كرونيك "حبيبي جدارمي "💕 نوفل ونورسين 💕 ؟؟

22

💖حبيبي عسكري💖
الحلقة 22..
وصلو للدار...بسيف طلعت. ...
فتح الباب دخلو..
نوفل: نورسين لاباس..
نورسين: ايه..عندي قداش ماركبتش الالعاب ..علابيها دخت..
نوفل: اوك روحي ريحي في شمبرتك...
نورسين: يماك وهيبة يجو..ولعشا مازال ماوجدش...
نوفل: نعيط لشبيلة تجي..انت ماتعييش روحك
نورسين: يعيشك نوفل شبيلة مكالاه وتسمعني كلام خايب..
نوفل: كاشما ماعمرها قالت لك..
نورسين: المرة الي جازت كي ديتلها تغسلك حوايجك.سمعتني محاضرة على حقوق الزوج..
نوفل: ماتديريش عليها لسانها طويل بصح قلبها حنين..فوتي تسطحي ..
فاتت لشمبرتها..نحات حوايجها بسيف....نحات السبادري..مسحت وجها...حطت حوايجها في لخزانه...لبست بيجامتها ...عدات غسلت ودخلت عندو للشمبرة...طول للفراش..
دور شافها رقدت....قرب منها ..يتلمس في شعرها....فمها صغير ووجها صافي...بشرتها حليب ..ومنورة..أول مرة يتمعن فيها.....سمع الباب..ناض يحل.
هيبة: يابابا رجليا طابو..
صفية: ها واش تحسبي هدو سبيطارات وهذا جريان..
نوفل: كملتو..ولا مازال تزيدو تروحو..
هيبة: لالا ياخويا سيبون ماعدش نولي..النتائج تظهر بعد سمانة انت جيبهم...
صفية: نفوت نصلي...من الصبح ماجاتش جبهتي للسجادة..وراهي لعيشة..
نوفل: نروح نجيبلكم عشا..نورسين مرضت شوية..
صفية: االا ياولدي مارانيش قادرة ناكل هذا وين طلقناها من يدينا عند شبيلة هيا تحلف وحنا نحلفو...واش بيها نورسين اللطف عليها..
نوفل: درنا شوية...وركبت فالالعاب داخت...
هيبة: ماعندها شر...نفوت ندوش ونرقد...
عاود رجع لشمبرتو....دخل لقاعا مازال راقدة....شعل ضو خافت قرب للطاولة تاعو ويخدم في شغلو...
بعد مدة شاف الساعة كانت 11:30 تاع الليل...
سمعها تتحرك في الفراش.. دور ليها...ناضت..
نورسين: شحال الساعة..
نوفل:11:30
نورسين: يما وهيبة جاو؟؟
نوفل: جاو وراهم راقظين..
نورسين: ياربي ماتعشاوش..
نوفل: كلاو عند شبيلة ارجعي ترقدي...راح عندها يرقد فيها..ويغطي...شاف معاها...
نوفل: تباني عيانة خلاص..
نورسين: ايه دخت من الالعاب وهذيك الماكلة..وانت تعشيت..
نوفل: كليت فاكية ...
نورسين: مازال باش ترقد..
نوفل: عندي بلون نخلصو. ونرقد الا ديرونجاك الضو تاعها نطفيه ونخدم بالتلفون..
نورسين: لالا خليه...
شافت في عينيه...وهو عينيه فيها...
نورسين: نوفل ماتخلينيش .نضيع بلا بك..
نوفل: ارقدي. راح الحال...
ناض من حداها وكمل يخدم..هبطت لغطا وتتفرج فيه...
عريان من فوق كي العادة لابس سيرفات قري..مزيرة عليه...ويخدم
نورسين( علابالي..بلي كلامي غالط. مالزمش نسيف عليه...اذا هو ماشي حابني...لازم نتعلم نتحكم في روحي...ياربي جسمو يقتل...) دورت لمخدتو تشم فيها.. حطتها في حضنها ورقدت...
بعد مدة كمل. جاء يرقد حوس على مخدتو مالقاهاش.. هز لغطا شافها في حضنها..مسح يدو على شعرو. .تكا وبهدوء نحاهالها..تحركت...قدمت ليه..لقاها حطت راسها على صدرو...ودورت يديها حتى لضهرو..
ماعرفش يتحرك. ( شبيها هذي..ربطتني هكذا...اووف كون نتحرك تفيق...ياربي رقبتي تعوجت) سلم امرو و رقد..