نقولها كثيراً هذه الكلمة والبعض منا يركض جاهداً عله يغير شيء لكن رغم ركضه ومحاولاته لن يغير شيء فكل شيء كُتب في لوحٍ محفوظ فنعود لنودع الله شتات امورنا فيما سنلاقي في طريق الحياة الذي يكون وعراً في الاعم الاغلب لأننا لم نجد الورود المختلفة الالوان تملأ طريق احد فلكل منا متاعب ومصاعب يواجهها وتكون مختلفة من شخصٍ لآخر الا ان اقوى المعارك في معترك الحياة تُعطى لأقوى الجنود لذلك لاتجعل الحياة بصعوباتها تخيم بظلال الحزن والوجع وتجعل تلك الابتسامة الجميلة تختفي من على مبسمك فيصبح وجهك مظلماً وتبتئس كلا اجعل للأمل طريقاً الى قلبك وخواطر نفسك لتعم البهجة نفسيتك
واهجر كل من يحاول إن يُحزنك او ينتقص منك فلكل منا موهبة خاصة ميزها به الباري عز وجل وجعلها السمة البارزة فيه والتي لا توجد في غيره
ولا تجادل شخصاً تعلم إن الجدال معه لا يؤتي بنتيجة ويظل جدالاً عقيماً
ولا تكثر التفكير في غدٍ فللغد رب نوكله كل امورنا وماضاع عند ربك شيء اودعته اياه
وكُن على يقين إن كل شيء تمنيته ولم يكُن لك فأن لله حكمة في ابعاده عنك وابعادك عنه
اضحك وافرح ودع السلبيات واهجرها فلا نعلم متى نحن مفارقون هذه الحياة
وبدة يوم آخر في حياتي المعتادة جنت كاعدة اقرة امتحان واجة دلشاد وكف كبالي
دلشاد... السلام عليكم
لمى .... وعليكم السلام ورحمة الله
دلشاد... شلونج ،اخبارج ؟
لمى ... الحمدلله ،انتة شلونك ،اخبارك؟
دلشاد... على خدا
لمى... بأبتسامة هاي شي جديد
دلشاد .. تعودي تسمعين مني اشياء بلغتين او بالاحرى اجمع بين لغتي ولغتج حتى ماتضيعين
لمى... بداخلي حزن لأن راح اخيب آمالة وظنونة ، جاوبتة..الله كريم
دلشاد.. اشوفج باردة بالرد اتمنى اكون غلطان
لمى.. دلشاد فاتحت اهلي بموضوعك واهلي رفضوا رفض قاطع وعللوا رفضهم بكون ارتباطي بيك لا بصالحي ولا بصالحك بصراحة جنت اتمنى اردلك غير رد بس مااكدر اوكف ضد رأيهم اتمنالك تتوفق وية الاحسن مني .
دلشاد .. مااتمنيت غيرج وللموت راح ابقى اذكرج لأن مستحيل انسى انسانة مثلج وخلي ببالج اني هم مااريدج توكفين ضد اهلج لأن اليبيع اهلة يبيع كلشي لأن الاهل شي مايتعوض الله يوفقج ويوم الاشوفج بأعلى المراتب لأن تستاهلين كل خير يا وجه الخير .
لمى .. طبعاً حزنت حزن يختلف عن كل فترة حزن مريت بيهة حسيت من صدك ضيعت فرصة ذهبية بس اتحسبت ربي خير وكلت لو جان مكتوبلي ميصير لغيري .
دلشاد .. اني اترخص منج ، بس اذا امكن خلينة بهالفترة اصدقاء حتى لو مجرد شي بسيط بيني وبينج سلام ومن هالامور بس حبيت اكلج انه حيدر الولد الدائماً واكف وياج اجاني وهددني واتجاوز حدودة بس سكتت منة حتى مااسببلج اي احراج وحتى متنكال عنج كلمة موزينة لأن متستحقين الا تنذكرين بكل خير ، اودعناكم
لمى .. مع السلامة
طبعا كلش ضجت ولو ينعاد الزمن وسبق وكلتهة جان غيرت هواي سيناريوهات بحياتي ،مع الم رفضي الة ما لح ابد ولا فرض نفسة ولا عجج بصوت عالي بالعكس دخل بهدوء وطلع بهدوء وبكل كياسة واحترام حسيتة رجل بكل معنى الكلمة .
