15

10.5K 185 3

بواسطة Ffifi1915

بقلم Ffifi1915

عسكري💖
الحلقة 15..
يتقلب في الفراش ..الرقاد هجرو..كل الناس علابالهم تزوج بأرملة صغيرة في عمرها حتى أمو..وخياتو .وصحابو ومعارفو...اليوم باش يلقاها فيارج...اخر شيء توقعو...مشاعرو مظطربة...والف سؤال في راسو...المهمة صعابت عليه...
والهربة تعقدت..
...
في شمبرتها تسي ترقد...النوم اخر شيء ممكن يونسها...
(ياربي انا غلطت ولا واش...هذ الانسان سلمتو حالي...في لحظة ضعف واحتياج....في لحظة كل العوامل قادتني ليه...انا رحت برجليا عندو...مالازمش نحاسبو..علاش ماهوش جبني...علاش مانيش راقدة في شمبرتو....علاش كل واحد فينا راقد في بلاصة كي الغرباء...هو ممكن يشوفني ضعيفة واستغل..ضعفي..وبالاك ..مازال ماستوعبش فكرة اني عذراء...) بعد اخذ ورد مع راسها استسلمت للنوم......
.......
فاقت على صياح لولاد رايحين للمدرسة...اخر ظهرها يسطر...تهز في روحها بسيف..رجليها تحس كأنها مشات الاف الكيلو ميترات...
حلت الباب...ذز في روحها برا...
شامبرتو محلولة..فراشو معدول وهو لاحس...
فاتت للكوزينة..مالقاتوش..فاتت للدوش حلت الطواليت..كملت للصالون..والو...ريحتو ماكانش..
خيبة تملكتها .اكيد هرب منها ...لوكان واحد في بلاصتو يفرح بمرتو لقاها عذرا. بصح هو لالا...هذ الشيء بالنسبة ليه كابوس... رغم صغر سنها الا انها واعية وعارفة..
غسلت ..عليها...دوشت جات تحط حوايجها فالسلة ...شافت درا الي كان مفرش به سريرو عليه بقع الدم...شافت فيه وبكات. .ندمت على تهورها. على لحظة طايشة..خسرت روحها...وينو هو ولا على بالو...
فاتت لشمبرتها جبدت فاليزتها...حطت فيها حوايجها... لمت كل شيء وقررت تروح..
لعشية فاتت طويلة...حتى للغذا ماجاش....
وصلت الستة تاع لعشوة...لقاتو دخل....
جاز طول لشمبرتو...جات عندو..
نورسين: نوفل .ممكن نحكي معاك..
نوفل: احكي نسمعك..
نورسين: اديني لدارنا...
نوفل: علاش كاشما كاين..
نورسين: مروحة..
نوفل: بركاي من التمسخير نورسين
ودوكا اخرجي خليني نبدل حوايجي...
نورسين حست بقلبها تكسر...خرجت شدت على فمها وتبكي..
خبط وراها الباب...
نوفل ( سامحيني ..راني نتحرق اكثر منك...غلطت معاك..وماقادرش نحط عيني في عينك...وعدت سامي نحميك..وانا لكسرتك..سامحيني...صعيب عليا الحال اكثر منك....قلت نفوت ليلة..وكل واحد يروح لطريقو..ماراحش نخليك...نبقا نتبع فيك..ونعيشك كي السلطانة...ولكن انت دورك مسؤلة مني.... سامحيني سيليا....سامحيني خلفت ليك الوعد )
صعب ام كريه....صعب ان تعيش بين هاجس الذنب..وكريه ان تتحمله..
دخلت لشمبرتها بكات على مخدتها...واش كنت تستناي نورسين....تستنايه يفرح بك...ويرقدك قدامو...هو مايعرفك ماحبك..وانت نفس الشيء...عمرك ماحطيتي في بالك. .انك تحبيه وتستسلميلو بهذ السهولة.....عشقو جاء بسرعة ورحل بسرعة.....اكتوي بك...ولا أجدك ...كريح تطفئ هذا الوجع.....
نوفل صدقيني نورسين نتمنى نحل هذ الباب ونحطك على صدري ونمسح كل دموعك..لكن سامحيني....القدر ماكتبناش لبعض...لازم نبعدك عليا...وتعيشي حياتك أحسن...سامحني ياسامي ماكنتش قد الأمانة..بصح نوعدك مانخليهاش وحدها ..ولكن انا مانكنش في حياتها