🔥 مِن الحُب ماقتل 🔥

19

الحلقة ~ 19 💜

سرررربرااااااايززززززززززززز🎉🎉🎉🎉🎉🎉

لجين ..😳😱😱😱😱😱😱😍😍
نادر.. 😳😂
لجين ونادر ف نفس الوقت قالو لبعض
انت درت هكي ؟😂😂

محمد .. طيح سعدكم انت وياها البنت من صبح ربي شاقية وانتو كل واحد يحساب التاني دارها اخس يادنيا😂😂😂
نهى.. تبا لكم جميعا😂😂
لجين.. ههههههههههههههههه انتي درتي هكي !!!
نهى.. مش انا بروحي ☺
لجين.. اه من معااك 😳😳😳
نهى.. take a deep breath 😂
لجين.. شنو😳

وتلفتت نهى وشاورت لنادين باش تجي ....
واستأذنو نادر ومحمد باش يقعدو البنات بروحهم

نهى.. سربرايز تاني هههههه .. نادين هيا الي ساعدتني ف كل شي .. وهيا فرحانتلك زي مافرحتلك انا بالزبط.. وتعبت فالتحضيرات  و ....

قاطعتها لجين

لجين.. انتي ب اما وجه  جاية ؟
نادين.. لجين اسمعيني بس ...
لجين.. مفيش كلام بيني وبينك.. يا تمشي انتي توا يا نمشي اني
نهى.. حراام عليك يالجين راهو تعبت معاي هيا ودرنا كل شي مع بعض باش تصالحك ونرجعوا زي قبل علاش اديري هكي ؟؟
نادين.. خلاص نهى اني بنمشي.. انبسطو انتو وغيرو جو منبيش نفسد عليكم
لجين.. هههههههههه بتلعبي دور البريئة .. كلمتي عمر صح ؟ انتي الي خديتيه مني صح ؟؟؟
نادين.. انتي مخليتينش حتى اندافع على روحي
نهى.. يالجين والله ماعمر الي كنتي تكلمي فيه صدقيني
نادين.. خلاص متتعاركوش والنبي.. انا مروحة

ومشت نادين ولحقتها نهى.....

نهى.. استني بسس نااادين .. ناااادين استني

نادين وهيا تمسح ف دموعها ... خلاص حبيبتي منبيش نفسد عليهم فرحتهم قوليلها الف مبروك بالنيابة عني واعطيها هادي الهدية..

وشرتلها نادين سنسلة فضة وتعليقه ع شكل زوز صحبات شادين ف ايد بعض

نهى نزلو دموعها.. امتى بنفتكو من الهم هدا ياربي
نادين.. خلاص نهوشتي نوعدك نزيد نحاول نكلمها تاني.. وتوا انتي ارجعي معاها وقصو الكيكة وانبسطو ❤
نهى .. اوك.. ديري بالك ع روحك
نادين.. وحتى انتي ياروحي هي سلام....

ومشت نادين وقعمزت نهى عالكرسي وقعدت تبكي .......

و نادين وهيا طالعة تفتح ف شنطها باش تطلع مفاتيحها وقابلها عمر وهوا كيف جاي شبحو لبعض الزوز
وتلفت كل واحد للجيهة التانية وكمل طريقه .......

ركبت نادين للسيارة ومسحت دموعها ....

نادين.. ههههههه كل شي ماشي تماام
ونفس رد الفعل الي توقعته من لجين...
Have fun baby 😆✋

فالحفلة .....

محمد لاحظ ان نهى مش موجودة وقعد يتلفت يمين ويسار يدور عليها....
طلع جيهة البركيدجو لقاها مقعمزة تبكي.....