كرونيك "حبيبي جدارمي "💕 نوفل ونورسين 💕 ؟؟

11

💖حبيبي عسكري💖
الحلقة 11.
تقعدت من فراشها شافت فالساعة وعيطت..
نورسين: ياي الخمسة..وانا مازال مادرت العشا..ابو عظلات اليوم يباسي على جدي..
خرجت تجري..راحت للدوش غسلت....وهي راجعة..طلت للصالون..في بالها شافت حاجة..عاودت رجعت..شافاتو قاعد يتفرج فالتلفزيون..
ياربي هذا وقتاش جا....
دور شافها
عيطلها..
نوفل: نورسين...ارواحي نسحقك...
دخلت تمشي بلعقل....قلبها يضرب...ماعرفتش هذ الاحساس منين جاها.....وقفت قدامو..
نوفل: اقعدي تتفرجي..فيلم مليح...
نورسين: رايحة ندير لعشا...
نوفل: ماكلاه...نروحو نتعشاو عند شبيلة..عرضني راجلها كريم لعشية...ودكا اقعدي..
نورسين( عرضني كريم راجلها لعشية....واش ندير انا عند هذيك الغولة) كانت تهدر في داخلها....
قاعدة على طرف الفوتاي..لامة رجليها روبتها كانت قصيرة..
(ياربي هذا فيلم هايل...فيه غير القتيل..هذا مايعرفش افلام سلمان خان..وكارينا كابور..مايعرفش..هريتيك..
وديبيكا)...
نوفل( علابالي واش راه يدور في دماغها....نعرف كيفاش تخمم...واش راهي تقول عليا...الله غالب هكذا رباني بابا..وهكذا علمتني خدمتي. المشاعر اخر شيء ممكن نحسبلو حساب..كل شيء يمشي بالنظام والي بغلط يخلص)
نورسين: مازال باش يخلاص هذايا.
نوفل: راه قريب. الا قلقتي تقدري تروحي..تلبسي.
نورسين : ايه راني رايحة...
ناضت حست روحها تفكت من قيد...دورت شافات معاه..مندمج في الفيلم..تبسمت وراحت...
طفا تلفزيون...ناض دخل للدوش...عمل دوخ بالخف..راح يلبس...تلاقاو مع بعض كل واحد خارج من شمبرتو....
نوفل: تلاقيت بها خارجة من شمبرتها....كحل في عينيها اول مرة من نهار تزوجنا شفتها داراتو.....برفانها باين جديد عمري ماشميتو....شعرها لنص ضهرها طالقاتو..شفافها بالغوز..وغوب بلونوي..طويلة ومحترمة...
نورسين: قابلني فالباب....لابس سروال جين..مزير عليه.. سبادري بيض يشعل تريكو غوج..راح يتقطع عليه...طراسات كرشو الي لاصقة في ظهرو..برفانو كي العادة يشل....كي نشمو..نحس روحي طايرة مع الفراشات...
نوفل: واجدة نمشو...
نورسين: ايه..
هبطنا الدروج...مشينا شوي..كنا وصلنا....تسكن في بلوك الي بعدنا...
فتحت بنتها الباب..
كاميليا: خالو..عسلامتك..
نوفل: يسلمك كامو...
نورسين: مساء الخير..
كاميليا: مرحبا مرت خالي تفضلي..
كملنا السلام دخلنا....دارهم شابة..باينة متهلية فيها..الغولة تاع شبيلة...قابلنا راجلها..يامامي حتى هو شباب..يقتل ماشي تاعها خلاص..تبان جداتو...
سلمنا عليه..جاو زوج ولاد صغار..احمد وأمين..سلمو علينا . وقعدنا نحكو.....
أمين: خالو..ولينا مانشوفوكش..
نوفل: راك تعرف خدمتنا صعيبة..وديما شادين الطريق..
كريم: هذي هيا الكاسكيطة. ولازم تحمل.
كاميليا: مرتك شابة خالو..
شاف فيها وماردش...
احمد: انا نروح ندير الواجب تاعي...أستاذة سيليا..ماتحبش التلميذ الكاسول...
خيم شويا صمت على المكان..
عرفت نورسين بلي اسم سيليا..يخلي ملامح نوفل تتبدل..
دخلت شبيلة سلمت عليهم...
راحو للطابلة تعشاو..سهرو شوي وروحو....
وصلو للدار....قفل الباب. رايحة لبيتها..
شدها من يدها دورها ليه..
نوفل: واش بيك...كنت قاعدة في عزا..ضحكة مع الناس ماكاش...واشنو هذا بخصتي بيا..
نورسين: واش تحبني نعمل وسط ناس مانعرفهمش...
نوفل: ماترديليش الهدرة..فهمتي..راسك يابس نكسرهولك...
نورسين: هذا ماتعرف..غير لعياط..
جات ماشية..عاود شدها ليه..
نورسين: طلقني...واش تحوس
نوفل:اليوم فاتت..خطرة خلاف تعاوديها..ماتلومي غير حالك..
نورسين:زعمة واش تديرلي....جبتني باش تخرج فيا زعافك....واشنو هذا زعمة هذا زواج...وانت زعمة راجلي نمثلو الحياة السعيدة...والزوج والزوجة المثاليين..
نوفل ماردش عليها..بلع الباب ودخل....
نورسين: اه منك...حمار..
دخلت وخبطت الباب