كرونيك "حبيبي جدارمي "💕 نوفل ونورسين 💕 ؟؟

49&50

💖حبيبي عسكري💖
الحلقة 49
: كمل يلبس.. .خرجت. عندو شدتو من يدو..وحطت راسها عليه...
شد على يدها. غطاها لبلافيست تاعو.طفا الضواو..وخرجو..
طول الطريق ساكتين.....وصلو . قارا الطونوبيل..وراح نزلها.هزها بين يديه وغطاها بلافيست وطلع..فتح ااباب دخلها محاوطاتو بيديها مشاها..حتى وصل قريب لشمبرتو..
نوفل: وين نحطك...
نورسين: نرقد عندك...
نوفل: بدلي حوايجك..ورواحي..
نورسين: اوك..نزلني....
نزلها...باساتو من خدو .
نورسين: السهرة عجبتني...حبيبي...ربي يخليك ليا...خليتني نريح بزااف..
نوفل: ام...الاختبار في بدايتو...انت وشطارتك..ونسهرك كما تحبي...ودوك روحي...بدلي...خمس دقائق تتوخري نقفل الباب..
نورسين: ياي نوفل..حرام عليك...
راحت تجري...بدلت لاروب....مسحت مكياجها لمت شعرها...جبدت شورت تاع بيجاما..وتريكو..
نوفل ..كمل نحا حوايجو...دخلت عندو...
نورسين: خليني نرقد من..
نوفل: ههه علاش..
نورسين: نبدل..البارح رقدت على هذ الجيهة اليوم حبيت هذيك..
نوفل: اوك براحتك...
فاتت ترقد...عدلها المخدة..وغطاها..
نورسين : نوفل..راك نسيت حاجة..
نوفل: واشنو...
نورسين مدتلو خدها...
نوفل قرب باسها..حستو ياكل فيها...وبعد..راح لبلاصتو..غطات راسها تبسمت ..وغمضت عينيها..
نوفل شاف فيها...( واش يدور في مخها....ماعرف .حبستني في الوسط..وبعدتني عليها...اول مرة رقدنا مع بعض..صحيح كانت شهوة وخلاص...واليوم كي حبيتها أنا وكانت رغبتي..حطمتها...علاش يانورسين...راني خايف...يجي نهار وتبعديني منك)...
دور عليها ورقد....
..
شبيلة: كريم.....كريم.
كريم : حرام عليك راني رقدت..
شبيلة: كاشما راك عارف ومخبي عليا..
كريم: زعمة واش نعرف..
شبيلة: جارتنا الي تحتي..مرت فتحي البيسية قالت لي...شافت نورسين ونوفل خارجين...لعشية كانوا في حطة..ماتعرفش وين راحو..
كريم: اوووف شبيلة..تموتي على التقرعيج اخطيك من الراجل..خليه يعيش حياتو..انا دوك نبقا نتبعو..وين راح مع نورسين..وواش زاد دار معاها
شبيلة: بوه عليك كريم هذا خويا.ومن حقي نخاف عليه..
كريم: الليلة باينة مافارياش..
هز مخدتو ..غطاه وخرج..
شبيلة: روح..ماعندي مانديرلك..ننذب عليك..اواه كاينة حاجات تصرا من ورايا..
نعرفها..ديجا حكاية لقاها فيارج..مزال ماخربشتش موراها...
حطها قدام لاسيتي...دخلت..تتمايل..حيط يديها وواحد يجيبها حياة تستنا فيها.خرجت دخلتها وفاتو..

