كرونيك "حبيبي جدارمي "💕 نوفل ونورسين 💕 ؟؟

68

💖حبيبي عسكري💖
الحلقة 68
خاليدة: نقدرو نمشو...
نوفل: قولي هنا...راني نسمع
خاليدة: نو. هنا ماتصلحش...نروحو كيف كيف ونحكو..
نوفل: اطلعي.....
طلعت معاه...ماشي مصدقة بلي راكبة بحذاه...عينيها من عليه ماتنحاوش...وهو ماشي لاتي بها..كل همو..يعرف واش قصة لحكاية الي جاتو..على جالها...وصلو..وين قالت لو يحبس...نزلت وزاد هو موراها
نوفل: قولي ماعنديش وقت...
خاليدة: نمشو نشربو حاجة..
شدها من يدها..: ماجيتش نشرب معاك...كلام تقوليه نسمعو ونروحو...دخلت فيه .تشم في ريحتو...قريبة لصدرو....ممكن في اي لحظة...تهجم على شفافو..الي قدامها عينيها...يتفحصو فيه...عشقتو...ايه..ماشي بارادتها..
خاليدة: خلاص..خلاص هبط يدك وجعتني دوك نهضر...
هبط يدو منها...رمات يدها للصال جبدت اونفلوب...
خاليدة: تفضل. هذا الي جبتك على جالو..
نوفل: واشنو هذا....
خاليدة: افتحو..تعرف...
فتح لونفلوب...قابلوه تصاور..يخزر ويعاود..هذي نورسين..راكبة بحذا منجد..يقفلها في لاسانتور..قراب من بعض....
جبد الي مازالو ..وياريتو ماشاف......لاصق فيها. ..فمو على فمها....
نوفل: منين جبتي هدو..
خاليدة: صورتهم انا.
نوفل: وقتاش هذي..
خاليدة: عندها يومين..بالاك.. شفتها ركبت معاه. تبعتهم...وصورت واش عملو..كانو مع بعض وفي قمة السعادة...
ماشي مستوعب. معقولة..هذي نورسين..لالا ممكن خاطيها.. لايانوفل هي. بنفس اللبسة ...ركب في سيارتو...الغبار طلقو وراه
خاليدة: اي...ياربي كيفاش نرجع انا دورك....
هه بصح ماعليش...هذي اول خطوة..ومازال ياسي نوفل...نركعك عندي...وفي القريب....وحدة كما خاليدة..ساهل عليها باش تخرب بين الناس..النقص الي تعاني منو....ورغبتها في التملك..وحبها في ايجاد .شريك ممكن يهتم بها ويحبها ماشي لليلة..او نزوة....بصح تاع دايما.....يحس بها ويحن عليها.....

الدار الي كان يحب يرجع ليها باش...يلقا سكينتو..وراحتو....هي نفسها الي حاس روحو باش يتغم كي رايحلها... الشي الي شافو. ماشي قليل وصعيب على اي رجل مهما كانت صفة المراة الي معاه..الخيانة. من زاويتو...وكيفاش يشوفها ...هو..ويفسرها..رغم ان لاذنب لها...
لحق للدار........هز مسدسو. ويستنا.....
بعد حوالي نصف ساعة....جاية في الطريق اليوم معولة تعترفلو....تقولو بحقيقة الشيء الي صرا..وخلاها تصدو....تعترفلو باش ترضي ضميرها..وتتساعد معاه تنسى..وترجع نورسين الي تذوب في لمسة منو... فمابلك في لحظة......يدفع بكله في داخلها.....
وصلت دورت المفتاح...رايحة لشمبرتها سمعت صوت من الكوزينة جاي.
نوفل: نورسين..
نورسين تنهدت..وفايتة عندو..اللحظة حانت.. والموعد اقترب...موعد كليهما ينتظره...بالنسبة ليه...نهاية وبالنسبة ليها اما خلاص او ... مجهول......