ابطال رغم الخسارة

مهاجرة

        نمشي اني وحيدر وجان تجي بنية جنت اشوفها مرات وية حيدر خاصة بالفترة الاخيرة بس من جانت تشوفني تتصركع وتحير شتسوي من حركات جانت تلعب نفسي منهة احسهة تتصرف برخص وية حيدر لازكتلة لزكة جانت سمرة وسمينة وقصيرة وشعرهة قصير صابغتة لون مدري شلونة وانوب تلبس ملابس استغفرالله ضيقة وهية سمينة وقصيرة جنت اصفن اكول هاي تباوع عالمراية قبل لاتطلع اكو ناس عايشين وياهة يفهموهة انه هذا اللبس مالايق وياهة بس من سحبت حيدر استغربت تصرفهة واخذتة على جهة وتحجي ويا وعصبية وتباوعلي وترجع تحجي وية حيدر شميت ريحة غيرة وبداخلي كلت هاي والله بطرانة هوة العندة مثل ظروفي والالم التحملتة هم يفكر يتمعشك استغفرالله بس يااللة يجوز صدك تحبة وتغار علي مني معذورة عفت حيدر وفتت للقسم وتابعت محاضراتي بس شفت حنين مو على بعضهة
لمى... حنين شبيج شو موعلى بعضج اكو شي؟
حنين.... ها لا ماكو شي ؟
لمى.... صحيح اني بعيدة عنكم صارلي فترة مو قليلة بس تبقون صديقاتي ويعز علي تخبون عني شي ، اني من ابتعدت عنكم الفترة المضت
ترة حتى لا اشغلكم بهمومي .
حنين.... لمى ترة على كولتج الفترة الموقليلة الفصلتي بيهة عن وجودنة وياج صارت هواي مستجدات وانتي الحاضرة الغائبة .
لمى... حقج شمتكولين بس ترة والله العظيم الظروف كلش متأزمة بالبيت بس كوليلي شبيج انتي هسة حتى انتفاضتج هاي وراهة شي .
حنين .... شوفي اني راح اسولفلج كلشي بس ها مو تزعلين وبعدين ورة مااسولفلج اكلج ليش ماردت تعرفين واسمعيني للاخير ولاتقاطعيني وبعدين سوي اليعجبج
وبدت حنين تسولف .... تعرفين الولد سعيد الويانة بالخط اول ماشفتة انعجبت بي كلش ليش مااعرف مع العلم هوة موذاك الجمال ولا الوضع المادي المريح وحتى لبسة عادي كلش بس شسوي الحب اعمى ورة فترة سمعت بي طلب علاقة من كوثر البنية الويانة بالخط طبعا اتخبلت وانجنيت ورة يومين رحت كلتلة سعيد ترة اني احبك لوتشوفين الولد شلون انصدم وفتح عيونة هوة استحى واني ولا عبالك ولا تلوميني شفتة راح يروح من ايدي تدرين هوة يومين مااجة ولا داوم وثالث يوم من داوم حتى ماباوع بوجهي .
لمى... طبعا هية تسولف واني سارحة بكل كلمة تكولهة كأنما اتخيل الموقف جاي يصير كدامي هاي حنين الكلهة ثكل شجاهة تخبلت هيج سألتهة .. اجكد صارالكم علاقة
حنين.. اووو صارلنة سنتين وبس اتخرج يخطبني ، ترة هوة اجل السنة لأن جاي يشتغل حتى يلم للذهب والاخشاب والجهاز والذي منو مال العرس يوم الالج لماوي حبي
لمى.. انتي مقتنعة بي ؟
حنين ... اكلج اني صارحتة تكليلي مقتنعة
لمى.. هذا قرارج وانتي بكيفج وهاي حياتج محد الة حق يقرر خاصة مثل هيج قرارات مصيرية غيرج .
حنين ... ترة موقصدي اضم عليج بس اعرفج متحبين مسائل العلاقات وماردت اخسرج انتي اخت وصديقة .
