كرونيك "حبيبي جدارمي "💕 نوفل ونورسين 💕 ؟؟

57

💖حبيبي عسكري💖
الحلقة57
فاقت......على صوت الشتا والريح.....تصفر فالطاقة...لقات روحها راقدة بحوايجها....
ناضت شافت مع مخدتو حضنتها وتنفستها( حبيبي ليتك تعلم ماحل بي في غيابك..اتدري ان الالوان لااراها..فوحدك من كنت تجعل عالمي بحضورك ألوانا ). .فاتت دوشت و لبست...خرجت شدت طاكسي ورايحة للسبيطار...وصلت عندو..شافت شبيلة واقفة مع مرا..وراجل..
شافتها خلاتهم وراحت عندها
شبيلة: وين..وين .فايتة
نورسين: رايحة نشوف نوفل
نورسين: راهي خلصت الزيارة...وزيد ماسقساش عليك..وقولنالو بلي رحتي مع منجد كي شغل زعف.
نورسين تسمرت بلاصتها( ياربي اكيد زعفان مني خاصة كي سمع بمنجد وصلني.. )
قعدت على الكرسي...والحزن ماليها...جبدت تلفون تعيطلو
نوفل: قالولي راحت مع منجد..الوجيعة تاع الرصاصة احن..من هذ الخبر..وزادت ماطلتش عليا. ...علاش يانورسين....علاش.
دخلت سيليا...شافاتو..يخزر للارض ومغشش..
سيليا: اللطف عليك . ماعندك شر..
نوفل: واش تديري هنا..
سيليا: جيت نطمن عليك.
نوفل: طمنتي ممكن تفضلي...
شافت فيه ..تبسمتلو جات خارجة شافت تلفونو يصوني كان صامت كوباتو وراحت..
خارجة شافتها قاعدة...عملت روحها تهدر فالتلفون..
سيليا: ايه راهو لاباس...ههه فرح كي شافني..قالي كي شفتك رجعت ليا الروح....
وي..علابالي مازال يعشقني..
شافت فيها نورسين.( كانت عندو علابيها كوبا عليا).خلاتها وراحت.شدت.. طاكسي....يوصلها للدار.....
جاز هذ اليوم..مازالو مقلق علاش ماجاتش عندو...هز تلفونو..حب يعيطلها لقاه مسكر..حطو جيه وسكرو...فاتو يومين وماشافهاش ماجاتش عندو...وهي كلما تجي تمنعها شبيلة
الصباح راح يخرج....جا كريم وشبيلة..صفية وهيبة..خرجوه...وصلو للدار...صوناو...حلت الباب..
شاف فيها ...ودور وجهو..
شافت معاه..وهبطت راسها..
دخلو كريم لشمبرتو....
فاتت شبيلة تعملو سوب....نورسين قاعدة مع صفية وهيبة في الصالون وهو مع كريم...تغدا....ومبعد تمدد يرقد.....
صحابو يجو عندو...يطلو عليه.. صفية وهيبة يباتو معاه....الدار ماتفرغش...وهي منهار جا ماشافاتوش....