72

8.2K 131 0

بواسطة Ffifi1915

بقلم Ffifi1915

💖حبيبي عسكري💖
الحلقة72
يستنا قدام لاسيتي شافها .نزلت من سيارة
منجد: كي عوايدك قحبة ماتتبدليش..
جاية جيهتو
خاليدة: اوو البوص راه هنا...واقيل متوحشني
منجد: اطلعي نحتاجك.
خاليدة: ههه توحشتني بوص..
قرب منها
منجد: وساختك عمري مانتوحشها..ديجا راكي تفوحي بريحة التقوحيب...اطلعي قبل مانسمعك كلام موسخ كيما طينتك..
شافت فيه وركبت...
خاليدة: وين رايحين..
منجد: بلعي...كي نلحقو تعرفي...مانسمعش صوتك ..
سكتت عليه..كمل يسوق حتى وصلو...لكراج...
شاورلو يفتح..حركلو راسو بايه
منجد: قدامي..
فاتت قدامو...دخلو..شدها من شعرها وكف في وجها..
عيطت .. وطاحت..
منجد: علابالي انت رحتي لنوفل..وقلت لو على عملتو مع نورسين.خاليدة: طلق..مني .. ايه انا . ايه انا قلت لو وفهمتو بينك وبينها علاقة..
زادلها كف اخر: ماقلتلكش حطيني في الصورة..وماشي بالطريقة هذي..غلطتي بزاف خاليدة. وجا الوقت نحاسبك..
خاليدة: ماتقدر تدير والو..
منجد: يبالك
...جبد مسدسو...ضرب رصاصة قدامها..
خاليدة: منجد ربي يعيشك ماتقتلنيش..سامحني..
منجد: حرام تعيش قحبة كما انت..
خاليدة: قتلني..ماعليش قتلني نرتاح منك..ومن كلامك لمسوم
منجد: خسارة فيك رصاصة..ياناتنة...
شوفي تدوري بيا ولا بنورسين. نشوهلك خليقتك..يافايحة..ودوك طيري منا قودي اخرجي ..
ناضت ..تمسح في دموعها اشرلهم يحلو عليها الباب..فتحولها وخرجت...
.. طبطبت عليها...سمعتها سمحتلها تفوت..
فريدة: نورسين..مدام انفال تعيطلك على العشا..
نورسين: مانيش قادرة..ناكل..
فريدة: مدام انفال تزعف....راهي مرا مليحة بزاف..وتحب تساعد الناس..ماتكسريش بخاطرها..
نورسين.: اوك...
ناضت بسيف...على روحها...
هبطت الدروج شافتها..قاعدة على الكرسي...وبجنبها ولد صغير...
انفال: ارواحي نورسين..قدمي. ..ماعندكش مناش تحشمي راني غير انا وتيمو...
نورسين: انت تيمو..
ثائر: ايه..اسمي ثائر ويدلعوني تيمو وانت..
نورسين: انا اسمي نورسين..
ثائر: ماما قالت لي راح تقعدي معانا..
نورسين تبسمت معاه
انفال:تيمو خلي ضيفتنا..هبلتها باسئلتك..
كملو ياكلو...ماشي قادرة تحط اللقمة..في فمها من كثر الي صرالها....كملت بسيف وطلعت لشمبرتها...تكمشت على روحها ورقدت....في جهة اخرى ..كان راقد في فراشها...وشاد تصويرتها...هو طلقها ورماها وماعلابالوش وين راحت..غريبة وماتعرفش لمدينة. جات في بالو تروح عند رهف...حب يخليها مكسورة..بالاك تعرف قيمتو وقيمة كلمتو...حب يعلمها درس صعيب تتعلمو حتى تجرب العواقب...نورسين كل مرة توعدو وتخلف ..وهو ماشي مقصر في تأذيبها..يحبها ويعشقها...وكسرتو ..حتى ماتجراش يحاسب منجد...كون تكون راحتلو برجليها...واش راح يكون موقفو قدامو