لمن داومت لمى بالجامعة جان عدهة اهم شي دراستهة وطبعا جانت وياهة صديقتها الي سون اثنيناتهن الانسيابية وقدمن نفس التقديم وطلعلهن نفس الجامعة والكلية والقسم والشعبة وصديقتها اسمها حنين
حنين بنية اهلها ناس محافظين بس عدهم نوع من التحرر بمسألة الدراسة صح متدينين بس عدهم البنية لازم تدرس حتى توصل وتكون الهة شهادة وابو حنين جان انسان مثقف وامهة انسانة بسيطة وعائلة حنين جانوا يحبون لمى كلش مرت الايام الاولى بالجامعة لمى جانت بعيدة عن البقية هية وصديقتها حنين بس بعد حفلة التعارف الي جانت بسيطة بحيث كل كل طالب ينطي اسمة ومواليدة وعنوانة ومن هالسوالف والبعض جان اجرأ من هالشكل بحيث يمزح او مثل منكول ينكت وبعد فترة من الدوام بدت لمى تنعجب بطالب وياهة بالقاعة جان كلش مؤدب وهادئ مو مثل البقية وشخصية نادرة مو طايش وعبالك جاي من كوكب مابي بنات لا بالعكس جان كلة رزانة هوة جان نوعا ما ينظرلهة بأعجاب بس من سولفت لصديقتهة حنين هذا الشاب الي اسمة جواد ودار بينهن حوار
لمى :حنين احس جواد يباوعلي من جوة ليجوة ومرات الكي صافن علي
حنين:عفية لمى لا يروح بالج بعيد جواد يحب مها وحتى مصارحهة وهية رافضتة
هنا لمى كلش انقهرت لأن جانت تتصور هوة معجب بيهة بس بعدين كالت وية نفسهة حتى لو جواد راد مني علاقة اني مااكدر اخوض بهيج شي وانزل راس اخواني وابوي وتربية امي وتعبهة واسوي علاقة وية واحد.مصارلي كم وقت من شفتة
وبدت لمى يوم تنظر بأعجاب لجواد ويوم تتصارع وية نفسهة حتى تبتعد عن هيج شي
وكونت صداقات وية ٣ بنات وحدةمنهم مسيحية اسمها دينا ووحدة اسمهة زهراء ووحدة زينة وصاروا كروب وكروبهم جان كلش حلو بس صديقتهم المسيحية جانت تتعرض لمضايقات من الشباب الوياهم جانوا بين فترة وفترة يجون يطلبون علاقة منهم والي جان يوكفهم عند حدهم لمى كونت شخصية قوية وجانت متميزة بمستواهة الدراسي الممتاز
وبدة كروب جواد يتقربون من كروب لمى من يشوفونهم واكفين يجون جواد واصدقاؤة اثنين يوكفون يمهم ويتبادلون اطراف الحديث عن الدراسة او عن امور اخرى
وجانت لمى تشوف جواد دائم النظر الهة وبيوم من الايام جانت لمى واكفة بباب مختبر الاحصاء واجت بنية وياهم بالقاعة
اسمهة هبة( طبعا هبة جان يداوم وياهة اخوهة زياد هوة اكبر منهة بس ممتحن سادس خارجي وداوم وية اختة بنفس الكلية ) اجت هبة للمى وكالت الهة: اني جاي الاحظ جواد يباوعلي نظرة اعجاب
بهذا اليوم لمى انسطرت حتى من دخلت محاضرة احصاء كلشي ماافتهمت صار بداخلهة صراع جزء يكللهة معجب بيج بس انتي وجزء يكللهة لا هذا ابو بنات ويريد بس مجرد ميسوي علاقة وية بنية وبس
من يومهة لمى اخءت وعد انه مالهة دخل بجواد بعد واذا صدك يحبهة يجي يفاتحهة بالموضوع
بدت تتهرب من الوكفة يمة
بعد مرور فترة شهرين وجانت امتحانات كورس اول وتقديم تقارير وجانت لمى متفوقة ودرجاتها اعلى الدرجات بمرحلتهة صار عيد ميلاد لمى وجابت كيكة وعصاير وسوت حفلة بسيطة لصديقاتها بحديقة الجامعة بجانب بعيد عن الانظار واجة طالب جان وية لمى بالخط وقدم هدية للمى وصارحهة بكونة يحبهة وشاريهة ومستعد يخطبهة
هنا تخبلت لأن رغم طلشي بعدهة معجبة بجواد وتريدة هوة دونا عن غيرة من الشباب
