آثار الحب

❤الفصل الثامن❤

    القدر والنصيب شئ لازم نؤمن بيه فى حياتنا لأنه بجد بيغير حياتك اوقات ل١٨٠ درجه يخليك تعمل حاجه مكنتش متصور انك تعملها أو يخليك تتفادى من حاجه ربنا مكنش عايز يحطك فيها أوقات القدر بيكون فى صالحك والعكس طبعا بيكون ضدك لما بيكون فى صالحك بتبقى انت فرحان والحمد لله كل شئ تمام لما بيكون ضدك بتيأس وتزعل بس احب اعرفك حاجه وطبعا كلنا عارفنها اذا احب الله عبدا ابتلاه الجمله ديه هى الى ديما بتصبرنى انا شخصيا على المشاكل الى احنا بنواجها . ❤❤
************************************
نرجع تانى لروايتنا بقى طولت عليكم شويه .
دانه ...... علشان ترتاح منى وكانت تبكى بصوت عالى كالاطفال فنظر لها اسر فظهرت على وجه ابتسامه خدودها الحمراء وانفها فكانت بالنسبه له طفله فهو احس بأنها أصبحت مسئوله منه .
نظر لها اسر...... خلاص بقا
ردت دانه بتذمر طفولى ....... ملكش دعوه.
رد اسر وهو على وشك الضحك ........يابت متخلينيش اتغابى عليكى وبعدين انا اكبر من يا... طفله فهو قال لها بسخريه .
نظرت له دانه نظرات غاضبه ثم قالت ...... انا مش طفله .
اسر وهو يحاول بشتى الطرق يضايقها ...... لأ طفله بصى على لبسك يا بنتى كله زى الاطفال .
أنه أنكر هذا الحديث فى نفسه فهو يحب طريقة لبسها جدا فهى كما قلت فى بداية الروايه فاشونيستا..
نظرت له بغضب ولم ترد وبعد مرور الوقت وصل اسر إلى منزله فتح الباب ثم أخذها من يدها ودخل الڤله ما أن رأته امه قالت ...... تعالى يا حبيبتى ترك يدها لكى تذهب الى امه
سلمت على والدته فقال اسر .....  انا رايح الشغل ووجه كلامه لدانه .... اياكى تتنقلى قبل اما اجى فاهمه .
لم ترد عليه فستفزته الحركه فنظر لها بغضب وغادر
ناديه ..... ايه يا بنتى مروحتيش الجامعه ولا ايه .
توترت دانه ...... لأبقى منا قولت اجى لحضرتك النهارده .
ناديه ..... المهم انتى عامله
دانه .......   الحمد لله يا طنط
ناديه بلوم ...... طنط ايه بقى انا مش زى ماما .
ردت دانه بسرعه وبتبرير ........ لأ طبعا زى ماما بس قولت يعنى حضرتك متكونيش حابه كده
ردت ناديه بحنيه ...... وانا اطول مرات ابنى تقولى ماما .
ابتسمت دانه لها ثم أكملت ناديه حديثها .... كنت عايزاكى كده فى موضوع .
دانه ......... اتفضلى يا ماما .
ابتسمت الام ثم قالت..... انتى حالا بقيتى مرات اسر انا عارفه انو هو شديد معاكى بس هو مع الكل كده بس هو مبقاش كده من الباب للطاق مش انا الى ربيته جده الى رباه جده كان عباره عن كتله قسوه خلاه بقى ذى الحجر كان دايما يقوله متضحكش الضحك للستات بس .
فقالت دانه وهى مستغربه .. .... طب وحضرتك ليه معترضيش او انتى الى ربيتيه .
ردت ناديه بحزن ......... ياريت كان فى ايدى حاجه اعملها وكنت عملتها اول ما جدوه عرف انى حامل قال لأمجد هاتها وتعالى كنت اول واحده احمل أو لان ملهوش ولاد تانين غير امجد يعنى كان هو الوريث الوحيد فبعد مولدته وبقى عنده ٥ سنين خدو منى هو الى بقى يعلمه كل حاجه حتى هو الى دخله كلية الشرطه والله ما عرف كان اسر نفسه يطلع ايه .
