه كالت ... ارتاحي واني حخلي البنات يجيبن العشه الج عافتني وطلعت جانت الغرفه جبيره واثاثها حلو مرتبه نزعت العبايه والشال وذبيتهن بسرعه رحت للفراش مددت راحه مو طبيعيه ظليت تقريبا نص ساعه مدده ذكرت ممخابره امي بسرعه كمت طلعت تليفون دكيت عليها حجيت وياها وسديته فجأه نفتحت الباب ودخل عليه اني ظليت واكفه اباوع عليه النصدم بوجودي شجعت وتقدمت عليه كتله ... بقيه بحياتك ان شاءالله اخر الاحزان ظل يباع عليه جان وجهه تعبان كلش وعيونه ذبلانه ......... نزلت من فوك واني افكر شون حفاتجه بموضوع رزان صديقتي وصلت اخر درجه كلت يله لخاطر رزان رحت عليه شفته كاعد يدخن وبيده الموبايل رفع راسه شافني ورد نزله عالموبايل
كتله ... ميخالف احجي وياك شويه
رفع راسه وبسرعه ترك موبايله وكلي احجي صاير شي
...كعدت مقابيله كتله لا بس اريد اطلب منك طلب
....كولي
... رزان صديقتي الي اجتي ذاك اليوم يمي وشفتها انت
... اي شبيها ... ابوها مريض ومحتاج يسافر بره يتعالج ... اي نسفره تريدين ... لا اني عرضت عليها هالعرض ماقبلت ... شنو الي اكدراساعدها بي ... اخوها ماشي بمعامله حتى يسفرون ابوهم على حساب الدوله يتعالج خاصه هو جان مدرب بفريق .... .... اي وين المشكله ... المعامله مدتمشي ومحتاجلها دفعه وهمه ماعدهم معارف ابد اذا عدك احد عرف يسويها الهم بسرعه لان ابوهم كلش تعبان
ماعرف ليش دايما احجي بصيغه التأنيث مشكله اعاني منها منو مثلي حتى من اراسل اخوتي او زوجي لازم اكله اكلج لو وينج 😁 تعلموا عليه صاروا ميحجون 😂😂😂
مشهد من قصتي الجديده ( لا تتركني )👆🏻👆🏻👆🏻👆🏻 القصه نااااار ومشوقه وكلش حابتها طبعا الغلاف من تصميم NOOR524 😊 الكل يضيفها حتى من يبدا النشر يوصلكم الاشعار احبكم 🥰
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