رفضت هذا الطالب وجان رفضهة كلش جاف قاطعتة وحتى كامت متسلم علي وقررت بعد حتى متروح بالخط حتى متشوفة وتحتك بي
والولد عرف هذا التغير سببة رفضهة الة وحنين قنعتهة انه يخلصون بس هالسنة بخط وسنة الوراهة الله كريم شوف شلون تصفى
ومرت الايام ولمى بدت تشوف شلون نظرات الاعجاب تلاحقهة من الاخرين بس جانت تقابلهة بجفاء كبير وبعد مرور وقت كانت عند لمى مادة دراسية جافة والامتحان بعدلة يومين فكان عدهم دكتور من يدخل يخلص المحاضرة يحاضر حتى بدون مايسجل حضور فقررت هية وصديقتهة يضربون هاي المحاضرة حتى يقرون مادة الامتحان بس شاءت الاقدار انه الدكتور يسجل حضور
من خلصت المحاضرة اجة جواد وصديقة حيدر (حيدر جان معجب بدينا )
حيدر: شلونكم بنات
لمى :هلو
حيدر :لمى ترة الدكتور سجل حضور واني كتبت اسم دينا بورقة الحضور وجواد كتب اسمج بس الدكتور رجع صاح الاسماء وسأل عنكم
الدكتور:لمى ودينا وينهم
سكتوا الطلاب
الدكتور :اذا همة مموجودين منو سجلهم حضور
حيدر:استاذ احنة سجلناهم لأن خطبة همة ميدرون انتة اخذتنة محاضرة عدهم امتحان
سكت الدكتور وماحجة
هنا لبنى وجهة صار احمر دم من الخجل وجوادجانت اكو نظرة اعجاب وابتسامة رضا
لمى :شكرا بس ليش احرجتوا نفسكم وخليتوا روحكم بموقف وية الدكتور؟
جواد :عادي مسوينة شي كلنة نساندكم لأن جاي تقرون
دينا :ترة اني من ادخل محاضرات هذا الدكتور انعس واريد بس انام وكلساع اتثاوب
الكل:هههههههه
رجع كلب لمى يدك مرة ثانية لجواد
ومرت الايام وصار خلاف بين لمى ووحدة من بنات القاعة لمن اجاهة حجي انه هاي البنية تنتقدهة وتحجي عنهة راحت لمى لهاي البنية واخذتهة لقاعتهم وبوكتهة جان الكل طالع برة القاعة دخلت لمى للقاعة وشافوهة كروب جواد اجوي دخلوا للقاعة وكروبهة هماتين
لمى: نور عيب عليج تحجين علي بظهري عندج حجي او نقد تعالي واجهيني بي
نور: منو كالج اني احجي عليج اني ماحاجية
لمى: نور لاتنكرين رجاءا بس هالمرة سويتيهة مرة ثانية اذا جانت اكو مرة مرة ثانية وانفتح مثل هيج موضوع متلومين الا نفسج احنة هنا جايين ندرس مو ناس تنتقد ناس وتحجي عن الاخرين وتشوه سمعتهم طريقتج حتى تتزلفين وتتلوكين للاخرين خاطئة انتي انسانة اكاديمية المفروض تكونين على مستوى من الثقافة
جواد: حجة بعصبية وهوة يشمر بأيدي
نور بطلي هالحركات عيب عليج تطعنين ببنات خلك الله (طبعا جانت لمى كاعدة وتجة جواد كعد بصفهة)
ارتبكت ومعرفت شتكمل وشتكول لنور
لمى بأرتباك :اتمنى هذا الموقف ميتكرر بعد احنة هنا جايين ندرس مو نخلصهة قال وقيل عيب
نور: (ساكتة ومدنكة وكامشة نهاية حجابهة وتحرك بي بصورة ارتباكية ) شوية وحجت لا هذا هو بعد ميتكرر ان شاء الله
ومرت الايام وصارت امتحانات اخير السنة وجواد يحاول يتقرب من لمى بكل الوسائل بس صديقاتهة من جانت تكللهم احسة يباوعلي بأعجاب يردون عليهة متوهمة انتي
أنت تقرأ
ابطال رغم الخسارة
ChickLitقصة تحكي كيف نمر بصراعات في الحياة ونتغلب عليها رغم فداحة مانقدمه من قرابين بعضها يكون مادي والاخر معنوي تحكي قصة فتاة كانت تعتقد انها تحب من طرف واحد واكتشفت في يوم ما ان الحب متبادل لكن بعد فوات الاوان بما إنني مبتدئة ارجو عدم انتقادي بصورة لاذعة...
