كرونيك "حبيبي جدارمي "💕 نوفل ونورسين 💕 ؟؟

74

💖حبيبي عسكري💖
الحلقة74

فات قريب شهر....فيه الكثير من الشوق..والحاجة...حاجتو باش يشوفها قدامو...وحاجتها باش تتحمى بقوتو..وتشوف خوفو....
اليوم....بعد ماطلقها...انتبه لخطيئتو...الى ان نورسين الصغيرة الي يعشقها تملي دارو..راحت من يدو.كانو كان مغمض وفطن.. اول باب راحها رهف...واول باب تغلق هو نفس الباب .كي قالتلو ماجاتش عندها.....وماشافتهاش ...حتى للجامعة ماجاتش....جن جنونو....ومالقاش وين يروح...ضاعت منو....للحظة حبس عن التفكير....عيط لخليل باباها...عمل روحو يسقسي ..فهم بلي مارجعتش للدار...الندم يانوفل ..ماينفعكش...الندم بعد فوات الاوان ملح....يذوب في البحر...يعني لاياثر....ولايقدم.ولايساهم الا في الضياع......
بدات خدمتها مع مدام انفال الي كانت شريكة...منجد في لاجونس....الكل عرفها تعلمت الخدمة بزربة شاطرة وتحب تبين شخصيتها...جوب ميني رووج...فيست كلاسيك بيضا قصيرة...طالون غوج....نوار فوق عينيها....واحمر صارخ في شواربها شعرها اشقر...بعد ماكان اسود..كالليل...هذي نورسين الجديدة تمشي بكل ثقة..
انفال: نورسين..اليوم تروحي معايا.. عندنا كريش نجوزو نتفقدوها راح نستلمو مهمة تأثيتها..انا وكامل فريقي. ..نطلعو على كل شيء...واش يخص وواش يلزم..وانت بحذايا سجلي كل شيء...واكتبي ادق التفاصيل
نورسين: اوك مدام....
في قمة حيرتو...وغصة قلبو....صونا تلفونو
نوفل: احتراماتنا حضرات
كولونيل: كابتان نوفل ..صور لاكريش الي قلت لك عليها راهي واجدة
نوفل( اوو ياربي نسيتها كامل): مازال شوية..حضارات
كولونيل: اليوم نحتاجها...كابتان نوفل..
نوفل: ان شاء الله حضرات...احتراماتنا...
رما وراه تفكيرو...اتصل بكريم..باش يجيب معاه...بعض الخدامة....ويتلقاو في لكراش..فات يلبس الكومبا..تاعو.وينزل للميدان