بعد مرور فترة تقريباً شهر انشغلت بالامتحانات فجأة اجة حيدر وجواد مروا من يمنة مجرد ما سلموا وفاتوا اعترف انه خلال الفترة المضت انشغلت بالامتحانات انشغال حتى عن النظر لنفسي بالمرآة كما يعبرون
استغربت واني الي جنت جاية حتى اكولة جواد متهمني اختي ورأيهة بس مادام هذا موقفة هذا هو الة اطلع عيونة
كاعدين بالحديقة نسولف اني وحنين وزينة وزهراء فجأة يجي شاب يتقدم من عدنة طبعا هذا الشاب بمنطقتنة وبالتحديد قريب على بيت حنين اسمة ماجد
ماجد.... السلام عليكم
البنات.... وعليكم السلام
ماجد... وهوة يوجه كلامة الي لمى ممكن دقايق على انفراد
لمى .... ليش اكو شي ترة البنات اخواتي مو بس صديقاتي
ماجد ... موشوية الموضوع خاص
لمى.... اي
ماجد .... هنا مو بعيد
عفت اغراضي عند البنات واخذت بس موبايلي ورحت هوة مشى للحديقة الثانية صايرة بصف مكتب موظف شؤون الافراد هوة كعد واني بقيت واكفة طبعا من اتوتر جنت اظل اروح واجي بالمكان وابقى واكفة مااكعد
ماجد... اتفضلي اخذي راحتج
لمى... مشكور بس ممكن تدخل بموضوعك شنو التريدة
ماجد... لمى اني اعرفج من زمان من جنتي تترددين على صديقاتج أسن وحنين وخاصةً اني صديق اخو اسن وملاحظج واعرف اخلاقج كلش زين ومن لاحظتج بالكلية والاخلاق العالية الي يتكلم عنهة الكل بصراحة حبيت اتقدملج
لمى.. قصدك شنو بالضبط ؟ تتقدملي علاقة لو شنو؟
طبعاً هنا تلعثمت شجاوب وشلون ارفضة
ماجد .... اني اريد اخطبج
لمى.... (طبعا انثولت اريد اجمع افكاري حتى ارفضة بصورة متجرحة فجأة اتذكرت قبل فترة من جنت اني والبنات نتردد على كلية التربية اشوفة هوة وبنية يطلعون من الكافتريا وهذا الموقف مو مرة وحدة صار لا اكثر من مرة بصراحة شفتهة فرصة رأسن جاوبتة) انتة طالب تربية تاريخ مو لو آني غلطانة؟
ماجد.. لا مو غلطانة غاية بالصح
لمى .. اني جنت اتردد على كلية التربية واشوفك دائماً تطلع من الكافتريا انتة وبنية واكثر من مرة صار هذا الموقف.
ماجد.. اي صحيح وهاي البنية جان بيناتنة علاقة تقريباً صارلهة سنة بس هسة لا انتهى كلشي.
