🔥 مِن الحُب ماقتل 🔥

1

🌸 متابعة ممتعة 🌸

الحلقة ~1 💜

نهى..ماااامااااا يامااااماااا
ام نهى..نعمم هاا يعطيييك بكششة ف هالصووت شن تبي ؟؟؟؟؟
نهى..تعااالي شووفي ولددكك خير مانريشلكمم روحي ف هالحوووش
ام نهى.. خييركم صبحح يافتاح شن في !!
وليد .. ماافي شي يا امي غير بنتك حساسة حبتين :v
نهى..اني حساااسة ياقررد يامعفنن ياقليييل الادب..اني دبةة تخاايلي يا اممي قالي اني دبببة !!
وليد ..ههههههههههه انتي قلتيلي القفطان ميبيش يخش فيا شن تبيني نقولك نانسي عجرم ؟ 😂
ام نهى .. طيحح سعدكم انتي وياه خلعتووني ياعن شكلكمم..انتي انزلي باش تديري معاي الفطور بلاا عبط وانتا التاني برا شووف بوك من مبكري يدور فيك..
>>وطلعت ام نهى من الدار.. <<
ووليد ميت ع روحه من الضحك 😂😂
نهى..وحق ربي كااان مضمشش فمك نهاارك احرررف ..
وليد..يادبة 😂😂
ونزلت ورا امها >>
وخوها ماشي وراها ويغنيلها
يابطة ميحي ميييحي يابطة راك اطيحي 💃😂😂😂😂
ناضت نهى خدت كندرة بوها وحدفتها عليه 👞😅

ونزلت نهى وساعدت امها وكملت فطورها وبدلت حوايجها وقعمزت تستنى ف نادين باش تخطم  عليها ..واتصلت بيها
نادين ..الوو
نهى ..ايواا..تي يابنت وينك لحد تواا ؟؟
نادين ..هي هي قريب نوصل خلاص ف راس الزنقة..اطلعيلي
نهى.. ماشي تمام هي.. نستنى فيك

<وصلت نادين وركبت نهى فالسيارة وطارو عالكلية >

واول ماصلو الكلية خشو المحاضرة جري الي كانو متاخرين عليها ساعة وقعمزو ..
نهى <ودمها محروق>..عاجبكك هكي ؟؟  اهو نصهاا فاتناا 😐😐
نادين..عادي يابنتي شن فيها 😂 شن صار تأخرتي علي مشروع التخرج ولا كيف 😂😂
نهى.. اي اي اقعدي مستهترة هكي لين تلقي المواد كلهم قاعدينلك زي الهم ع القلب ..
نادين..اووف شن هالنكد ع صبح ربي 😐😐 خلاص خلاص مرة تانية توا نخطم عليك بكري غير اهدي لايطقلك عرق 😅

وكملو نادين ونهى محاضرتهم ومشو للكافتيريا ..
وشويا تاني طبت عليهم لجين 😅

لجين .. بخخخخ ..استاحشتووني ولا 😂 ف من كنتو تقرموو فيا ولاا 😆
نادين ..ولك دخيلو الواتق.. ع مالك ولاجمالك؟ -_-
لجين.. الاتنين وحياتك 😂
اييي نهى قوليلي ..شن بتلبسي ف عرس ولد خالتك ؟؟
نهى..اسكتي بالله القفطان ميبيشش يخش فياا حي علياا شكلي سمنت 😭😭
نادين ..ههههههههههه حاجة واضحة..وانتي صونية البشاميل مسحتيها مسح ف حوشي امس 😂😂
لجين..هههههههههه رسمي حسيت الصونية تطلب فالرحمة 😂😂
نهى..خزي عليكم والله جت فخاطري 😢
البنات.. هههههههههههههههههه
نادين..ياعمري بالهني فداك 100صونية بشاميل ..اصلا الكرشة دليل عالعز باش الي ياخدك يعرف روحه واخد بنت عز 😂

>>وطلبو اكل وقعدو ياكلو ويهدرزو ويضحكوو وف نص الهدرزة قاطعهم واحد <<
الولد.. مساء الخير
البنات..مساء النور ..
نادين. تفضل خوي..في حاجة ؟
الولد.. لو سمحتي ممكن كلمتين .. "يكلم ف نهى "
نهى <وهي مصدومة شوي> ..ان شاء الله خير ؟
الولد..لالا خير مافي شي
نهى..اوك
الولد..سامحيني ع الطريقة الي ادخلت بيها وخيتي ..بس كنت نبي نطلب منك طلب..
نهى ..لالا عادي خوي ولا يهمك ..تفضل
الولد..اول شي اني اسمي نادر ..معاك فالمجموعه اكيد شايفتيني
نهى..اي اي عرفتك..تشرفنا..تفضل
نادر..الشرف ليا.. لو سمحتي اني صارلي ظرف وليا شهر كامل محضرتش ولا محاضرة..ف نبيك تقوليلي شن عطو الدكاترة وشن المهم باش نبدا نقرا ونوتي روحي قبل الفاينل لومعندكش مانع ..
نهى ..اي اكيد مفيش مانع..تفضل ف اي وقت قولي امتى يناسبك ونقولك
نادر..بارك الله فيك وخيتي وسامحيني مرة تانية بس صحابي كلهم مش نفس المجموعة ومانعرف حد ف مجموعتنا ف جت فيك بالصدفة هههههه
نهى.. لالا عادي ولا يهمك خوي..الناس لبعضها
نادر..تمام نتلاقو فلمحاضرة
سلام..سلامات

