42

9.7K 147 1

بواسطة Ffifi1915

بقلم Ffifi1915

💖حبيبي عسكري💖
الحلقة 42
نورسين: نزلني نوفل....ماقلتلكش..قرب مني...ولا خليني نكون معاك كما فهمتها انت .
رماها على السرير..
نوفل : واش تحتاجي....تحوسي عليها ماعندي حتى مشكل.قلتي تعاملني كزوجة..راني قدامك...واجد
نورسين( خامج مخو ديما لتحت..): نوفل طلبت شويا اهتمام..هذا ماكان كانسانة عايشة معاك..تستحق كلمة مليحة...حتى واش راك..تخرج منك بطلوع الروح...
جبد روحو منها( ياربي نورسين..فهميني...لازم نخليك تحسي بلي راك مرا ومسؤلة...)
نوفل: عاود قرب ليها..تعلمي تحترميني...وتعمليلي حساب...يانورسين...اخر مرة يومين باتيهم برا..وانا نحوس ..عدم مسؤليتك..تهاونك..مايجيبش نتيجة معاي..وراني قلت لك...تعاندي تلقايني أكثر منك...
ناضت من لفراش...رمات روحها في حضنو...دورت رجليها على وسطو ..وحطت يديها على رقبتو..
نورسين: خلاص نوعدك نعقال..ونكبر ...و نولي كما تحب..بشرط..
نوفل: قولي..
نورسين: تخليني اليوم نرقد عندك..نخاف وحدي...
نوفل: ام....اوك...وتبقاي عاقلة ولا نوريلك حاجة..
نورسين: ضرباتو على صدرو..(خامج.علابالي واش توريلي): نزلني..دورك..
نوفل: قبل ماتنزلي...ويني لحرقة تاع التيزانة...
نورسين شافت في عينيه وميلت راسها: علاش..
نوفل: حبيت نشوفها الا برات..
نورسين: شوفها..
نوفل حط شفافو عليها.....تجاوبت معاه بكل رغبتها....انفاسو طعمها مختلف ..انفاس تخليها تتمنى تدخلها في كل جسمها...قبلة خلاتها تندم على كل تصرفاتها..معاه..( اذا كانت هذه اللحظة تكتب في رقعة الذاكرة.لجعلتها ..تعربش في خلايا مخي..)
نوفل: هيا دوكا...شدي بلاصتك ..نزلها للرض
نورسين: نروح نلبس بيجامتي ونجي..
ضحك عليها...راحت تلبس بيجامتها..ورجعت...
شدت بلاصتها حذاه...كان مغمض عينيه وراقد على ضهرو..