انتهى يومي الحسيت نفسي اني بطلة رغم خسرت صديقاتي بس ربحت نفسي واستفدت من هاي التجارب رغم المها
صدك لوكالوا الضربة الماتموتك تقويك صرت قوية جدا مااتفاعل وية شخص احس الصارلي انطاني جرعة من القوة وخلاني اوكف شامخة مرة ثانية مجرد مانمت وكعدت تغيرت ٣٦٠ درجة هذا الواقع ولازم اتقبلة وماابقى متمسكة بوجود الاخرين اليريدني ويحب قربي ياهلا بي واليروح الله معا تعبت من عتابي وية نفسي وتأنيب الضمير ليش اتصرفت هالشكل وليش جرحت هذا اريد اعيش السلام النفسي الداخلي...
طبعا اول ماكعدت رحت للمطبخ جان وكت عصرونية واني مامتغدية اتغديت وكملت شفت امي كاعدة يم بيبي يشربون جاي ويسولفون احسهم اخوات مو ام وبنتهة لأن امي من تعب الدنيا والظروف الصعبة المرت بيهة كبرت عشرات السنين قبل اوانها التجاعيد غزت وجهها وكل تجعيدة الهة قصة تشيب الراس ماشفتهة بيوم تبرجت لو طلعت تتونس ابدا ولا شفتهة كعدت بباب تسولف بالعكس جان كل وقتهة خدمتنة وجانت تحس بكل واحد بينة شبي تشخص تشخيص غاية بالدقة بس من كبرت استغربت شلون والدي مابيوم من الايام حب عليهة او خانهة احسدهم على ايام قبل وتقديس الحياة الزوجية اذا كان الخوانين عشرة فكان الاوفياء عالم خاصة بمجتمعنا الشرقي لكن في الوقت الحاضر انقلبت الاية اصبح الاوفياء لزوجاتهم نادرون جدا هذا إن وجدوا .
المهم كعدت يم والدتي وبيبي واسمعهم سوالفهم الحلوة وشلون وحدة تسولف للثانية على ايام قبل شربت جاي وياهم وامي سألتني
امي ... شبيج يمة اليوم اجيتي لا سلام لا كلام كبل للغرفة ونمتي ؟
لمى.. لايظل ببالج يوم تعبانة من المحاضرات وشوية ضايجة راح تخلص الجامعة وين الواحد يروح تعيينات وبس للواسطات
امي... الله كريم يمة ربج مايسد باب الة يفتح الف باب
لمى ... والنعم بالله
كمت من مكاني رحت للغرفة طلعت المحاضرات نقلت قسم منهن من دفتر الكشكول لدفاتر المحاضرات والباقي قريتهم حتى اطلع عليهن واكون فكرة طبعا هاي العادة مستمرة عليهة مو يعني صرت بالجامعة ماكو دراسة لا بالعكس اجتهدت اكثر وبهالفترة كدرت اخلص بحث التخرج واقدمة قبل الكل وجان المشرف عالبحث دكتور عبدالله طبعا بقت علاقتي بي بمنتهى المهنية وماجنت اروحلة لوحدي الا وياي وحدة من البنات حتى مايفتح الموضوع نهائياً
طلعت ثاني يوم للدوام ومريت على حنين
لمى... صباح الخير
حنين ... صباح النور
لمى.... خلصتي بحث التخرج بعدج ؟
حنين ... لا والله بعدلي شوية رتوش واخلصة واسلمة ؟
لمى ... خير إن شاء الله
حنين ... لمى ترة بعد كم خطوبة زهراء على محسن الولد الاسمر الويانة بس بالشعبة الثانية وازيدج من الشعر بيت ترة عن حب
لمى ... 😐 شوكت حبتة موجانت عدهة علاقة بحيدر وهم جان صديقة
حنين .. انتي اخبارج قبل ست اشهر جاي احجيلج بعد ست اشهر اني كلهة اخبار تازة .
