كرونيك "حبيبي جدارمي "💕 نوفل ونورسين 💕 ؟؟

4

لميس بن طالب
💖حبيبي عسكري💖
الحلقة الرابعة
نورسين تحكي: خرجت من الدار..الي كنت خرجت منها عروسة قبل عام..الفرق اني كنت رايحة مع حبيبي سامي...اليوم راني مع انسان..مايربطني به اذنى شعور..ولا حتى معرفة سابقة..مشينا مدة طويلة...ساكتين لزوج....مانعرفش وجهتنا...رايحة معاه...الى المجهول...
قاطعها صوتو..
نوفل: راح نحبس لهنا...الا تحبي تهبطي...ولا كاش مانجيبلك ..
حركتلو راسها بلا...
خرج ...وبقات تتفرج على الطريق سيارات والناس..الظلام طاح...طريق عمرها ماجازت منها....صعيبة...يادنيا وقت تحطينا في طرق لانعرف اين ستنتهي..بعد مدة رجع..في يدو زوج قرع ما صغار عطاها وحدة وشد هو وحدة..وزاد عطاها ساشي.....
اما هي تكات على الزجاج ورقدت....
نوفل يحكي: طول الطريق ساكتة...صوتها ماسمعتوش...قطرة ماء ماشربتهاش....دورت لقيتها راقدة على الزجاج. الخمار فوق راسها غامها...ماقدرتش نشوف وجهها.... وقت وصلنا نوضتها..
نوفل: نورسين...نورسين..
ناضت مخلوعة..
نورسين: اممم.واش كاين..
نوفل: نوضي رانا لحقنا..
حلت علينها...لقاتو يفتح في لاسانتور..هبط شافاتو يهدر مع ليزاجون في الباب..
نورسين: . باين هذا حي عسكري في هيئتو...
رجع للطونوبيل ...ركب وكمل يسوق شويا وصل بلوك..كان الاخير..نزل ونزلت وراه . .
هز حوايجهم..طلع وتبعتو...
بعد طابقين دخلو....
الدنيا ظلام..شعل الضو...هزت راسها أول مرة تشوفو...شعر أسود محفف النص التحاتني ومخلي شوي ولحية خفيفة خلاص ...طويل لدرجة تهز عينها عندو ....نحا لافيست علقها عضلاتو راح تخرج من الشوميزي....فاقت لروحها هبطت راسها...
نوفل: تقدري تدخلي ترتاحي....راك باينة عيانة وماكليتي والو..
حركتلو راسها
نورسين: ياربي وين نروح واش من شمبرا....
شافها واقفة حايرة تبسم ...
قرب منها حل باب شمبرة كانت على يدها اليسار..
نوفل: تفضلي هنا....دخلها فاليزتها ..ودخلت وراه حط الفاليزة..جات عينو في عينها....
شاف معها و خرج ..