Tamed by Noah

1: Melanie's Relationships

Third year high school palang noon si Melanie nang una syang nagkaboyfriend. Because she is taken care by the nuns and priests in the convent, ang una nyang relasyon ay nanatiling patago. Ang tanging nakakaalam na sya ay may boyfriend ay si Avah na kaniyang natatangi at tunay na kaibigan. Nagkikita sila ng boyfriend nya ng patago, at naguusap din ng patago dahil ayaw nya naman na madismaya sa kanya ang mga madre na tinuring na niyang mga tunay na magulang.

She was just 16 that time. Immature and innocent. Kaya naman nang maghiwalay sila ng boyfriend nya ay iniyakan nya ito ng sobra. The nuns in the convent keep on asking why she is suddenly bursting into tears. Ang dadahilanin niya lamang ay nanakit ang kaniyang ulo, napuhing o di kaya naman ay naiisip nya ang kaniyang tunay na magulang na nag-abandona sa kaniya.

But the truth behind those tears was the pain of her first ever boyfriend.

"Bata pa naman tayo, Mel. Magfocus na lang muna tayo sa pag-aaral natin. At saka ni ayaw mo nga na dalhin kita sa bahay para makilala ka nina mama at papa e. mas mabuti na siguro na maghiwalay na lang tayo," Ani Paul na 17 taong gulang nang panahon na iyon.

Iyon ang dinahilan ng binata. But the next day, nakasalubong nya na lamang ito na may kaakbay na ibang dalaga. Iyon ang ikinasama ng loob ni Melanie. Na nagsinungaling ito para lang makipaghiwalay sa kaniya. Lalandi lang pala si Paul sa iba kung anu-ano pa ang sinabi. Hindi na lang nya direktang sinabi na may iba na sya. That way, siguro hindi masyado masasaktan si Melanie. Siguro magiging 50% pain and 50% hatred ang nararamdaman nya. Eh ang kaso hindi e. As in 100% pure pain ang dulot ng pagsisinungaling ni Paul sa kaniya.

Her next relationship was with Greg. Una nya itong nakilala noong nag-aaral sya ng kolehiyo. 22 years old na siya noon at fourth year college as Bachelor of Science in Hotel and Restaurant Management. Greg is a fine young man. Mabait at a complete package type. Gentlemen and patient. Sobrang minahal ni Melanie si Greg sa loob ng tatlong taon nilang pagsasama bilang magkatipan.

Sa loob ng tatlong taon ay hindi sila naghiwalay. Yung sasabihing maghihiwalay at magbabalikan din naman? Hindi. Never nilang ginawa iyon. Kung may problema sila ay aayusin nila iyon. Kung hindi man agaran ay hindi naman sila nagdedesisyon na makipag split. That is how they love each other.

Hanggang sa isang gabi, tuwang tuwa si Melanie habang naghihintay kay Greg sa paborito nilang resto bar. May empleyado kasi si Melanie na nakakita raw kay Greg na bumili ng singsing. Syempre dahil sa tagal nilang magnobyo't nobya ay nakilala na rin si Greg ng mga empleyado ni Melanie lalo pa't kung minsa'y sinusundo sya ng binata.

Ngunit ibang balita ang sinabi sa kaniya ng nobyo. Malayong malayo to what she was expecting.

"A-anong sabi mo, h-hon?"

"Maghiwalay na tayo, Mel." May halong lungkot ang boses ni Greg.

"W-why? What are you playing, hon?" Napatawa tuloy si Mel. Akala nya ay parte ito ng surprise proposal ni Greg.

"Magpapakasal na ako sa ibang babae, Melanie... I'm so sorry," bumuhos ang luha ni Melanie. Magpapakasal si Greg sa ibang babae gayong si Melanie ang matagal na nyang kasama? To his ups and downs, naroon at hindi nawala si Melanie. Tapos ngayon? Sasabihin ni Greg na ikakasal na sya sa iba? Nauntog ba siya? Ano bang katangahan ang sinasabi nya?