لمى... الله يوفقج
حنين .. ترة عندي الج مفاجأة ثانية تخص اسن
لمى ... خير إن شاء الله
حنين ... العام جانت معجبة بولد وياهم اسمة حمزة ويوم من الايام شافت اصدقائة يباركولة من اطقست عرفت بي خاطب لذلك السنة اجلت وماداومت حتى متشوفة بعد والثولة سوت علاقة وية ابن خالتهة حتى عود تنسى حمزة لهناك وابن خالتهة كاللهة ترة اني ماافيدج والعلاقة انتهت خلال ست اشهر
لمى... الظاهر اني جنت بغيبوبة
حنين ... لمى ترة لأن ندري بيج متقبلين على مثل هيج اشياء ماكلنالج
لمى ... مشكورات على هذا التقدير جان خليتوني على علم ولو بشي بسيط من حياتكم حتى لو رؤوس اقلام بس الظاهر طلعت الصداقة عالم ميفيد امثالي مثل ماعالم الحب مااتقبلني
خلصت باقي اليوم وطلعت للسنتر انتظر حنين ماادري وين غطت وصافنة على كلشي مر علي حسيت نفسي انسان ماالة حظ وية الاخرين سواء مدعين الحب او الصداقة غادرت عالم الحب واني على اعتابة وبعدني ماخاطية خطوة للداخل وحمدت رب العالمين وآن الاوان احزم حقائب الذكريات واحتفظ بأجملها من عالم الصداقة حتى ماانجرح بعد ،
اجة حيدر يتمضحك بيني وبين نفسي كلت بس يحجي كلمة الة اطيح صبغة ماناقصني قهر
حيدر ... ها شلونج
لمى ... زينة
حيدر ... ونحول
لمى ... حيدر شتريد عفية ترة انتة بطران متعرف نفسك شتريد بالضبط كلساع واكف وية وحدة شكل وتمثل الحب باوع واتذكر زين كلامي حرف حرف شوف لمن تريد تضحك على بنات العالم عندك ام وعندك اخوات وباجر عكبة تصير عندك زوجة وبنات والجاي تسوي يندفع اضعاف مضاعفة راجع نفسك ياابن العالم جنت خوش ولد شخبلك اذا هنة مامؤدبات انتة صير مؤدب ودورلك على بنت عالم وناس واستقر ترة الصداقة البيني وبينك الهة حوبة والك مواقف لهسة ماانساهة لأن الحمدلله اني بت حلال وحبيت انصحك مال زواج مااتزوجك لأن مااحب الملعب اريد انسان يخاف الله بية مايكسر خاطري بيوم من الايام راح اكبر واهمل نفسي والتهي يشوفني اذبل يروح ادور غيري غير اموت قهر ابقى انثى والي مشاعر وعواطف واذاةقبلت بيك حاليا راح اخلص حياتي شك لأن الجاي تسوي غلط هم باجر تجيك وحدة وتكلك اني اموت بدونك وتعوفني وتروح ماالي خلك قصص المراهقين ماراهقت بوكت المراهقة اراهق هسة بعد ماشفت وعرفت واتعلمت حيدر انتة خوش ولد لا تخلي اخلاقك تنحط وفكر بعرضك حتى لوهنة رخيصات صير انتة الغالي ترة الطيور على اشكالها تقع والجاي تسوي تدفعة باجر اضعاف
طبعا هاي اني احجي وفاقدة وحتى ماانتبهت لشي حولي انفجرت بي مليت من الجذب والمجاملة لازم اوكفة عند حدة لأن جم وحدة متستحي مكيفة بي  خلتة مايخلي رجلة بالكاع ومافكر بتبعات الجاي يسوي
عفتة بدون مااباوعلة ولاخليتة يفتح حلكة بكلمة ورحت كبل للكراج حنين انتظرتهة وماكو داخلي انكسر صديقاتي عدني غريبة والحبيتة بيوم بدون سابق انذار عافني والشفتة ابن عالم وناس نصحوني اعوفة واقلب صفحتة بدون مااعرف ليش بس لأن هذا الشي لمصلحتي
صعدت سيارة ورجعت للبيت مباشرة بدلت ونمت بدون اي سلام ولا كلام
صعب تكون انسان وفي بزمن كثر النفاق والكذب واصبح الاوفياء نادرون بزمن اصبحت المبتذلة يتزاحم عليها الرجال والنقية متهمة بالتعقيد من تبتذل جسدها ايقونة الاناقة ومن تحفظ نفسها برداء العفة متخلفة مالكم كيف تحكمون
فعندما تختار زوجة اختر تلك التي حافظت على تربية ام واب وسمعة اخ فهي من ستكون الراعي لبيتك والقائمة بأمرك تلك التي عندما تغيب تحفظك بنفسها وبمالك وبعيالك وكما قالها اوليائي وسادتي من آل بيت محمد (عليهم افضل الصلوات والتسليم)
.. إختاروا لنطفكم فأن العرق دساس ..
دمتم بأمان الله وحفظه
روح🌧