الحلقة ~ 5 💜
محمد..الوو..تي هيا ياراجل الامتحان قريب يبدا وينك ؟؟
نادر..طلعت طلعت ..تلقاني قدام البركيدجو
وتلاقو محمد ونادر ..>>
محمد..هي احكيلي ..خيرك ؟؟
نادر..والله ماعارف يامحمد..فديت من روحي خلاص ..
محمد..غير شن صارلك بس.. ؟
نادر .. ضغط الحوش وعرس اختي..والقراية..وعلاج امي ..والله بديت معاش نلحق ع شي..نفكر نسيب القراية وندور ع حاجة نسترزق منها وخلاص
محمد.. غير اهدى بس كل شي وليه حل شن تسيب القراية هادي..هندسة راه ..صلي ع النبي وشوي شوي هاتنحل..
نادر..يامحمد افهمني..اني راس ولد و4 بنات وام ..منيين بنصرف عليهم ..؟ واختي عرسها قريب ويبو مصاريف للعرس اني شن بندير..مش معقولة تقعد تشحت من خطيبها ويهزا عليها مافيش حد واقفلها وتقعد بلاقدر قدام اهله !
محمد..باهي اسمع بالنسبة لعرس اختك خلي المصاريف عليا.. والوالدة عندي عمي دكتور مستعد نكملهولك يهتم بيها وبعلاجها ..والباقي نلقوله حل مع الوقت الا قرايتك راك تفرط فيها يانادر ..
نادر .. لالا منبيش ندخلك معاي فالقصص هيا هادي..اني توا نتصرف
محمد..تتصرف من ياراجل واني شن ندير هنايا ؟ معقولة في حد اولى مني ؟ انتو عيلتي التانية وامك ف مكان امي وهيا الي مربيتني نسيت ؟
نادر .. والله صدق الي قال معرفة التريس كنز ..ربي يحفظك ياقدر
محمد..مش بيناتنا يا صحبة هههههه
نادر..كانش ربي يهديك بس وتاخد الدنيا جد شويا وتسيبك من البنات وهمهم هههههههه
محمد..ياسيدي ..والله مالقيت وحدة فيهم تصلح نخطبها ..كلهم بمجرد غمزة نلقاهم جايين يجرو حشا بنات الناس الي قاعد ملقيتهمش هههههههه
نادر ..ربي يطيحك ف بنت حلال ان شاء الله.. ونلحق نشوفو فروخك ونلعبو بيهم قبل لاتريح عليك ههههههه
محمد..هههههههه امين ان شاء الله.. وانت شنو..مفيش وحدة هكي ولا هكي 😉
نادر <<تنهد تنهيدة مخنوقة >> ..ااااه شن بنقولك يا محمد..حتى الي حسيت بروحي مرتاحلها ونبي نقرب منها مش قادر
محمد..كيف ..ومن هيا؟
نادر..بنت فالبشري ..أية من الجمال ..واسلوبها حلو ودمها خفيف ..وسألت عليها كلهم شكرولي ف اخلاقها وسمعتها.. وزي مانت عارف..خوك ماحيلتاش غير الهم ..ومنبيش نظلم بنت الناس معاي ..نحس ف روحي عاجز ومكتف ..
محمد.. حالتك مستعصية انت..باهي جرب كلمها مدام شكروهالك ولو بنت اصل هاتصبر عليك وعالاقل تكون سند ليك ف هالفترة وتريحك ..
نادر..اني متكلمتش معاها غير مرة وحدة و5 د ..بس حسيت روحي نبي نقعد نتكلم معاها لاطول وقت ممكن ..
محمد..ربي يريح بالك ياصاحبي ويناولك كل الي تبيه ..ماعندي مانقول !
~~~~~~~~\\
《 عند البنات 》
وصلو نهى ونادين لعند لجين ..
نهى..اتصلي بيها وقوليلها تفتحلنا الباب نخاف نشرين الجرس يطلعو ماليها راقدين ...
نادين..اوكي > ... ايواا ..اه لوجي..راقدة؟ ..اوك افتحيلنا الباب انا ونهى لوطة .... هي ......
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