لمى.. انتة نهيتة لو شنو؟ ولو هذا يُعتبر بي نوع من انتهاك الخصوصية
ماجد .. لا ياخذج ظنج لبعيد من البداية اني كلتلهة ماافيدهة لأن اني احب الارتبط بيهة زواج مااريد عدهة تجربة علاقات حب
لمى.. واذا انتة هالشكل ليش سويت وياهة علاقة اصلا عجبتك روح اخطبهة مثل ماهسة جاي تفاتحني بموضوع خطوبة
ماجد.. لمى ترة البنية هية الفرضت نفسهة علي اني ماجنت اريد ارتبط اصلا جنت على علاقة ببنية جيرانة بس ظن اتقدمت الهة اهلهة بليلة وضحاها زوجوها لأبن عمهة وكالوا ماعدنة بنية تتزوج غريب
هاي العلاقة انتهت بالمرحلة الثانية جامعة ومن داومت العام مرحلة ثالثة اجت هاي البنية الجنتي تشوفيهة وياي واسمهة وداد هية طلبت مني علاقة واني كلتلهة ترة ماافيدج لأن مثل نوعج ميعجبني بس هية اصرت على سبيل التجربة وامكانية تغييرها الي
بس من شفتج العام بنهاية السنة وانتي تقرين بالتربية اكو شي خلاني انشد الج مااعرف ليش بالبداية شبهت عليج بس من شفتج قبل فترة انتي وحنين مريتوا على اسن اخت صديقي رسول اتذكرتج سألت عنج محد ذكرج الا بكل خير
لمى.. اني اسفة مااكدر اوافق حاليا اريد اخلص دراسات والزواج يحتاجلة انسانة متفرغة تفرغ تام الله يوفقك وتلكة بنت الحلال التناسبك
ماجد.. ليش مستعجلة فكري ورجعيلي خبر وية اسن اخت رسول
لمى... اني آسفة اعذرني يعني الواحد مخطط لنفسة خارطة طريق والزواج مو من ضمن محطات هذي الخارطة
ماجد... شنو السبب ؟
لمى ... اسباب شخصية خاصة بية اني لأن اني اشوفك شاب كامل ماشاء الله عليك الله يوفقك بالاحسن مني يااللة اني مضطرة اترخص منك
فرصة سعيدة انه اتكلمت وياك مع السلامة
ماجد.. الله معاج
رجعت للقسم لكيتهم داخلين محاضرة ماردت احرج نفسي وادخل رحت كعدت عالمصاطب بالحديقة ظلت فكرة تاخذني وفكرة تجيبني خاصة موقف جواد الصبح
ثاني يوم من داومت شفت جواد الكل متجمع حولة ويهنونة استغربت بس بقيت بعيدة عن مكان التجمع لهناك اجت حنين وياهة حيدر سلم حيدر فسألتهم
لمى .. هاي شكو شنو هاي التجمع والمباركة لجواد صاير شي
حيدر .. ها
حنين .. لمى جواد خطب اقاربهم وعن قريب جداً حفلة العرس يعني حسب مايكول بالعطلة لأن الخطبهة بغير محافظة
لمى.. بقيت لا آخذ ولا انطي ليش وشنو السبب الخلا يستعجل ويخطب وهوة جان يتمنى الرضا فصلت ورحت بغير عالم لكن شوية وصحيت لنفسي
الله يتمملة على خير سبحان من انزل القوة والتماسك علي بهذا الوقت بحيث تقدمت كدام الكل وكفت اكبالة وكلتلة لحد الان اتذكر بوجه كلة مبتهج ومنفتح الاسارير كلتلة ( شايف كل الخير إن شاء الله بالتمام عليك تستاهل كل خير جواد ) بدون اي تفكير بالي طلع مني هوة بقة واكف كبالي يباوع بوجهي
من يومهة اخذت عهد على نفسي ماانطي مجال لأي رجل بحياتي اكرس حياتي دراسة واحصلي وظيفة وانتهى الموضوع
ماافتهمت شي من بقية اليوم رجعت للبيت طبعا دخلت للحمام وطلعت لكيت والدتي محضرة الغدة اتغديت اكلت اكل مال شهر كامل ليش مااعرف مع العلم هاي موعادتي اني طبيعتي من اضوج ابتعد عن الناس ومااكل كلش قليل لكن هالمرة غير ماسمحت لنفسي تنكسر بالعكس قويت نفسي وباوعت للمستقبل ماصار شي ملموس مجرد كم لقاء وماوعدتة بشي اني هوة الي اتجاهل كلشي خلي بالعافية علي وظلت الاية القرآنية تتردد بداخلي (وعسى إن تكرهوا شيئاً وهو خير لكم )