دانه بحزن على حياة اسر ولكن لم يمنع انها متعصبه منه ......  بس هو بيحب شغله ده حتى اتجوزنى علشان شغله ميضعش 
الام......... لأنه خلاص اطبع بالشغل ده واتربى على ده نسى الضحكه لكن معاكى يا دانه انا شوفته واحد تانى بيضحك حتى لو ضحكه صغيره بيناكش فيكى بقيتى صدقينى مهمه فى حياته وانا اوعدك انو هو عمره ماهيتخلا عنك تعرفى يا دانه انا اول ماشوفتك قولت ديه الى هتبقى مرات ابنى بجد هتخاف عليه وتصونه 
كانت دانه تستمع للكلام وهى تقول فى نفسها بالفعل ا تكون بالنسبه لأسر شئ لكنها عزمت على تغيره .
دانه...... بس يا ماما اسر عمره ما هيحبنى لأنه خدنى بالغصب ديه فى حد ذاتها سبب انو ميتقبلنيش فى حياته .
ناديه ....... انتى الى هتغيريه يا دانه عيزاكى تجننيه تخليه يعمل حجات مكنش شفها قبل كده خليه يضحك من قلبه انا معتمده عليكى انتى .
اخذت تفكر دانه فى كلامها ثم قالت لنفسها.. .... ماشى يا اسر انا لازم اغيرك حتى لو مش هتحبنى .
ثم قالت ....... تمام يا ماما وانا موافقه .
الام ..... ماشى يا بنتى على بركه الله.
جاءت نور ثم دخلت على امها ودانه ..... خياااانه
نظروا لها فقالت دانه ........ يخربيتك خضيتينى
نور ..... بقى كده انتى اعده هنا واحنا مطحونين فى الجامعه.
اخرجت دانه لسانها لها .
ناديه ......... طيب يالا علشان تتغدوا وبعد كده عاندوا بعض .
دانه ..... ... لا ياماما لازم اروح علشان مقولتش لماما .
ناديه ...... هقولها انا بس مش هتمشى الا اما تتغدى وبعدين اسر لسه مجاش علشان هو الى هيوصلك. 
دانه بإستسلام .. .....  ماشى
ناديه .. ..... يالا تعالوا ورايا على المطبخ
نور بمشاكسه ...... بتعرفى تتطبخى ولا هتكسفينا .
دانه بمرح ..... انا طباخه يا بنتى 
نور بتحدى ..... متورينا حاجه كده .
ضحكت ناديه وقالت ....  طيب انا خلصت الغدا اعملوا الى انتوا عايزينه لغاية ما اسر يجى .
البنات ....... ماشى .
ثم قالت دانه ..... اوك هعمل كيك بالشوكولاته.
نور .....  واواوووووو انا بحب الشوكولاته اوى بس انتى هتعمليها بلبسك ده
دانه ....... اه عادى
قالت نور ....  لا تعالى ورايا اخذتها نور الى غرفة وجابت لها بيجامه عليها رسومات كرتونيه وقالت لها ..... اتفضلى يا ستى البسى ديه واقلعى الطرحه ديه
دانه بخجل ....  لا افردى اسر أو ادم جم .
نور .... ادم مش هيجى حالا وبعدين اسر جوزك
دانه بإستسلام ..... ماشى يا ستى خلعت دانه الطرحه وعقصت شعرها على شكل كحكه ينسدل منها شعرها فكانت جميله بحق.
دخلوا المطبخ وبدأوا بعمل الكيك .
