كرونيك "حبيبي جدارمي "💕 نوفل ونورسين 💕 ؟؟

64

💖حبيبي عسكري💖
الحلقة 64.
هذاك وين ناض...هز بورطابلو يشوف الساعة..لقاها 17:30..
وشاف ليزابال تاعها...راح يعيطلها سمعها كي فتحت وفاتت..ناض ..يشوفها..
لقاها داخلة...مبلولة. من الشتا..وعينيها حمر..
جرا ليها...
نوفل: سمحيني عمري...حطيتو سيلونسيو قلت نريح شوي ونوض داني نوم...
نورسين: تفلقت بالبكا..
نوفل: سامحيني ياروحي والله مانزيد نديرها..
قرب يسكتها....هبط راح يبوسها بعدت روحها..وفاتت لشمبرتها..
قفلت الباب شدت فمها وتبكي..
راح يطبطب عليها..يعيط ماحبتش تفتحلو...حطها متغششة منو...وماحاباش تشوفو.. ..
(سامحني نوفل..ماشي قصدي. هذاك الكلب حط شفافو عليا..راني نحس روحي موسخة)...
باقي يستنى فيها تخرج....بعد مدة خرجت ..راحت للكوزينة...تحط لعشا....
فات وراها...قاعد يتفرج عليها مهبطة راسها...حطت سلاطة...تقطع فيها...سكالوب تقلي فيه.زاداتو شومبينيو وصوص. ..بطاطا....وقطعت الخبز..يتفرج فيها كلمة ماقالتهاش...
ناض من بلاصتو...حاوطها بيديه..من وراها...خباها في كامل صدرو...
نوفل: مازلتي زعفانة...
نحاتلو يديه..خرجت من عندو..
ماحبش يظغط عليها . قعد ياكل...كانت كما تذوق...كملت..هزت صحنها فرغتو..وناضت...
تبعها بعينيه حتى خرجت فاتت لشمبرتها وقفلتها...
ناض حتى هو..فات لشمبرتو...يستنا فيها تجي...ترقد عندو.. طولت وماجاتش...الف سؤال يديه ويجبيو.. وفي الاخر خمم يخليها على راحتها حتى تهدأ