المتعرفينة حيدر مو صارت بينهم مسائل شك وهوة بدة ميصدك بيهة ولو اني من اول ماكام يسوي هيج كلتلهة هذا يريد ينهي العلاقة وياج بس مايعرف شلون الى ان اجاهة وكاللهة ترة احنة بعد منفيد بعض كلمن يروح لطريقة احسن ، هية هم ماصدكت عافهة راحت كبلت وية محسن صديقة
لمى ... عجيب زين هية شاخطة هذا مافكر بصديقة وجانت حبيبتة على اساس شجاهة الناس
حنين .. لا لج اسمعي كاللهة ترة اني جنت احسدة عليج واتمنى انتي تصيرين الي
لمى .. خوش فلم هندي
حنين.... اي والله شبيج وبعد ٣ اشهر علاقة راح يخطبهة هالايام حتى بعد التخرج الزواج
لمى... الله يتمملهم على خير
وصلنة للجامعة دخلت صارت بوجهي (سنفور اكول ) هاي صديقة حيدر شافتني اجت مباشرة بأتجاهي
سنفور اكول 🤓... صباح الخير
لمى وحنين بأستغراب ... صباح النور
🤓.... لمى ممكن دقايق على انفراد اني وياج
لمى ... حنين اسبقيني جاية وراج
راحت حنين وهية اشرتلي على مصطبة اكعد اني وياهة كعدت
🤓.... اني اسمي ميساء واحب حيدر بس بصراحة من اشوفج ويا اتخبل انجن اغار علي
لمى .... اهلا بيج ، بس حيدر زميلي لا اكثر ولا اقل وبالعافية على حبكم كلهة يومين ونتخرج وكلمن يعود من حيث اتى
ميساء ... يعني اطمئن ماكو شي
لمى ... اي اطمئني ، بس اني حبيت انصحج ولوجه الله انتبهي على لبسج وخلي مناسب لطبيعتج الجسدية وياريت لو تركزين بالمراية قبل لا اطلعين من بيتكم
بقت هية صافنة واني عفتهة وكمت من مكاني وفتت للقسم بدون حتى ماانتظر ردة فعلهة بس حسيتهة تافهة بوقتهة يمكن لأن ما جنت احب واعرف شنو شخص يشاركني بالاحبة وشلون اغار
اجة حيدر دخل للمحاضرة طبعا اجة فايت وكت بعد مادخل الدكتور للمحاضرة هوة اجة دك باب القاعة لأن الدكتور بيدة قوائم الاسماء ومانتبه الة
حيدر ... السلام عليكم
الدكتور ... وعليكم السلام اتفضل
حيدر... ممكن ادخل واسف عالتأخير بس ازدحامات وانتة اعرف بالوضع
الدكتور ... انتة طالب بالقاعة ؟
حيدر ... نعم
الدكتور ... بس اني ماشايفك قبل
حيدر ... ظروف دكتور منعتني واجيت أأجل السنة بس تراجعت
الدكتور ... اتفضل بابا وبعد المحاضرة مرلي اريدك
حيدر ... ان شاء الله
دخل حيدر للقاعة ولهناك وصلتلي قصاصة ورق زغيرة مكتوب بيهة عندي موضوع وياج ضروري حيدر
انداريت علي مستغربة اشرلي اني هم كلت خلي اشوف شعندة من سالفة جديدة
انتهت المحاضرة طلع الدكتور اجاني حيدر
حيدر... رايح اشوفة شيريد وارجعلج
لمى .. عدنة محاضرة دكتورة انتصار مااكدر اضربهة
حيدر ... خليهة وراهة لعد بس عفية لا تغلسين
لمى ... ميخالف الله كريم
خلصت المحاضرة الثانية وصار الريست بقيت بالقاعة طبعا الكل طلع لأن هالايام عاجين صور وعزومات لأن نهاية مرحلة وتخرج وهدايا وبحوث بقيت بالقاعة لوحدة وهوة اجة جاب كرسي وكعد.كبالي
حيدر ... الله بالخير
لمى ... الله بالخير
حيدر .... شلونج اخبارج زينة إن شاء الله
لمى ... الحمدلله ماشية الامور
حيدر ... اجتج البنية ميساء
لمى... اي
حيدر ... شفتيهة اجكد تافهة
لمى ... ليش تافهة هاي فوك ما البنية تحبك وتقاتل علمود حبهة الك وحتى تفهت نفسهة بدون متحس حتى تبقى بس الهة والله انقهرت عليهة واجكد احتقرتك ليش هيج تلعب بمشاعرهة عبالك طفلة ومتمسكة بشي عزيز عليهة بس حتى محد ياخذة ى والله يوم بعد يوم جاي تحسسني انتة اجكد ماعندك احساس
حيدر ... عفية لمى جاي تحسسيني اني مجرم وسفاح لوما هية ساحلة روحهة اني شعلي
لمى ... اذا انتة ماالك نية طيبة وياهة ليش تخليهة تتعلق بيك
حيدر .... بابا هنة لزكة يعني واحد لابس واحد لا يتصل علي لا يرد على اتصالاتة شكو المقابيل مجلب لزكة جونسون خوما لزكة جونسون
لمى ... انتة الحجي وياك ضايع واني كل مرة اكول بعد معلي بيك بس شسوي لازم يصير شي ويخليني اجي اذكرك بأنسانيتك
حيدر ... هسة عوفينة من هاي البرميل وكليلي ماالله هداج
لمى ... خلي اروح احسنلي انتة صاير كلش قبيح
حيدر ... تندمين
لمى ... صحيح اندم اذا اتزوجتك لأن انتة مو امان ، يااللة حباب اني اروح وكفت جاي اطلع وجان تدخل ميساء 😠 جانت عصبية اني ماهمني عفتهم وطلعت
ماالي خلك اباوع دراما طلعت بوجهي للسنتر اشوف البنات وين مالكيت احد رحت كعدت عالمصطبات انتظر اي وحدة من البنات .
بعدين اجتي زهراء تمشي وية محسن وكفوا بصفي وسلموا واني بديت طبيعية جدا لهناك اجوي البنات جايبين لفات وعصاير دخلنة للحديقة مال القسم واخذنالنة زاوية وكعدنة سوالف وضحك وخلص اليوم ...
تمنياتي لكم بطيب القرائة والمتابعة
روح🌧
أنت تقرأ
ابطال رغم الخسارة
Romanzi rosa / ChickLitقصة تحكي كيف نمر بصراعات في الحياة ونتغلب عليها رغم فداحة مانقدمه من قرابين بعضها يكون مادي والاخر معنوي تحكي قصة فتاة كانت تعتقد انها تحب من طرف واحد واكتشفت في يوم ما ان الحب متبادل لكن بعد فوات الاوان بما إنني مبتدئة ارجو عدم انتقادي بصورة لاذعة...