فى هذا الوقت جاء اسر من العمل لم يجد احد فى المنزل لكنه توقف عندما سمع صوت من المطبخ فاتجه ناحية المطبخ فى نفس الوقت كانت دانه ونور يغنوا ..... والى عنده ضحكه زى ديا والى لون عيونه مش عاديه يجى هنا جنبى يجى ليا احكيله الى شوفته انا بعنيا اموت اموت فى الضحكه ديه اموت اموت فى النظره ديه الله الله عينى ..... كانوا يضحكون فكانت دانه تمسك الملعقه بها شوكولاته وتدوقها لنور ثم تذوقتها فقالت بإعجاب...... واواوووووو الله عليا بقى دخل اسر المطبخ فكانت تغنى مع نور وترجع للخلف فصطدمت بصدره شهقت دانه وتلجلجت فى الكلام ...... ا... سفه .
ضحك اسر على منظرها الطفولى فكانت خدودها حمراء وملابسها الطفوليه وشعرها الذى يراه لاول مره .
انسحبت نور من المطبخ رأتها دانه فأخذت تستحلفلها فى سرها .... ماشى يا نور والله لوريكى.
قال لها اسر ..... انتى هبله يا بنتى انتى بتكلمى نفسك .
ردت عليه وقالتله بطفوله ...  ملكش .
اخذ ينظر لها فكانت قريبه منه للغايه اخذ يقترب منها وهى ترجع للخلف فقالت بخوف وتحشرج بان فى صوتها ...... فيه .... ايه .
اسر...... انتى بطله بقى ومبتخافيش .
فقالت بخوف .... مين الى قالك كده .
اخذ يضحك على جملتها استغربت دانه فلأول مره تراه يضحك هكذا ففرحت ولم تعلم لماذا فرحت عندما رأت ضحكته أتكون أحبته كان يضحك اخذت ملعقة شوكولاته ووضعتها فى فمه.
ثم قالت له .... ايه رأيك .
أراد  اسر أن يعصبها لا يدري. لماذا يحب عصبيتها .....مش بطاله حتى دوقى ووضع المغلقه فى فمها .
فقالت بإستغراب ..... جميله على فكره ... نظر إليها فوجد شفتاها عليها شوكلاته مد يده فنظرت له بإستغراب ثم اكمل اخذ يزيل الشوكلاته عن فمها يا الله على شفتاها كان يريد أن يقبلها اخذ يقترب منها فهى كانت فى الحيطه لا يوجد مساحه وهو محاصرها مكنتش عارفه تروح فين فرأى خوفها فوعى لنفسه وابتعد عنها.
فقال بتوتر ...... اطلعى غيرى البس ده والبسى الطرحه علشان ادم زمانه جاى وخرج من المطبخ بسرعه .
وقفت دانه لم تقدر على التحرك فتكاد حصونها تنهار من الوضع قلبها يدق يدق بسرعه كبيره ما هذا يالله
بعد مده ليست بطويله خرجت دانه ارتدت ثيابها وحجابها وخرجت فكانوا يجلسوا ينتظروها وكان ادم جاء من الشركه
ناديه ..... يالا علشان تتغدوا
جلسوا على طاولة الطعام فكانت دانه خجله بسبب ما حدث بينهم اما عن اسر فكان يختلس لها النظرات من حين لآخر .
ناديه ..... مبتكليش ليه يا دانه .
دانه .... انا باكل اهوه .
ناديه .... قولها يا اسر تاكل .
اسر ببرود ...... وهى صغيره متاكل بنفسها .
احرجت الام من حديث ابنها لكن ماذا تقول .
احب ادم تلطيف الجو ....ايه يا دانه اتعلمى من الى اعده جمبك بسم الله ماشاء الله هتاكلنا واحنا اعدين .
نور بتذمر .... انت مالك يا رخم .
ضحكت دانه على حديث ادم نظر لها اسر بغضب لا لماذا لا يريد أحد غيره يتحدث معها لا يردها تتضحك أمام احد غيره .
فأردف بحده .... يالا علشان اروحك .
نظرت له دانه بإستغراب على تحوله الغريب فسلمت على والدته ونور وخرجت معه .

يارب الفصل يعجبكم
بقلمى /شهد خالد ✍✍