< رجعت نهى للطاولة >
البنات ..منوو هداا 😳😳 شن يبي ؟؟
نهى..هدا ولد معاي ف المجموعة فاتو عليه محاضرات ويبيني نقوله المهم ونشرحله شوي حاجات ..
نادين ..طررف 😍😍..نجي نشرحله معاك 😂😍
نهى..هاهاها..شكلك مستاحشة شبشبي😐
لجين..مفضاك الهم ههههههه
نادين ..😓 شن هالجفاف ياربي ..نوضي نوضي خلي نلحقو المحاضرة .. هيا لجين بتمشي ولا بتقعدي..
لجين..لالا اني قاعدة عندي كوز بنقرا شويا ونتوكل ..
نهى ونادين ..اووك بالتوفيق سلاام ❤

>>عند نادر<<
محمد .. اه ياراس..وين مغيب ياراجل معاش شبحناك ؟؟
نادر ..والله الا صارتلي شوي ظروف وان شاء الله نلحق عالقراية المتلتلة فوق راسي هادي
محمد ..تلحق تلحق غير اسمع  .. بنمشو البحر اني والولاد تجي معانا ؟؟
نادر..لالا فوتوني اني ..مش فاضي
محمد..ماشي براحتك ..حقا ..!
نادر..اه ؟؟
محمد..من هالبنية الي كنت واقف عليها ؟؟
نادر..هادي بنت معاي فلمجموعة قلتلها تساعدني وتقولي المهم باش نعرف راسي من رجليا فلقراية
محمد..ااه..ماشي تمام..هي نتلاقو الولاد يتصلو...سلام
نادر... اي خلي نلحق عالمحاضرة حتى اني..سلام
~~~~~~~
طبعا نادر شاب عمره 24 سنة وصارتله شوي ظروف ومتأخر ف قرايته.. ومحمد اعز صاحب ليه
وهما الاتنين شخصياتهم عكس بعض..
نادر شاب منعزل شويا والدنيا ملطشة معاه من كل تركينة..وبوه متوفي وعنده 4 خوات بنات ويصرف عالحوش..وهوا راس ولد..يقرا الصبح ويخدم مع خاله ويتدرب ف نفس الوقت ف مكتب هندسي ..

ومحمد عكسه تماما.. شاب طايش  وكل شي يجيه لحد عنده لانه وحيد امه وبوه..عمره 26سنه ويخدم معيد فلكلية ..بس قاعد مش قد المسؤولية وواخد الدنيا بجوها ومطنش ..

~~~~~~~~~~
<<روحت نهى الحوش ولقت امها تستنى فيها..>>

ام نهى ..خالتك هني من مبكري هي نوضي بدلي وتعالي باش تلفي معانا السوابيت الليلة بنمشو لحوش العروسة ..
نهى..حاضر هي..

<<خشت نهى بدلت وطلعتلهم>>

نهى..العفوو خيييره الحووش تقول هكي؟؟ عزي مش عررس ! تي افتحوو شوي زمزاماات الهم خلي نحسوو روحنا ف عرس شوياا😂😂
ام نهى..نهاررر مباارك هاللسين ياكبدي اللي يبيي القص ..
خالة نهى.. ههههههههه تي عادي يافوزية (ام نهى) خلي البنات يهيجو شويا
نهى.. سعاااد..ياسعااد (بنت خالتها ) افتحي المسجل وحطيلنا الحمصة خلي نغيرو جو شويا 😂
 
خالة نهى..يافوزية ..انتي عارفة الجوازة هادي فوق من خاطري واني كنت نبي بنتك لولدي ..والله ماكنت نبيه ياخد برانية ..
ام نهى.. والله ياوخيتي علي عيني البنت تبي تكمل قرايتها واني منبيش نغصبها علي حاجة ..

~~~~~~~~~

كملو كل شي وخشت نهى دارها باش ترتاح وفتحت الفيس ..
لقت طلب صداقة ومسج ...

يتبع .......
رأيكم ؟.... 🙊❤
#Mera