كرونيك "حبيبي جدارمي "💕 نوفل ونورسين 💕 ؟؟

88

💖حبيبي عسكري💖
الحلقة 88

كان لازم تروح للحمام...ولكن ماعليش دوشت فالدار...عملت لروحها حمام عروسة....جاتها الكوافيرا...طلعتلها شعرها...التاج زينها...مكياج غامق. في عينيها....الي بانو قد الفنجان....جابتلها انفال لاغوب ..بلونش...طويلة من الوراء... مشقوقة من صدرها فصلتلها خصرها ...دارت لافوال....هزت بوكي الورد....
انفال: تبارك الله...ربي يحرسك...
نورسين شافت روحها دمعو عيونها...
تمنات امها معاها...اوحتى مروة تشاركها اللحظة..هزت تلفونها دارت سلفيات وبعتتهم لها....
كمل يلبس...شعرو طالع على جنب....لحيتو بانت خفيفة...سروال كلاسيك نوار..وشوميزي بيضا...بابيون نوار وفايست نوار جاتو مع لاطاي....خرج...عند صفية تصلي على النبي وتزغرت..ولدها عريس....والنور يخرج منو...
صحابو لبرا الكورتاج يستنى..خرج بالزغاريت..والبارود...
مشا الكورتيج قلبها..يخبط..
انفال ومحسن ومنجد وتيمو ورهف يستناو.....
سمعت لكلاكسون...نفسها زاد..قرب حبيبها يخليها تتنسم ريحتو....
وصلو..دخلولها....
قاعدة في الوسط.....قرب ليها ..باسها من جبهتها...قابلو منجد خبط على كتفو..قعد بحذاها تصورو...وقطعو القاطو.....
لبستو لخواتم.....
خرجو الناس قبلهم...والكورتاج مشا....وصلو للدار....ستناوهم يخرجو...من السيارة...
ماخرجوش...
طل كريم لقاها فارغة
كريم: ياوعرسنا هربو..
الكل يضحك...تعالت الزغاريد والبارود...
في سيارة اخرى...كانت راقدة على كتفو....يدها في يدو
نوفل: عملناها بيهم..
نورسين: ههه ...معولين يخلونا نستناو كل الليل..باش نشوفك حبيبي..
نوفل هز يدها باسها: واش يصبرني لليل..والطريق...هذي كامل...
وصلو للاوتيل....نزلها....شادها بين يديه....طلعها ...ورجع يجيب حوايجهم والمفتاح.
حل ودخلها....
قفل الباب برجلو...
يحط في حوايجهم....قعدت على السرير..
نحا لافايست والبابيون..
نوفل: واخيرا..حبيبي رجعتي لي...
نورسين: اخيرا...ياروحي...
رما يدو يفتحلها فلاغوب...نوضها من السرير...حللها الخيوط من ضهرها...طاحت فالارض لاغوب
نوفل: نصلي انا وياك...وندعي ربي مايفرقناش ويرزقنا ذرية صالحة..باسها من جبهتها..دخل يتوضا وخرج..لبست روب طويلة ..فاتت غسلت مكياجها...وتوضات..لبست خمارها وصلات وراه....
كملو ...طلب لعشا..فاتت لبست نويزات بيضا...من فوق محلولة....قعدها في حجرو..يقسمو اللقمة مع بعض ياكل على شفافها وتاكل على شفافو....لابس شورت.ومن فوق صدرو عريان...توحشت..تشوفو هك..وتحس بالقوة الي خارجة منو...في رقبتو القلادة تاعو..رمات صباعها تمسها..يدها يروح ويولي..
شاف في عينيها ودورها على رجليه...