🔥 مِن الحُب ماقتل 🔥

24

الحلقة ~ 24 💜

ومشت نهى عند سمر ومحمد.....
وسمر شبحتها تخزرطت

سمر.. 😳
نهى وهيا تعض علي سنونها.... سموورتي حبيبتي مزال مروحتييش ؟؟
سمر.. والله شحني تم وكيف كنت بنكلم بوي من فون الدكتور بارك الله فيه
نهى.. هه هه هه هه  .. غريبة لما كنتي فاتحة نت الشفرة كان شحنك 75% طارو ف ربع ساعة .؟؟  😜
سمر.. اي مه معنديش رصيد
نهى.. اهااااااا.. مفيش مشكلة اي.. كلمتي بوك ؟؟
سمر.. اي وقالي مزال بنعطل
نهى.. اممممم اي عادي نوصلك اني مفيش مشكلة
محمد.. 😂علاش عندك سيارة وحني منندروش 😂😂
نهى.. لااء مش بالضرورة نشيلك ع كفوف الراحة ياعمري ونوصلك لباب بيتك وهاننبسطو هلبا انا وياك🌚🌚
سمر.. لالا شكرا بوي قريب يوصل ..

ومدت التليفون لمحمد... شكرا دكتور ....ومشت

نهى.. مصيبة تاخدك ياحمارة 😐
محمد.. 😂😂😂😂😂خيرك تحبيها هلبا البنت ؟
نهى.. هاهاها .. لا واضح انك انت حبيتها هلبا الصراحة
محمد.. هههههههه شن بنحب فيها وهيا تشبه الفكرونة 😂 بس تعرفي قوية نشيلك ع كفوف الراحة هادي.. اني خغت منك😂
نهى.. 😐 وحدة سخيفة ولازم تتربى
محمد.. هههههههههه ياودي عارفهم النماذج هيا كويس متخافيش عليا
نهى.. وشششن هاالتقة الي انتااا فيهااا وانا علاااش بنخااف عليك متلا !!!
محمد.. باهي غير هدي اعصابك😂 نغرتي 😜
نهى.. ههههههههههههه انا ننغر من هيا ؟؟ علاش شن ناقصني عقل سلامتي
محمد.. 😂😂 باهي علاش درتي فيها هكي 😂
نهى.. لانها وحدة قليلة ادب منبيكش تحتك بيها هلبا
محمد.. متخافيش عليا زابطهم النوعية هيا :3
نهى.. هاهاها اي واضح عليك.. هي نستأذن

ومشت نهى وهيا زي كتلة النار المشتعله 🔥🔥

محمد.. وحق ربي مختشة 😂😂😂😂

و وصلت نهى للمدرج تستنى فالمحاضرة واتصلت بيها لجين

لجين.. طمنيني شن صار 😍
نهى... اااانتي ضمممي فممك خااالص .. انتي وافكارك الحيوانة هادي
لجين.. يعني الصنارة غمزت ؟😂😂😂😂😂
نهى.. ههههههههه غمززت.. تي والله كان زادت جنبي دقيقة تانية ره ركبت فوقها وخنقتها .. وقحححححةة
لجين.. هههههههههههههه حني جايبينيها باش نشوفو محمد شكلك انتي الي شوشطتي 😂😂
نهى.. انتي بنخنقك وراها ع فكررة
لجين.. اي احكيلي شن صار
نهى.. واخدة تليفونه قال شنو شحنها تم وتبي تكلم بوها وهيا مقعمزة جنبي فالمحاضرة شحنها 75 قرردة
لجين.. باهي متكلمتش مع محمد ؟
نهى.. مخليتهاش اصلا مشيت طبيت عليها مصحك هدا ماناقص نخليها تكلمه 😬 ومزال حتى هوا كان كلمته نبدا حمارة
لجين.. جرب نار الغيرة يانشأت😂😂
نهى..هاهاها😐 هي وجهك المحاضرة بدت
لجين.. ههههههه باهي به.. نتلاقاو بعدين.. بااي😘

وخشت نهى للمحاضرة وكانت شايطة زي دراقنبول 😃

وخش محمد للمحاضرة وبدي يشرح...