كرونيك "حبيبي جدارمي "💕 نوفل ونورسين 💕 ؟؟

83

💖حبيبي عسكري💖
الحلقة 83
خرجت شادة..في يدو...وصلت للباب طلقتها
نوفل حس بها كي كانت ماشي في رغبتها ممكن خوفها من بلال خلاها تمشي معاه
نورسين: وصلني لدار انفال .
نوفل: علاش نورسين ياك قلنا باش تمشي معايا..
نورسين: اعطيني وقت..
نوفل: حرام عليك نورسين راني نتعذب في بعدك...حرقتي روحي..
راحت ركبت ...لحقها...وصفتلو الدار...طول الطريق ساكتين...
وصلها..نزلت ونزل وراها
نوفل: نورسين...قرب منها نتمنى بعدك مايطولش...حسي بيا..وبقلبي..حسي بحبي. وبحاجتي ليك...
شافت فيه..ملامحو عراها الحزن...منهك في بعدها تبان عليه علامات الخيبة والندم..قربت منو اكثر حطت يدها على وجهو..نورسين: نوعدك نجرب نرجعلك في اقرب وقت..ماتضغطش عليا الشي الي فات ماشي قليل علينا لزوج..حط نيفو عليها يديهم في يدين بعض..دموعهم سبقتهم
نوفل: نورسين...قلبي راه معاك..وعقلي ديتيه..تاكدي لهذ اللحظة راني حاب نهزك ونمشي بك...لبلاصة تكوني ليا وحدي..نتامل فيك وفي براءتك ونطلب السماح من روحك..ياعمري
نورسين: حبيبي....مانيش قليلة عليك الي نحس فيه...راني نتعذب في غيابك...ونحوس على ظلك يحتويني...بارد كل شيء وانت بعيد..
لصق شفافو عليها خذاها بين يديه...تجاوبت معاه بكل احاسيسها وشوقها...كمل يبوس فيها....وهي تقرب في فمها اكثر تبلع في ريقو ماشي حابة تضيع قطرة منو...تخبيه في جسمها يمدلها الطاقة باش تكمل الي جاي..
بعدت عليه..دموعها تخلطو بفرحتها..شافت معاه وراحت. عينيه يترجاوها..وقلبو يطلب فيها مسح دمعتو. وراح يركب كل مرة يدور عندها حتى شافها دخلت...
قفلت الباب ودموعها..على خدها قابلها تائر هزتو تبكي وتحضن فيه..ماشي فاهم واش بيها..حضنها حتى هو ويسكت فيها
ثائر: اسكتي نورسين..ماتبكيس ونعطيك لعسكلي تاعي..
نورسين بعداتو: راني عندي واحد كبير وحقيقي..هو الي نبكي عليه تيمو..حط يدو على فمو: اه..نولسين..عندك كبير كثر من هذا
نورسين: ايه..
ثائر: اديني عندو حبيت نسوفو
نورسين: اوك..نديك ...باساتو خلاتو وطلعت لبيتها.
طول الطريق يخمم في لحظة القبلة بينهم يعاودها..بكل جوارحو...(راني ندفع في غلطتي..بكيتها وخليتها مهزومة..واليوم راني نحس في واش راهي تحس هيا...صعيب يانورسين..صعيب بعادك ...ولكن املي بلي ترجعي يخليني نستناك)..
وصل للدار. .دخل يماه وهيبة وجدو لعشا....فات لشمبرتو وماخرجش..عيطولو ماحبش ياكل....
صفية قلبها تحرق على ولدها...تشوف فيه راجل يعفص على قلبو..ويبان بقوتو وهو من الداخل طفل صغير..يحتاج شكون يسند عليه.
......
بلال راح مع منجد....حكالو على شكون دلو على مكان نورسين عرفها خاليدة..عطاه شوية دراهم...وفهمو يبعد على نورسين..وهي خلاص رجعت لراجلها...طبعا بسيف قنعو اما بلال يموت على الدراهم شوية مساومة بينهم....وداهم رزمة على قلبو وحلفلو مايتعرضلها وغدوة يرجع لعاصمة....
عيطلها فالتلفون ماجاوبتش..علابالها يحاسبها على عملتها.....خاليدة: هاه سي منجد علاش تعيط...ياخي حالة. ولا دوكا توحشتني..نعبو راستك ياخامج...
تعدل في روحها ..وخارجة تسهر..قهرها كبير انها ماوصلتش لنوفل....تمنات تقربلو...ولوكان تدي من عندو لقليل يرضيها اما نوفل ماشي لاتي بها..خلاص وعلابالها ماتاكلش معاه خلاص.....
.......
مدام انفال مازالت في البيرو تخدم...العشرة تاع الليل وهي غارقة في خدمتها....منجد خارج من مكتبو نسا حوايج ورجع يديهم شاف الضو..شاعل في مكتبها فات عندها