الحلقة ~ 35 💜
وقعدت نهى ف مكانها من الصدمة لا تحركت ولا تكلمت ....
لحد ماجتها لجين ..
لجين.. نهى ،،،نهى ؟؟ .. انتي ياابنت نكللم فيك
وقعدت نهى تشوف ل لجين ومعاش قدرت تشد روحها طبطتها وقعدت تبكي .....
لجين.. بسسم الله علييك خيرك يابنت ششن فيك
نهى.. ت خ ايلي ... انا .. قريب نموت من الخوف عليه.. وهوا .. رد .. بكل برود ، هكي وانا......
لجين.. غيرر اهددي بس تنفسي احكييلي شن الي صار بشويا..... خودي اشربي مية واحكيلي ............
وشربت نهى مية وقعمزت
لجين.. توا احكيلي بشوية ع الي صار ...
مسحت نهى دموعها وقالت ..كيف بنوض .. لقيته واقف.. محسيش بروحي مشيت نجري عليه وقعدت نبكي وطبطته.. بعدين هوا بعدني وكشخ عليا قالي تبي حد يشوفنا... قتله وين كنت وعلاش متردش قالي تليفوني تكصر وسيبني ومشي ... بكل برود واني الي قريب نهبل ونعرف شن صايرله
لجين.. باهي اهدي بالك اتكنطى علي خاطر ضبطيه عنده حق كان ممكن حد يشوفكم .. وممكن هدا لاش تصرف هكي.. خليه يهدا وكلميه بعد محاضرتك
نهى.. حي عليا المحاضرة اكيد بدت وهوا خش.. خلي نمشي نلحق
لجين.. باهي بشوية عليك امشي هي ... وكلميه بعد المحاضرة
نهى.. اوك ، سلام
ومشت نهى تجري عالمحاضرة وخشت القاعة.....
وهيا خاشة
ومحمد نادا عليها قدام الطلبة كلهم
محمد.. انتي ياطالبة...المحاضرة كداش ليها بادية ؟
نهى قعدت تشوفله ومصدومة
محمد.. نكلم فيك ياهيي
نهى.. ليها نص ساعة دكتور...
محمد.. ماشي تمام ..اطلعي برا لو سمحتي منحبش من يخشلي في نص المحاضرة.. الي يتأخر وميلزتمش بالمواعيد مش لازم يتعب روحه ويحضر مرة وحدة ..
ونهى حست بلإهانة قدام الطلبة كلهم وعيونها تعبو دموع وطلعت تجري وخشت للحمام وسكرت عليها وقعدت تبكي لحد ماهدت...
طلعت ساوت وشاحها وغسلت وجهها وطلعت للكافتيريا خدت قهوة وقعمزت ....
وقعدت تفكر وراسها يرفع ويجيب فيها.. علاش دار هكي معاها ومعقولة دارلها هكي علي خاطر لقطة مبكري ؟ اكيد في سبب تاني ..
لحد ماخداها الوقت وتم وقت المحاضرة وخش محمد للكافتيريا وطلب قهوة ونهى سمعت صوته رعشت زي الي صكها الضي 😂
قعدت تشاور ف روحها تمشي تكلمه ولالا ...
وهوا شافها بس دار روحه مشبحهاش خدي قهوته وطلع قعمز ف سيارته ....
نهى.. علاش دار هكي معاي .. توا هوا شافني ويستعبط ولا اني شفت غلط !
وقررت تمشي تكلمه ....
طلعت لحقاته كان مقعمز ف سيارته يقرا ف شيت ومسكر روشنه ....
وخبطت نهى عالروشن متاعه ....
شبحلها محمد وفتح الروشن
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
