5

9.8K 183 4

بواسطة Ffifi1915

بقلم Ffifi1915

💖حبيبي عسكري💖
الحلقة الخامسة....
غلقت الباب...نحات عبايتها...والخمار علقتهم في شاطال...كان قدامها نحات ليبوكل . .وزادت الايكسسوارات الي لبستهملها مروى...بالغصب..حلت شعرها...وزادت نحات روبتها. علقتها...لبست بيجاما غوز خفيفة...هزت شعرها كعكة...جبدت ديماكيون مسحت وجهها...حست بالجوع...تفكرت الساشي الي عطاها فيه الماكلة..جبدتو......لقات سوندويتش ..وبنان..باطة جو...وياوورت...كلات حتى للاخر.....وتمددت فوق السرير
تفكرت تعيط لمروى..
نورسين: او مروشتي..واش حوالك ياكلبة..
نورسين: هههه بخير ياعمري مادامك رجعتي تسبني..راك مالا في نعمة....
نورسي: واش من نعمة ماعلاباليش وين راني ياربي...وين راني...هذ المخلوق...الي جيت معاه مانعرفو ولا يعرفني...واش يخدم مثلا... مانعرف شيء غير اننا دخلنا سيتي مليتير ..
مروة: يابغلة مادام سيتي ميليتار معناها عسكري..
نورسين: ايه ممكن..بصح واش علاقتو بسامي....كيفاش صاحبو..الا هذا عسكري ..سامي كان يخدم دونتيست...
مروى: احتمال يكونو قاريين مع بعض...ولا حاجة المهم..ماتقطعينيش واحكيلي كل شيء ..وكل يوم بالتفصيل.
نورسين: اوك...حبي...ان شاء الله..ايا بالسلامة...
كوبات مع مروى..وفجاة حست بكرشها...فيها اصوات...
نورسين: ياربي وهذا وقتها لازمني..تواليت...حتى انا دابة كليت وخلطت كل شي مع بعض
حلت الباب بشوية....تتلفت يمين وشمال شافتها امان...جرت للطواليت...بعد عشر دقايق خرجت ....غسلت عليها ورجعت لشمبرتها...
نورسين: حمد لله فاتت سلامات..ولا كون بديناها قنابل من اليوم الاول ..وع..وع يانورسين..واش يستنى فيك..
وهذا المخلوق من لي دخل لشمبرتو لاحس ولاخبر زعمة واش يدير....
دخلت في فراشها: وانا واش يهمني.....ياخي حالة زعمة عريس..
...
عند نوفل....نحا كوستيم تاعو علقو......جبد شورت وتريكو دبو في لقري....عمل تلفون لامو..واختو تفاهم معاهم غدوة يجو يتعرفو عليها.....كان خارج سمعها تعمل فالحس...تراجع ...حتى سمعها راجعت عاود خرج.....دوش....نشف روحو...وفات يرقد..