💖حبيبي عسكري💖
الحلقة 50
صباحي بقربك هو النعيم الذي نسيته كيف يكون
عدلت روحها في فراشها....باقية تتفرج معاه...جسمو الي يخلي قلبها يضرب..وريحتو تديها لعالم وردي.....تتأمل فيه...شافاتو بدأ يحل عينيه...تبسمت معاه..
نوفل: صباح الخير...
نورسين: صباحك الخير ياكسول..
نوفل : تعلمت الكسل منك..عديتيني كي فتي شمبرتي..
نورسين شنفت عليه..وجات نايضة.
شدها ليه ..كانت تحتو....
نوفل: علاه تديري فالشنوفة..تولي باشعة..
نورسين تحاول تهرب منو..: خليني...نوض..
نوفل ولوكان مانخليكش...واش تديري
نورسين: نعيط..نسمع بك الجيران..
نوفل: جربي...وتشوفي واش يصرالك..
حلت فمها تعيط...مع بدات...سكتها ....بشفافو حطهم فوقها.......باسها بوسة وحدة كبيرة خلاتها تسكت
نوفل: ودورك تزيدي تعيطي..
نورسين: حركتلو راسها لالا...
ناض من عليها خلاها..هز منشفها من لخزانة ..وراح
.
نورسين بقات تمس في شفافها..ضحكت وراحت لشمبرتها....
ناضت راسها يسطر...بسيف تحل في عينبها.. فاتت للدوش .نص ساعة ورجعت..
تلبس وتهدر
..خاليدة.: حياة مبعد عطيني ليبوليكوب ..تاع لكور..الجايين
حياة: علاش..وين رايحة...
خاليدة: ماشي شغلك..
حياة: ايه روحي أسهري..وسكري وانا نلم فيك من برا ونجيبلك ليكور..
خاليدة: ماراكيش تديري فيا مزية..الا ماعينكش..قولي لالا..ماسيفتش عليك..
هزت لافيست تاعها وخرجت...
حياة بقات ساكتة علابالها بلي . ماتحبش ترد عليها الهدرة كون تحاوزها ماعندها باش تعيش.....
......
حطت لفطور.....خرج يعدل في روحو....سروال الكومبا والصباط..تريكو نوار من الداخل مزيرلو صدرو ..ويديه...هاز لافيست في يدو....دخل يفطر...
نوفل: وقتاش معولة ترجعي للقراية..
نورسين: بالاحد...ان شاء الله..
نوفل: اوك...لعشية نخرجو نشرو..واش تحتاجي..
نورسين(واو...ابو عظلات راح يخرجني منين طاح عليه الحنان)
نورسين: اوك...حبيبي..نستناك ماتتوخرش .
نوفل ناض باسها من خدها عملها باي وراح...
......كملت خملت الطابلة. .وراحت لشغل الدار....
شبيلة تلبس في ولادها رايحين يقراو..كريم قلقان وماهدرش معاها على ليلة البارح...
شافت فيه..شنفت.. وقفلت الباب....
هبط هو ولادو......قدام الطونوبيل يركب فيهم...جازت عليهم طفلة....حبست تسقسي فيه..
رهف: صباح الخير...
كريم: صباح النور..
رهف: من فضلك..انا جيت عند وحدة حبيبتي..تسكن قالولي في هذ البلوك..مرت نوفل اسمها نورسين...
كريم: ايه...هذاك صاحبي وخو مرتي...راك وصلتي قدامك طول..اطلعي دوزيام ايطاج..على يدك اليسار..
رهف: ميرسي يعيشك...
فاتت رهف....للبلوك..كما وصفلها كريم....صوانات وبقات تستنى...
نورسين: شكون...
رهف: انا نورسين رهف..
فتحت وماشي مصدقة..
نورسين: رهف..اهلا جوزي..راك مليحة..
رهف: يجوز ليك الخير حمدلله..
نورسين دخلتها لصالون.
نورسين: كيفاش حتى زورتيني..
رهف: اولا سمحيلي جيتك مبكرة هذا هو الوقت لي عندي نقرا على 9:30 ومانخرجش حتى للخمسة. قلت نجيك دورك نطمن عليه وماعنديش رقمك.
نورسين: ياعمري...مرحبا في اي وقت ..نحطلك قهوة حليب راهي سخونة....فاتت معاها للكوزينة حطو يشربو ويحكو...حكاتلها على واش صرا مع خاليدة....وخوفها منها