كرونيك "حبيبي جدارمي "💕 نوفل ونورسين 💕 ؟؟

54

💖حبيبي عسكري💖
الحلقة 54..
دخلو...تتفرج على لحوايج وتقلب...يتبع فيها من بلاصة لبلاصة..هذي كبيرة..وهذي ضيقة..وهذا الصباط ماعجبنيش هبلتو..
نوفل: اوو نورسين..انا نقعد وانت روحي دوري بعقلك..ماطوليش تلقايني نستنى فيك...
نورسين: اوك راني فايتة عند هذا نخير ونجي..
خلاتو وراحت...جبد تلفونو...وقاعد يلعب به....شويا وراح يجيب نيسكافيه من الماشينة....تلاقها تم..
نوفل': تفضلي..ماعليه..
**: ميرسي...حطت الدراهم تكات على واش حابة تشري..هبطتلها لتحت .
تبسمتلو وراحت...جاب هو نسكافيه تاعو....ورجع...لقاها مقابلتو وتبسم معاه.. هبط راسو ويشرب من الكاس..
خرجت من الحانوت كملت شرات..شافاتو قاعد..رايحة عندو لمحت وحدة تشوف معاه وتتبسم....شافاتو كي طلع راسو ..
نوفل: كملتي...
نورسين: شكون هذيك الي بينكم ابتسامات..
نوفل: مافهمتش..واش تقصدي..
نورسين: مولات الجون...الي مقابلاتك..
نوفل: واش بها
نورسين: تتبسملك..تعرفها تعرفك .علاش مقابلها.
نوفل: نورسين مانعرفهاش ومايهمنيش فيها..خلي تتبسم
نورسين: عجبك الحال روح عندها
مشات وخلاتو
نوفل: اركحي نورسين..واش بيك الناس تشوف فينا...
ماشية وماشي شايفة فيه..
نوفل: نورسين حبسي...نورسين
زربت مشات تخلطتلو مع الغاشي دور مالقاهاش...
بقا يحوس في كل جيه...
لقا واحد يعرفو..
**: حضارات...كاشما خصك
نوفل: جيت مع المدام..كانت هنا شوية وتخلطتلي مع الغاشي
**: عيطلها
نوفل: ماجابتش تلفونها
**: ماتقلقش حظارات هيا نمشو جهة الكاميرات ...بلاك نقولولهم يعاونو..
مشا معاه نوفل...
ونورسين ركبت لاسانسير حتى وصلت أخر ايطاج نزلت ( نوريلك يانوفل تتبسملي مع البنات في وجودي...ماشي مقيمني..ولا عملي اعتبار...ماعليش) بقات ماشية..فاقت مع روحها(ياربي انا وين ...هذا مافيه حتى واحد ...وصل منين الادارة طلب يشوف الكاميرات في كل الجهات مالقاهاش .عاود رجعها ...شافها طالعة لاسانسير . وماخرجتش في كل الطوابق...
العامل: مادام مانزلتش من السانسير في اي ايطاج بالاك طلع بها للاخر
نوفل: واش كاين فالطاج الاخر
العامل: كاينة السلعة برك....
....نوفل: تبعني نروح نجيبها
كملت تمشي....تحوس منين تخرج..سمعت الهدرة تاع زوج...
**: راني قلت لك...ننقص من السلعة...وانت تكتب الكمية الي رجعت بعد مانقصنا...
**: كي تبيع ماتنسانيش..
**: ههه كي العادة صحبي....
سمعت هدرتهم جات جايزة عليهم....شافها واحد
*: ماعرف شكون سمعنا اجري اجري...شدو..
*: هي انت حبسي..
نورسين: يايما..شكون هدو...
بقات تجري وهوما وراها رمات الساشيات من يدها..طيشت القضيان...وراحت...تجري...
لقات باب محلول دخلت فيه...وتخبات ورا مكتب صغير حطت يدها على فمها باش مايسمعوش حسها. ..وبقات تبكي بصمت...
وصل نوفل مع صاحبو..بقا يحوس ويعيط عليها.....نوفل: نورسين جاوبيني...نورسين راك هنا....
شاف سباطها..
نوفل: هذا سباطها راهي هنا...ياربي واش صرالها
*: هدن روحك حظارات نلقاوها...
كملو يحوسو زاد لقا القضيان تاعها..
نوفل راح يهبل...
متخبية وخايفة....منهم...تتنفس بالقاوي...
قدم منين يسمع فالنفس...شدها على فمها..وجرها وراه..
نورسين تعيط..وهو كاتملها النفس خرجها....
**: اه ياوحد الفارة وتتخباي...
***: واش نديرولها...سمعتنا..
**: تبعني..نخرجوها من..ونرموها في كاش بلاصة...
مخرجها ويدو على فمها صاحبو رواه...فاتو الكولوار تلاقاو نوفل وصاحبو..
نوفل: نورسين..اطلقها ياكلب..اطلقها
**: بعد...تقرب مننا نقتلها
نوسين تعيط وفمها مسكر...انينها برك يتسمع...
قرب منهم نوفل بشوية...شاف لصاحبو...هجم ...على الاول...طيحو في الارض...زاد ضرب الثاني ليدو...هربت نورسين....تبكي وتعيط نوفل....
يضرب فيه حتى كسرو
*: حضارات لالا حضارات راك قتلتو...
نوفل : تحط يدك لموسخ عليها..اه..ندفنك..
*: حضارات...راه قريب يموت..خليه..
ناض من عليه..شاف فيها تبكي خايفة....
رايح عندها شاف فيها وقربها منو
نوفل: خلاص ماتبكيش...
نورسين: سامحني...نوفل سامحني....
...
جاو رايحين محضنها ....هزت صباطها...
***: عندك حضارات...توله...
صوت رصاصة...فاتت في ضهرو..
نورسين: نووووفل....لا..نوفل
طاح للارض شاد ضهرو...شاف يدو معمرة دم..
نورسين: لالا ..نوفل لا ياربي...
نوفل: اسكتي ماتكيش راني مليح..
صاحبو عيط للاسعاف....
نورسين: من فضلكم اسعااف....نوفل ماتخلينيش...
نوفل يمسحلها في دموعها: ماتخافيش مانخليكش..يهدر وراح يغيب على الوعي...