كرونيك "حبيبي جدارمي "💕 نوفل ونورسين 💕 ؟؟

26

💖حبيبي عسكري💖
الحلقة 26
جات شبيلة تجري..شفاتو شادها ينوض فيها...
حطت يدها على فمها.
شبيلة: واشنو هذا ياربي..وش بيك نورسين..
نوفل: عاونيها تلبس..نبدل الكومبا ونروحو للسبيطار...
نوضتها شبيلة..وهي تتوجع دمها ويدان....
شبيلة: هذا مستحيل يكون دم ااعادة نورسين كاشما شربتي..ولا درتي..؟
نورسين بصوت خافت: كي طولت ماجاتنيش...قلت توخرت ومحبتش تهبط..شربت اسبيجيك..
شبيلة: مهبولة..انت راك كنت بالحمل يانورسين..
نوفل دخل في هذ اللقطة..سمع واش قالت شبيلة...
نورسين: زعمة...كنت ...صح..
عاونتها شبيلة..تنوض...خرجتها ركبتها الطونوبيل وديمارا....
طول الطريق يسمع في انينها دمها يسيح...حتى غمات ...
وصلو للسبيطار فات جبدها غميانة.....وصلها للريجونس..جاو الطبة..حطوها في النقالة ودخلوها...
يستنى قلبو على نار زعمة كلام شبيلة..انها حامل صح...
شاف الدم في التريكو تاعو...
شبيلة..في التلفون تكلم في امها....
شوية خرجت الفرملية..
نوفل: واش حوالها لمريضة الي دخلتوها درك..
الممرضة: راهي مع الطبيبة النسائية..تحتاجك ادخل عندها..
نوفل راح يجري....دخل عندها...
شافها ممدة على السرير السيروم في يدها...عينيها مغمضين..قعد قدام الطبيبة..
الطبيبة: هذي مرتك...
نوفل: ايه..
الطبيبة: قداش عندكم زواج..
نوفل: قريب شهر...
الطبيبة: مرتك..تعاني من ظغوطات...زعمة ماحباش تحبل مثلا..
نوفل: لالا..علاش
الطبيبة: مرتك كانت حبلى فالاسبوع الثاني وحملها كان ماشي ثابث.الظاهر شربت دوا...ولا تعرضت بظغط نفسي خلاها تطيش البيبي..
نوفل حط يدو على راسو..( ياربي...انا كنت نظغط عليها..وهي صغيرة ماتعرفش. لانها ماتحطش في موقف هذا. حياتها مع سامي كانت...غيرحياتها معايا)..
كملت الطبيبة تهدرلو...دارتلها على الدوا. وباش تقعد فالسبيطار...
خرج لشبيلة....فهمها في واش صرا...لقا راجلها كريم معاها
شبيلة: ياي مسكينة...في بالها العادة توخرت شربت اسبيجيك تهبطلها..هاي تفرتها في روحها..
كريم: الطبيبة قالت احتمال ضغوطات وانت قلتي كانوا يتعايطو هو وياها.نعرفو نوفل عصبي وصعيب بزااف..
خرج من السبيطار..الدنيا عليه ظلمة...هذي هي امانة صاحبو..ضيعها...وخلاها تعاني..كلامو معاها..زاد عليها...ركب طونوبيلو..وراح للدار...ماقدرش يدخل ويشوف دمها...سايل..هزلهاحواايج في كابة صغيرة ..بدل تريكو تاعو ...ركز في الدم الي فالارض وخرج.....
يسوق وماشي في عقلو...يخمم في حالتها..ودمها الي سال منها
وصل للسبيطار..ستأذن يدخل عندها شافها تشوف في السقف..
دخل قرب من سريرها ..دورت كي شافاتو رجعت وجهها للجهة الاخرى..
نوفل: عندك حق ماتقدريش تشوفي فيا...نورسين..سامحيني مافكرتش ناذيك والله..
ساكتة ماجاوبتوش غير دموعها يهبطو...نوفل: عيطي عليا...سبيني..ديري اي حاجة سكوتك يذبحني نورسين..
نورسين: واش جيت تدير..تهنا ياك هذيك الليلة كانت مجرد شهوة بالنسبة ليك..وانا وحدة عديمة مسؤلية..خلاص ماعادش في شيء يربطنا.....تقدر تخرج من فضلك..
عينيه تترجاها...وقلبو يحسو واجعو..
حطلها حوايجها وخرج(سامحيني يانورسين....ماتبعدينيش عليك...نعشقك ياعمري ومحال نخليك..هز راسو للسما عيط بكل قوتو..نورسيييييييين)