كرونيك "حبيبي جدارمي "💕 نوفل ونورسين 💕 ؟؟

36

💖حبيبي عسكري💖
الحلقة 36...
ناضت..مخلوعة...شافت كابوس...عيطت باسم ساااااااامي....
اول مرة من نهار تزوجت بنوفل تحلم به.....
خاليدة تماكيي قدام لمراية..وحياة تحط في الطابلة للفطور..
شافت خاليدة مع حياة وبصوت خافت: شكون سامي..
عوجت فمها حياة تاع ماعلاباليش..
خاليدة: نورسين. .نوضي..حبيبة..خلينا نروحو...توخرنا...لازم تكملي تسجيلك..راني قلت السيد الي نعرفو فراهالك..
حركتلها راسها..ونزلت...فتحت الباب وراحت تغسل...تلاقاتها في ليتواليت...
رهف: اختي..انت لي جيتي مع خاليدة البارح..
نورسين حركت راسها بايه..
رهف: تعرفيها..فاميلتك..ولا؟
نورسين: لالا مانعرفهاش...غير كما تعرفنا على بعض....
رهف تطمنت بلي ماتكونش لخاليدة..وشافت في نورسين البراءة...
رهف: اختي ننصحك بعدي عليها وعلى حياة..سيرتهم عاطلة..
نورسين: كيفاش مافهمتش .
رهف: خاليدة محاوزة من دارهم ومعروفة جروند بوت..وحياة تمشي وراها خاطر تصرف عليها..
سكتت نورسين وكملت تغسل..
رهف: يعيشك اختي ماتقوليش بلي انا قلت لك..
راحت رهف وخلات نورسين في حيرة.. من امرها كملت غسلت ورجعت..
لقاتهم يفطرو ..فطرت معاهم.
خاليدة: نورسين...داركم يبعتولك مصروف..
نورسين: لا...نصرف من عندي..
خاليدة: يعني راك خدامة؟
نورسين: تقريبا..
خاليدة: ايه...ربي يعينك انا قلت نقولك على خدمة مع واحد معريفتي...عندو اجونس كبيرة..يعمرو الديار..والشركات والبيروات بالمابل...
نورسين سكتت ومبعد نطقت..
نورسين: خاليدة..هو يعني انا..محتاجة الخدمة..خاطر الي راني فيها ماشي مضمونة..
خاليدة شافت لحياة..وتبسمت...طلعت حاجبها وغمزتها..
خاليدة: انا نحب نعاونك نورسين...ايه مالا وجدي روحك نكملو نسجلو..ونروحو
حركت راسها...بايه وناضت تلبس..
بعثث مساج لمنجد..رانا جايين اليوم...
هذاك وين ناض..راسو يسطر..والضربة في ظهرو توجع..جاه المساج..فتحو يقرا فيه..تبسم..وناض...
....
مقاري قدام الجامعة......الليل مارقدوش...يستنى ممكن تجي..هنا..تروح وين تروح..اكيد ترجع تسجل....
جاو داخلين من بعيد شافت طونوبيلتو....
نورسين : خلونا نرجعو...من فضلكم.
خاليدة: سم الله عليك..نورسين واش بك..
نورسين: مارانيش حاباتو يشوفني...خبوني..من فضلكم..
حياة: شكون هو شكون هذا..
نورسين شافت للطونوبيل دورو يشوفو..
حياة: ماشي هذا لافامي تاعك..
نورسين: لالا كذبت عليكم...هذا راجلي مارانيش حاباتو يشوفني
خاليدة: روحي اطلعي ديراكت تلقاي باب..صغيرة يفوتو منها الخدامة...يعس فيها واحد يعيطولو توتو...قوليلو خاليدة بعتتني.يخليك تدخلي....
راحت نورسين..تعمل كما قالتلها خاليدة...
حلت قفل التريكو لخر..طلعت شوي صدرها جبدت برفان ورشت..
مشات هي وحياة..شافاتو خرج من سيارتو الظاهر عرفها...
نوفل: مدموزال من فضلك..
خاليدة نحات النظارات جابت شعرها على جنب قربتلو..
خاليدة: وي..
نوفل: البارح انا جيت هنا وكانت معايا وحدة حبت تسجل..
من فضلك الا شفتيها
خاليدة: سامحني نسيت
..اه...صح سقسيتني على التسجال..تبدلتي كنت لابسة كومبا..
نوفل: ايه تفكرتيها...
خاليدة: وي وي تفكرتها..
نوفل: تعيشي والا شفتيها داخل...ولا في اي بلاصة خبريني..
خاليدة: اوك ماشي مشكل..اعطني نومرو تاعك نعيطلك..
نوفل بلا تردد هز تلفونها وكتبلها تاعو...
نوفل: ديريني في بالك ماتنسايش..وبينا التلفون..
ركب وراح..
خاليدة: سمعتي حياة..قالي خليني في بالك ههههه ماعلابالوش بلي من اول دقيقة راه في بالي..
رجع للدار ...دوش..لبس الكومبا وراح...علابالو طول على الخدمة....ونارو مازالت شاعلة....كل مايتفكر وين راحت مخو يخرج من راسو