كملت الامتحان وطلعت للبيت بدون مااخذ اي محاضرة وبدون مااحجي وية احد بأستثناء السلام العادي طبعاً بنات كروبي ماخليتهم يحسون بشي لأن سبق وعللت السبب طلعت للبيت لوحدي حتى بدون مااكول لحنين وصلت للبيت تعبانة وحزينة استغربت امي
لمى .. شلونج يوم
امي .. هلا ببعد طوايفي
لمى.. ماما راح ابدل وانام مااريد غدة من اكعد اتغدة
امي .. بكيفج
بدلت ملابسي وتلفلفت بالفراش ونمت بعدني هستوني اغفى ودك الموبايل 📲
باوعت عالشاشة حنين يتصل 📲 فتحت خط
لمى ... الو
حنين .. الوات لمى وينج دورت عليج الجامعة ماكو
لمى.. حنين اني بالبيت رجعت من وكت لأن مالي خلك اي شي
حنين.. والله هالايام صايرة مدري شلونج متخبلة
لمى.. يجوز
حنين .. يااللة عيني مع السلامة
لمى.. الله معاج
سديت التليفون ورجعت نمت بصراحة ماحسيت بشي بس والدتي تكعدني
امي .. يمة لمى اكعدي دنيا غروب ميصير تنامين هالوكت
لمى.. اي يوم هسة شوية واكوم
امي.. والله يايمة احوالج ماعاجبتني كلش مدري شلونج صايرة مو ذيج انتي الجنتي بس تقلدين وتضحكين
لمى.. ماما مو امتحانات ومنا البحث مال التخرج
امي.. الله كريم يوفقج رب العالمين ويسخرلج خلقة لكل خير
لمى.. تسلمين على هالدعوة الحلوة
امي .. كومي اتعشي ومناك مامتغدية كومي يايمة اتوضي وصلي واتعشي ويحلهة ربج تخلص يايمة وتصير سوالف
لمى .. اي هياتني راح اكوم
كمت اتوضيت وصليت واتعشيت
اجيت للمحاضرات اشوف شكو ماكو اتذكرت اليوم امتحنت وطلعت بدون مااخذ اي محاضرة وحتى ماسألت حنين على شي
عفت المحاضرات اجيت اخابر حنين عالمحاضرات بس بعدين كلت لا خلي باجر اشوف شخذوا ماخذوا من محاضرات وانقلهن خلي اكتبلي كم صفحة من بحث التخرج مادام مابقالي شي بس اشياء بسيطة
كعدت اشوف شنو مهم واكتبة واتذكرت شلون دلشاد ساعدني بس عفت البحث وحضرت ملابسي وجدول محاضراتي ونزلت كعدت جوة حتى اهرب من كلشي يذكرني بي وحتى مااكول لو ولو والوم نفسي واخلصهة حسرات شي راح وانتهى
التهيت وياهم سوالف وبيبي تسولف على ايام قبل وعلى عيشتهم رغم بساطة الحال بس حياتهم حلوة الجار يتأمن على جارة ويتقاسمون كلشي مو مثل هسة بس حسد عيشة وناس تحسب على ناس وشلون الرجال وفي ويقدس الحياة الزوجية بحيث زوجتة واطفالة همة كلشي بحياتة عكس واقعنة الحالي تماماً وبقوا يسولفون الى ان الكل نام بقيت اني صعدت حتى انام مااجاني النوم طلعت دفتر مذكراتي وكتبت مقتطفات عن يومي اجتني رسالة على مو بايلي من رقم غريب
*ليش الفرح لحظات والهم ليالي هوة الفرح ممنوع لو سعرة غالي *
استغربت الرسالة ووقتهة والرقم الغريب بدون اي اشارة تعريفية لصاحب الرسالة كلت بكلبي ياخبر بفلوس باجر ببلاش
تمددت واتذكرت ايام ماعندي هم بس هم الامتحان هسة لا كثرت الهموم وهاي حسيتهة ضريبة التقدم بالعمر نكبر وتكبر الاهتمامات والمسؤوليات وتبدي الحياة تعلمنة دروس بس مقابل ايام من عمرنة ومشاعر مجروحة بعضها وبعضها نخبي ومانبوح بي حتى مايُعتبر نقطة ضعف مرت الذكريات البعضها سعيد وبعضها حزين بهالاثناء غفيت ماحسيت بس على صوت المنبه كعدت غسلت واني مومثل كل مرة اكو حافز بس بعدين لا ضجت من نفسي شايفين لما تضوجون كلش وتبدون ترزلون نفسكم هالشكل صرت 🙄
وكلت هذا هو صفحة وطويتهة اليوم غير وحنة عمرنة ايام وكل يوم يمر يعني راح مايرجع ومن عمرنة صبحت على والدي ووالدتي اكلت شي بسيط🍳 وشربت شوية جاي☕ وطلعت لبيت حنين دكيت الباب وطلعتلي صبحت عليهة ومشينة للفورتات 🚐 اثناء ماجاي نمشي حنين حسيتهة تريد تسألني
لمى.. كولي حنين احس اكو شي تريدين تحجينة ومترددة احجي
حنين .. اي والله بس مو تضوجين .
لمى.. لا عادي ليش اضوج
حنين .. لمى انتي هواي متغيرة مو مثل قبل احسج بعيدة كلش عنا موذيج الاعرفج غير عن قبل معزولة حزينة مزاجية
وللقصة تتمة عسى إن تنال اعجابكم
دمتم بأمان الله وحفظه
روح🌧
أنت تقرأ
ابطال رغم الخسارة
ChickLitقصة تحكي كيف نمر بصراعات في الحياة ونتغلب عليها رغم فداحة مانقدمه من قرابين بعضها يكون مادي والاخر معنوي تحكي قصة فتاة كانت تعتقد انها تحب من طرف واحد واكتشفت في يوم ما ان الحب متبادل لكن بعد فوات الاوان بما إنني مبتدئة ارجو عدم انتقادي بصورة لاذعة...