حمدت رب العالمين ومضيت قدما لتحقيق حلمي
بهالفترة خصمتهة وية دكتور عبداللة واخذت منة وعد بعدم فتح الموضوع وياي مرة ثانية اني رافضة وانتهى الموضوع تقدمىي شاب كردي بس كلبي جان مجروح وماردت اظلمة وياي مع العلم هوة استقتل بس كلت القبلة خلالي القمر بيد والشمس بيد وبين ليلة وضحاها نسى كل الوعود وراح خطب وعلى وجه زواج والسبب غامض هذا الي حبني لمجرد شاف شكل حلو كدامة شراح يقدملي
كرهت كلشي اسمة ارتباط وبعدين اتقدملي شاب اسمة احمد بنفس قسمنة بس بشعبة ثانية وهم رفضتة بصراخة استغربت من كم العشاق الطلعولي بهاي الفترة بس اني ماضعفت ولا تراجعت ولا توانيت عن قراري مع العلم كلهم شباب ولد عوائل ومستوى دراسي لا بأس بي بس الجرح الجنت مجروحتة كلش عميق وماردت اظلم اي شخص وياي
عدت السنة وطلعت مثل كل مرة من الاوائل بالعطلة بديت اخطط لضرورة اكون هالمرة من الاوائل ايضاً حتى احظى بدراسة الماجستير وبنفس الوقت عسى ولعل احصل كرسي تعيين كمعيدة بالجامعة منها اكمل دراستي على حسابي الخاص ومااثقل اهلي بنفقات الدراسة ومنها اكسب خبرة بالتدريس بين مااحصل شهادة الماجستير بدة العام الدراسي ببدايتة اكتشفنة اني وعائلتي انه اخي رأفت مو مسافر مثل ماكالولنة وانما معتقل عند الامريكان بس وين منعرف وادهورت احوالنة وزاد القهر والخوف واتمرضت وبقيت شهر كامل طريحة الفراش وصديقاتي على طول يتصلون علي ويسألون على اخباري والمحاضرات كلهة ناقلينهة الي وماخذيلي اجازة من العمادة وبعد مرور شهر كعدوا وياي والدي ووالدتي واخوي عاصم وكالوا لازم اداوم اقلها اشوف الوضع العجبني كان بها واكمل دوام واذا ماعجبني اأجل السنة على البعدهة صدك باشرت بالدوام بعد فترة اسبوع على ما جهزت المحاضرات واطلعت على مواد السنة الدراسية المقررة من داومت شفت الناس بوادي واني بوادي ثاني رحت للعمادة لوحدي بدون مااخذ رأي اي وحدة من صديقاتي دخلت لكيت دكتور منذر كاعد
لمى .. السلام عليكم دكتور
دكتور منذر .. وعليكم السلام اتفضلي بنتي
لمى .. دكتور بلا زحمة اريد اأجل السنة الدراسية
دكتور منذر .. ليش بابا ؟
لمى.. اسباب شخصية واني عندي ظروف خاصة وما جنت مباشرة بالدوام تقريباً صارلي شهر مجازة ومن اجيت داومت كلشي ماافتهمت
دكتور منذر.. اي بابا عادي احنة موجودين ونساعدج باللي مافاهمتة ونعيد شرح المحاضرات حرامات اتأجلين السنة وانتي طالبة كفوءة ونموذج للطالبة المتميزة خلي موضوع التأجيل جانباً بالوقت الحاضر وإن شاء الله نساعدج بأيصال معلومات المحاضرات الفاتتج
لمى .. مشكور دكتور راح اتعبكم
دكتور منذر.. هذا واجبنة بابا واهلا وسهلا بيج بأي وقت
لمى .. شكراً جزيلا
طلعت من السكرتارية وتوجهت للقاعة سولفت للبنات وزعلوا لأن مااخذت رأيهم بالموضوع بس كلتلهم اعذروني تعبانة نفسيتي كلش بعدين سمعت جواد مأجل السنة حمدت رب العالمين انه مااجلت جان كابلتة السنة الجاية هماتين
وللاحداث تتمة اتمنى لكم رفقة طيبة معي
أنت تقرأ
ابطال رغم الخسارة
ChickLitقصة تحكي كيف نمر بصراعات في الحياة ونتغلب عليها رغم فداحة مانقدمه من قرابين بعضها يكون مادي والاخر معنوي تحكي قصة فتاة كانت تعتقد انها تحب من طرف واحد واكتشفت في يوم ما ان الحب متبادل لكن بعد فوات الاوان بما إنني مبتدئة ارجو عدم انتقادي بصورة لاذعة...
