7

9.7K 181 0

بواسطة Ffifi1915

بقلم Ffifi1915

حبيبي عسكري💖
الحلقة السابعة...
فاتت لشمبرتها..تسمع فيه يهدر...خيرت واش تلبس جبدت جبة تاع دار..عريانة من ظهرها دونتيل من فوق...وعلى لاطاي...خلات شعرها مطلوق جبدت ديبوكل تاع فضة سامبل لبستهم..وزادت قورميط ذهب رقيقة...رشت بارفان وخرجت..
سمعتو فالصالون معاها يهدر..
نورسين: صباح الخير..
شبيلة: صباح النور..مرت خويا..كي راكي..
نورسين حست بها تهدر وتشنف..
نورسين: لاباس..حمد لله..
شبيلة: نفوت للكوزينة..يما وهيبة قريب يوصلو..
نورسين:( واشبي رحمتها هذي تتقوعر عليا)..
نورسين: جوزي...راني جاية معاك..
شبيلة: لالا والله مايشقا انت عروسة....دار خويا نعرفها..شبر بشبر...
دورت نورسين عينها ونفخت
نورسين: ايه..على راحتك...
شافت في نوفل...كان واقف في البالكون يهدر بالتلفون..دخلت لبيتها وقفلت على روحها..وتبكي...
ياربي انا واش الي درت فحياتي..هذ الناس باين قباح. وهذاك أبو عضلات..ولا على بالو...والله ماقعدت هنا غير نهرب...ويجي نهار ونديرها...
طبطب الباب ناضت حلت مسحت دموعها....لقاتها مرا كبيرة سلمت عليها عرفتها امو..
الحاجة صفية: ارواحي بحذايا بنتي...علاه متخبية هنا..تبارك الله خمسة وخموس..
هيبة: محلاكي...نورسين..زينة تهبلي...
نورسين: ربي يخليك..تعيشي..
هيبة: كي جاتك تيارت عجباتك...
نورسين:( ياربي من العاصمة لتيارت...راني في تيارت وانا لاخبر)..مازال ماشفتهاش جينا فالليل..
الحاجة صفية: ان شاء الله تعجبك..حنا عشنا فيها ثلاثين سنة..ولدي لكبير نوفل زاد في عنابة..وجينا لهنا مع المرحوم.بويو...كان كوموندون...
نورسين: الله يبارك طاطا...
هيبة: قوليلها يما...راهي في مقامك امك..
شبيلة: هي لغدا واجد...وزيد باش نروح نجيب أحمد من ليكول....ولا نعيط لسيليا تشدو عندها حتى نجي...
نوفل كي سمع اسم سيليا..ملامحو تبدلت..حستو نورسين..كان الحزن ...عم في وجهو...
ناضو للطابلة..تغداو..الكل يحكي ويضحك...الا هي مجرد ابتسامات عابرة.......خلصو للغدا...حطو قهوة....قعدة ساعة وراحو.......
دخلت لبيتها..نحات واش كانت لابسة.....جمعت شعرها....لبست روب حمرا قصيرة....وخرجت للكوزينة..تلم الي بقا.....
ماسمعتش حسو....باين خرج ولا في شمبرتو....
شوية وسمعت باب الشمبرة تحل....شافاتو فات للدوش..
كملت شغلها..حطت لعشا وجات خارجة...تطومبات فيه...كان لابس شورط ومن فوق عريان ينشف في شعرو..الريحة من الدوش وصلت لعندها...
نوفل: الدوش شوية مخلط...وعندي حوايج مادابيك تغسليهم..
نورسين فاتت للدوش..رجعت كل شيء لمكانو..شعلت ماشينا لافي..(خدامة انا ايه...خدامة عليه وعلى عايلتو) خرج يجري..
نوفل: واش بك أنت..مهبولة..علاه رميتي حوايجي في الماشينة..كون عيني راني رميتهم وحدي..قلت لك اغسليهم..ماشي فسديهم
بقا يجبد فيهم.: تعرفي هذ البول شحال يدير...وهذا السرفات..تخدمي عام وماتجيبيش حقهم..
نورسين تشوف معاه...عندك حق انا فقيرة..مانعرفش للغالي...أنا تربيت على الشيفون..والي نغسلو نزيد نلبسو....
راحت وخلاتو..
نفخ وحس بغلطتو....
كمل غسل حوايجو..وفات ..
نورسين في بيتها تبكي...طبطب الباب..
نوفل: نقدر ندخل...
نورسين: تفضل..
نوفل: حطينا عشا...باش نرقد غدوة خدام بكري..
راح وخلاها...
نورسين: يخمم كان في كرشو وحوايجو...حتى الاعتذار ماعتذرش...ياربي واش من حياة عايشة انا..
خرجت من بيتها لقاتو فالكوزينة قاعد على الطابلة يستنى مربع يديه.....لابس سيرفات قري وتريكو دبو...فالبيج..
نورسين(هذا مايعرفش يغطي..عضلاتو...ياخي خالة)
حطت طباسة...زادت سلاطة...دارت بطاطا في الفرن..وجاج مشوي...حطتلو وراحت..
نوفل: اقعدي كولي مانحبش ناكل وحدي..
نورسين بتاسمت وقعدت( على اساس من قبل كنت تاكل مع لجنون..هاك كنت تاكل وحدك)..
ياكل ماشايفش معاها...ولا طلب منها سماح.....ولا قالها كولي.....خلص هز طبسيه..حطو فلافابو...مسح منين كلا.....
نورسين: خلي عليك..انا نمسحها..
نوفل: راني موالف...
فات لشمبرتو...
كملت شغلها فالكوزينة...وناضت للدوش..دارت دوش خفيف..حطت كريم دوكور... فازلين في يديها شيحت شعرها ...ورقدت