كرونيك "حبيبي جدارمي "💕 نوفل ونورسين 💕 ؟؟

77

💖حبيبي عسكري💖
الحلقة 77
وصلت للدار.....سملت على تيمو..وجازات لشمبرتها....نحات حوايجها....وفاتت للدوش...
كمل خدمتو...مع لكولونيل..عطاه تصاو لاكريش...وراح للدار...
....
كريم يدور من بلاصة لبلاصة ماشي عارف الا يخبرها ولا يسكت....
شبيلة: هامالك ياراجل رايح جاي..شاكاين قول..
كريم: ماعرفت كيفاش نبدالك
شبيلة: انطق برك ..حيرتني
كريم:اليوم رحنا لاكريش..انا ونوفل..لقينا نورسين تم
شبيلة: نورسين؟ واش تدير فلاكراش..
كريم: وانا فهمت واش راهي تدير تم..مبدلة كامل شعرها لبستها...مكياجها..
شبيلة: اصبر . اصبر..ماشي قالنا راحت عند باباها...واش داها للاكريش...
كريم: ماعلاباليش...
ناض وخلاها..
شبيلة: هذي لازمة..قعدة مع مرت فتحي..البيسية هي تجيبلي..كامل لخبار...من لاكريش...نوض نروحلها...نوفل كون نهضر معاه يعرشلي. .
..
فات لشمبرتو...نحا عليه الكومبا. رما عينيه للسرير...الي والفت تحب ترقد فيه..(نرقد عندك) هي الكلمة الي بقات ترن في بالو....قعد وحط يدو على وجهو....يتفكر فيها...كما تحب تبوسو من رقبتو..شحال كانو لحظات زواجهم في الاول عفوية...وبريئة. ..فات لشمبرتها.. تفكر نهار ..خسرت البيبي تاعها....وكما ضربها...رغم هذا عاودت ولات ليه...ونسات كل شيء..ندم لي معطاهاش فرصة...باش تحكيلو....

كملت الدوش....لبست وتسطحت...تعاود في اللقاء الي ماحبش يتنحا من بالها...تفكرت تعيط لرهف..باش تقولها غدوة ترجع تقرا....
........
صباح جديد على كل واحد فيهم...كي عادتو في هذ الشهر الي جاز...
هو ينوض يجري .
..ويرجع يدوش ...يلبس ويروح للخدمة.....
ناضت....تحس روحها...عندها قوة غير طبيعية تدفعها باش تمشي قدام كامل الناس بثقة..ماوالفتهاش من قبل...غسلت...وراحت قدام لمراية...مكياجها الي ولا..غامق..ولبستها..الي تدل على قوتها...( لبست روب مزيرة قصيرة...ايبافان نوار...زادت فيست كوبي..فالباج قفلتها..زيرتلها خصرها..شعرها ليس...مقسوم من الوسط...برفان sexy212غالية..بزاف وماتحطهاش غير الي تلحق باش تشريها..)..نزلت ..لقات تيمو وانفال يفطرو....سلمت عليهم فطرو كيف كيف...هي راحت مع الشيفور..تفوت قبل للجامعة...ومدام انفال دات تيمو يقرا قبل ماتمشي للاجونس.....
في الطريق رايح للخدمة..صونا تلفونو..
نوفل: وي...
رهف: هذي انا نوفل..
نوفل: رهف...واش راكي..
رهف: بيا نوفل وانت
نوفل: حمد لله..يعيشك اختي
رهف: اسمع نوفل..ماعلاباليش والا لخبر لي نقولك يهمك..نورسين راهي عيطتلي اليوم ترجع تقرا..
نوفل: ميرسي رهف..اكيد يهمني..يعطيك الصحة...
عاود دار..ورجع للطريق الاخرى..باش يروح للجامعة..
وصلت..مع الشيفور نزلها ودخلت...العينين تتهامس.. تبان ماشي من هذ المستوى..ريحتها تضرب للاعماق....تديلك ..لعالم الرومانسية والابتسامة التلقائية....
شفتها رهف..ماصدقتش عينيها الا هذي نورسين..قريب ماعرفتهاش..
رهف: ياجدك نورسين..هذي انت..في بالي كاش برووف من كوكب اوروبا...
نورسين سلمت عليها: بركاي من التمهبيل رهف..توحشتك..
رهف: والله مام انا توحشتك..اسمعي جاء نوفل خطرة يحوس عليك عندي..
نورسين: تلبكت...(فيك الخير. زعمة حوس): امشي ندخل نقرا..ديجا راني روطار...
راحت مع رهف..دخلو للونفي...الكل هزها في عينيه...قعدت ونحات لافيست تاعها....دخل لبروف...وبدا لمحاضرة..
وصل للجامعة...بسيف قنعهم يدخلوه...جبد لاكارت ميليتار..وفات...سقسا وين يقراو تاع لبروميار..دروا..
كل مايقولو هنا يفتح يشوف...مايلقاهاش يزيد يحوس. ليسيكسيون بزاف..وماعلابالوش واش من سيكسيون تقرا ..
اخر لكولوار بقا لونفي لخر.. فتحو..جوز كامل عينيه...شافها مركزة مع لبروف.....دخل بلا ماينطق كلمة..
بروف: من فضلك..واش هذا ا اقتحام ولا واشنو...
الحس قوا في لونفي... البروف يعيط..
نورسين هزت راسها(يايما .. نوفل واش جابو)...
نوفل قرب منها شدها من يدها..نوضي..امشي معايا..
مالقاتش واش تقول ماخلالهاش فرصة تنطق جبدها.. نورسين: نوفل هبلت واش هذا...
هزت ساكها ولافيست في يدها ماحبتش تكتر معاه الهدرة...وعلابالها يدير كاش حاجة..
نورسين : خليني نمشي وحدي
شاف فيها ومبعد هزها على كتفو وخرج
ذكورة زملائها يصفرو....ولبنات ميتين بالرومانسية ..كلاوها بعينيهم الحاسدة.
**:شوفي يايما كون عندي بقلاوة تديرلي هاك
**: باين يحبها.. اه ما اجمل الحب ..
لبروف خرج..ولونفي يصفق على اللقطة...ونصهم يصور في اللحظة..وديراكت رماوها فايسبوك...
العشق بين العسكري والطالبة...

خرجها نزلها كمل يكركر فيها.....وصلها باب برا..تنفض في روحها وتتافف .
نورسين: واشنو هذا الي درتو لداخل بخصت بيا ..واش يقولو عليا
نوفل: انت حبييتي ياتمشي معايا ياندير حاجة خلاف.
شافتو يعض على شفافو ويطول فيهم ( علبالي يديرها. مهبول وخامج ماعندو حتى مشكل...تفو نوفل تخمامك ديما لاصق تحت) لبست لافيست وخرجت معاه...ركب وزادت ركبت...
نورسين: نوفل مانروحوش بعيد لازم نرجع خدمتي.
ماجاوبهاش ..ديمارا صوت الرودا يتسمع من الاف الامتار. .